كاوتش الجيتا انفجر

**TeMoON** · 26-09-2009 10:43 AM

وانا لسة ماشى بالعربية فى امان الله من القاهرة لشرم الشيخ وكنت لسة ما كملتش 700 كيلو مرة واحدة لقيت نئرة ظهرت ادامى مرة واحدة فا اخدتها ولما اخدتها مرة واحدة لقيت الجنط على الارض والكاوتش انفجر فاطبعا نزلت الاستبن وغيرتة ومشيت على الاستبن بس ارخم حاجة فى العربية بجد ان الاستبن اخرة 80 كيلو فا مشيت حوالى 250 كيلو من القاهرة لشرم الشيخ على 90 كم لحد ما كنت هفرئع وخليت واحد قريبى اشترالى فردة جديدة مكانها وطبعا اشترى الفردة وبعتهالى والحمد لله بقت كويسة بس الفردة بكام (1200) جنية فا الحمد لله انها جات على اد كدا وقولت احسن ما كانت جات فى الصاج هو صحيح المبلغ كتير شوية بس لو على اد فردة الكاوتش الحمد لله انها جات على كدا والحمد لله انها كدا اخدت العين

**asemx1** · 26-09-2009 11:19 AM

حمدلله على سلامتك الاول والى يتصلح بفلوس احسن من اى حاجه
هيا البلد دى الله يخرب بيتها لازم تتصلح من اول وجديد

**chester16583** · 26-09-2009 12:31 PM

اهم حاجه طبعا انك بخير و ما حصلش حاجه طظ فى الفلوس اهم حاجه انك بخير بجد
خلى بالك دى ممكن تكون عين بس انت كنت ظابط الكاوتش على كام؟؟

**islamaboelnaga** · 26-09-2009 05:31 PM

دى مشكله الجنط ال 17 فى مصر

**معتز** · 26-09-2009 08:52 PM

الف سلامة...بس لية مع الاستبن 80 كم ساعة فقط

**ahit** · 26-09-2009 09:12 PM

قدر الله و ما شاء فعل و ربنا يسترها معاك و معانا
مش المفروض الإستبن بيكون زى الكاوتش اللى راكب فى العربية؟؟؟؟؟

**original** · 26-09-2009 09:20 PM

الحمد لله إنك بخير وفداك ألف فردة 17
المهم الحزام وشنطة الإسعافات وماتتكلمش فى الموبايل وماتمشيش فى المخالف..
للأسف مفيش قانون ممكن يعوضك مع إن الغلطة مش غلطتك والمفروض يبأا ليك زى ما بتدفع اللى عليك وطبعا النقرة دى إنتا بتدفع كتير عشان ماتبآش موجودة فى طريقك بس عادى ماتاخدش فى بالك..