اولا السلام عليكم
ثانيا انا اسمى احمد سعدون مهندس كمبيوتر
ثالثا انا احب انى اوضح اهتمامى بالمنتدى اللى لقيت انه بيتفوق على منتديات كتير جدا وليها اسمع وصيت جامدين بس لما دخلت عل المنتدى بتاعكم وبالصدفه قررت ولاول مرة انى ادخل اكتب موضوع بنفسى مش هطول عليكم بس دى كانت مقدمه لابد منها عشان ادى المنتدى الجامد ده جزا من حقه
ندخل فى الموضوع....
انا ان شاء الله وبعد تفكير اكتر من شهر كنت عايز اشترى عربيه استقريت على اكتر من عربيه وكان منهم عربيات لوت كتير يعنى هاخد العربيه مخبوطه وانا ابقى اصلحها وبعد اقتناع تام انى لما اكون اول واحد يركب العربيه هيكون افضل والله اعلم ايه اللى حصل فى التانيه قررت انى اشترى عربيه تكون واسعه واستهلاكها للبنزين قليل وكمان تكييف حلو وعضم شديد لانى اصلا راكب عربيه مش هعرف اركب بعدها وهى مرسيدس موديل 80 وطبعا انتوا فاهمين يعنى ايه مرسيدس نزلت واتفرجت على اكتر من عربيه ولاقيت ان العربيات اللى منافسه فى الفئه السعريه من 100 لحد 120 الف هما السيراتو الجديده(عربيتى ان شاء الله) والالنترا والعربيه الجديده شيفروليه كروز بس قررت اخد الكيا السيراتو لانها احلى واوسع كتير من جوة اما الكروز فهى ضيقه جدا جدا من جوة زياده على انها لسه محدش يعرف حاجه عن اسعار قطع الغيار بس شكلها تحففففففه من جوة وبرة اما الالنترا فشكلها اتحفظ وبقى موضه قديمه وربنا يسهلى فى اختيارى وياريت يا شباب اللى عنده حاجه ممكن يفيدنى بيها قبل ما استلم العربيه يقولى وكنت عايز اسالكم على كام حاجه بس لما اجيب العربيه ان شاء الله وانا دلوقتى هلبس ونازل اتفق مع المعرض اللى هجيبها منه وادعولى ربنا يوفقى
المفضلات