ربنا يوفقك للخير
تصدق ان انا حبيت العربية الصنى اكتر لما قرأت كتير عنها فى المنتدى وخصوصا من حضرتك
عرض للطباعة
ربنا يوفقك للخير
تصدق ان انا حبيت العربية الصنى اكتر لما قرأت كتير عنها فى المنتدى وخصوصا من حضرتك
استاذ سبعاوي خلاص اشتري الكورولا.:44:
حقيقى انا حزين جداً لأنك كنت مالى علينا قسم النيسان وكنا حسين ان فى ضهر لينا وكنا فخورين بإن سبعاوى من اشهر الناس فى المنتدى معاه الصنى وده فخر لهذه السيارة
مانساش مساعدتك ليا فى التيدا حقيقى تستحق التحية والتقدير بس مفروض قسم نيسان يعملك حفلة او نعمل مقابلة مع بعض شكر وتحية و لكمية المعلومات الهائلة التى لا تبخل علينا بها ابداً
عموماً الف مبروك على السيارة الجديدة وارجو ان تكون قد احسنت الاختيار بإذن الله
اوع تكون حنيت للـ 128
يا عمدة النيسان
الف ألف مبروك و ربنا يرزقك بالدابة الذلول اللى تريحك و يكون نصايحك و وقوفك جنبنا فى ميزان حسناتك
و متسيبناش ابقى طل علينا فى النيسان كدة من وقت للتانى
و كل عام و انت بخير
هو محدش شاف الموضوع ده ولا ايه
عضو جديد فى منتدى تويوتا
يا خسارتنا يا باشمهندس
و الله انت اخ كبير عزيز علينا كلنا
و فعلا قسم النيسان هيكون ضلمه من غير حضورك المستمر
انا مش عارف لو لسه فاكرني بس انا مقدرش انسي شخص بكل الادب و التواضع و الاخلاق دي
ربنا يباركلك في العربيه الجديده و يديك خيرها و يكفيك شرها
و معلش لو المباركه متأخره بس من اخر مره شاركت برأي ليا في المنتدي و واحد غلط فيا جامد و بعت للاداره اشتكي بأكتر من وسيله و الموضوع اخد يومين من غير تصرف لغايه ما وصلت اني اشتكي مشرف القسم للاداره اخدت عقوبه مخففه بايقاف اسبوع و من ساعتها و انا قافل من ناحيه المنتدي و مبقاش عندي اهتمام بالدخول و المشاركه الا لحاجه ضروريه
معلش بقي علي الصداع ده بس شويه فضفضه معاك قبل ما تنسانا
و ربنا يوفقك و يباركلك و متشكرين علي وقتك و مجهودك
بس الاخ سبعاوي مأكدش خبر شراء الكرولا
ان كنت فاكر انة هيجيب اكتافيا
بس عايزين نعرف منة سبب تفضيل التيوتا علي الاكتافيا من جميع النواحي
1-جانب نفسي(ارتياحك لاي سيارة )
2-جانب مادي(اية الي فكرت فية من ناحية الفلوس سواء كتير ولا قلييل بنسبة للسيارة).
3-جانب تفضيلي من الناحية العملية (لماذا فضلت سيارة علي اخري)
نرجوا الرد السريع تفصيليا
لان اختيار سيارة من اصعب الامور علي الانسان خاصة اذا كان طالع عينة في الفلوس الي هيحطها فيها
واعتقد ان 80% من شعب مصر يعاني الامرين بل يعمل حسابه الف مرة ابل ميجيب سيارة ويمشيها علي ارضها المحروسة .
هستأذنك تراجع الموضوع ده :
http://www.nilemotors.net/Nile/97738-a-5.html
المشاركة رقم 46 ،فى الصفحة الخامسة، انا شرحت فيها الأسباب التفصيلية لتفضيل الكورولا على الأوكتافيا
وعموما ده كوبى-بيست من اللى انا كنت كاتبه هناك:
---------------------------------------------------
اللى انا اكتشفته فعلا فى هذة الفئة ان الفروق التى تحسم الاختيار هى فروق ضئيلة جدا لان هذة السيارات ليست لها مشاكل جمة
لذلك انا ممكن تكون النقاط اللى انا شفتها نقاط تميز للكورولا ممكن تكون نقاط رفض لدى البعض الآخر من الناس
1- موتور الكورولا اكثر تطورا 2 كامة-16 صباب- vvtويعطيها تسارع متميز فى السرعات المنخفضة والمرتفعة، فى حين ان محرك الأوكتافيا التقليدى لا تظهر امكانياته سوى فى السرعات العالية فقط وانا معظم حركتى فى طرق لا تسمح بالوصول لهذة السرعات
2- كورولا الجديدة مطورة منذ 2008 بشكل كلى عن الموديل السابق، فى حين ان الفانتازيا ماهى الا تعديل محدود على الa5 التى كانت بدورها تعديل غير مبالغ فيه على a4
3- تويوتا من اكثر السيارات التى يفهم فيها ميكانيكية مصر كلهم بعد ظهور الموديل بسنوات بسيطة، وهذا يعطيها خط آخر من الدعم الفنى بجانب التوكيل ويعطيها قبولا متميزا فى سوق المستعمل
4- التكونولجيا اليابانية عموما تكنولوجيا غير معقدة ، تعتمد على فكرة السهل الممتنع او بصيغة اخرى: انا هديلك اللى انت عايزه بدون زيدة لكن فى نفس الوقت بدون تعقيد وبدون تكلفة تشغيل خارج طاقتك
5- الكورولا أهدأ صوتا من الأوكتافيا
6- مميزات الأوكتافيا عن الكورولا لم تؤثر فى تأثير مميزات الكورولا، يعنى مسألة عزل صوت الشارع الرائع والاحساس بالمتانة الاوروبية لم تكن مسائل جذب عالية بالنسبة لى
دى اسباب عامة: لكن هناك بعض الأسباب التى قد تكون خاصة بالنسبة لى
1-شكل الكورولا كتنسيق عام -او بصورة اخرى منظر الاطار العام للسيارة من على بعد 20 متر، بعجبنى اكتر من شكل الاوكاتفيا اللى بحس انها وش موديل 2010 متركب على جسم موديل 2004 متركب عبى شاسيه موديل 2000، لكن طبعا الشكل ده مسالة اذواق
2- الأوكتافيا مش بتليق غير فى الاسود وانا مش بحب الاسود
3- مركز صيانة تويوتا جنب البيت
4- اسم تويوتا ايجبت وتاريخها يطمئننى اكثر من اسم توكيل سكودا الذى يعيش على موديل واحد هو الاوكتافيا
6- بحب شكل علامة تويوتا على الديريكسون قدامى اكثر من شكل علامة سكودا
7- اسم تويوتا فى عينى اكبر من اسم سكودا، حتى ولو اعتبرنا ان سكودا تمتلكها فولكس فاجن يبقى برضه اسم سكودا ميتقارنش باسم تويوتا لكن يتقارن مع اى اسم من الأسماء الأقل شعبية عالميا التى تمتلكها تويوتا مثل دايهاتسو او سوبارو
8- احساس عام بان السكودا يوم ما يجرالها حاجة انا هحتاس، لكن الكورولا ومن تجارب الأزمة السابقة الناس كلها بتصلحها بملالليم تحت السلم بعد ما تقدم شوية وتحتاج لاصلاح
هى كلها اسباب وبسيطة ورؤية قد تكون شخصية اكثر منها موضوعية لكن كان لها عامل كبير فى حسم اختياراتى