رد مع اقتباس
بص يا سيدى .... انشاء الله احاول ارد على كل حاجة ..
الاجابات ...
1-رش العربية جوه وبره بياخد وقت حوالى تلات شهور كحد اقصى ... والتكلفة لاتتعدى 2500 ... وذلك عشان اكيد هيكون فى شغل سمكر ...وبردوا اعمل فى حسابك تغيير طقم الفيبر والاشياء الخارجية ..
2-افضل موتور للعربية هو 1100 سى سى اللى هو بتاعها ... ولا يستهلك بنزين وبردوا موفر فى قطع غياره ...
3- سعر العمرة مش عارف كلها تعمل كام .. انا لسه عاملها للبيجو ... ومصنعية الميكانيكى من 200-300 جنيه ... انما للحاجات اللى هتشتريها ممكن تكون من 1500 لغاية 3000 .... الموتور بعدها بيرجع جديد وتقدر تنساه لغاية 50000 كيلو بعد العمرة ... بس المهم تحافظ عليه يعنى بلاش حرق وتفحيط وكمان التسخين مهم فى ايام البرودة .. وتغيير الزيوت والفلتر فى مواعيدها ...
4- انا معرفش سعر موتور الريجاتا كام ... بس انا بنصح بلاش تغييير موتور العربية .. لانك لو زودت موتور العربية الثقل على العربية هيزيد وبالتالى سرعة تاكل كبالن العربية واللى هى عيب شائع فى ال 128 ..
5- العفشة الرياضية بتتكون من سوست ناشفة شوية مع انخفاض طولها ومساعدين ناشفة عشان تزيد من ثبات العربية فى السرعات العالية .. انا معرفش اذا كان فى عفشة رياضية لل 128 ولا لا ... انا مقدرش افتى ... لكن من رائى الفلوس اللى انت هتدفعها فى العفشة الرياضية ادفع ربعهم فى تظبيط العفشة الاصلية للعربية ... لانك مش هتلاقى نتيجة مجدية اوى منها بالنسبة للفلوس اللى انت هتدفعها ... وهتحس انك سايق عربية ناشفة اوى ...
6- اولا الفلتر ده بيركب فوق كاربيراتير العربية واعتقد انه مينفعش يركب عندك لان العمة عندك بتكون متركبه مباشره فوق الكابيراتير بدون اى ماسورة ... فايدته بيدخل هوا زيادة للموتور يزيد من كفاءة حرق الماتور للبنزين وبردوا بيعطى صوت رياضى فى العربيات الجديدة بس... واسعاره بتدا من 50 لغاية 800 جنيه ...
ثانيا بالنسبة للشكمان الديفل ... ده عباره عن علبه شكمان الومنيوم او اسانليس استيل كبيرة عن الحجم الاصلى لعلبة الشكمان الاصلية ...فبالتالى تعمل على تخلخل الهوا بداخل العلبه مما يودى الى ظهور هذا الصوت (مزعج بالنسبة لى ) ... ولانك بتسافر كتير فانا لاانصح بيه لانك بعد كل مشوار تحس انك مصدع جامد ومش عارف ليه لانه بياثر على ضغط الهوا داخل الاذن ويسبب الصداع ...
7- الاكصدامات دى موجودة ومنها النيكل ومنها الومنيوم بس انا معرفش الاسعار ... لكن انا من رائى تجيب طقم الاكصدامات السوداء اللى نازل بكساحات وبتكون فيهاالاشارة ومعاها صقم الفيبر على الرفارف والازار والشنطة ويبقى كدا تمام وده شغل سيمبل اوى ...
8-بالنسبة لازاز الكهرباء بيتعمل الاربعة ب 400 جنيه وده غير السنتر وسعره 100 والانذار بيبدا من 80 لغاية 350 جنيه وسنتر الشنطة ب 25 جنيه ....
9- العداد ده اسمه عداد RPM (Revolution Per Minute ( وفايده انك تعرف عدد لفات الموتور فى الدقيقة ... وده بيكون مهم لبعض الناس ولبعض الناس بيكون تافه ... وده بيستخدم فى انك ممكن تعرف امتى تنقل السرعة وتحرق على العربية كويس واسعاره بتبدا من 80 لغاية 450 جنيه ...
10 - الفوانيس الكريستال موجود ومنتشرة جدا واضائتها ممتازة فعلا ... دلوقتى الاحسن انك تجيب فانوس عدسه نازل للشيفورليه الدبابة وده احلى بكتر ....
يارب اكون افدتك ...
-
LinkBack
LinkBack URL
About LinkBacks- Bookmark & Share
- Tweet this thread
-
رقم العضوية : 9599
تاريخ التسجيل : 26Apr2008
المشاركات : 123
النوع : ذكر
الاقامة : Cairo
السيارة: شاهين
السيارة[2]: Fiat 128
الحالة :
®®® ﱟﱞﱡ۩ﱡﱞﱟﱢ استفسارات مهمة من مالكى ومحبى فيات 128 ﱟﱞﱡ۩ﱡﱞﱟﱢ ®®® -
انشر الموضوع فى : hasad">السلام عليكم ورحمه الله وبركاته
اولا الحقيقة انا سعيد جدا بأن معاكم وبشكر كل واحد ساهم فى بناء هذا الصرح الكبير ده وهو منتدانا نايل ماتورز وبأذن الله يكون فى المرتبة والمستوى الاول على المنتديات ان شاء الله
ثانيا كان عندى شوية استفسارات واسف اذا كانت ممكن تكون هايفه او استفسارات سهله لاداعى لعمل موضوع لها لكن اعزرونى اخوانى فيها ممكن تكون مهمه علما بأن دى اول مرة اشترى واركب سيارة وبما انها اول عربية اركبها فققرت اجيب حاجه على قدى كده ابدأ بيها وفى نفس الوقت تكون حلوة وكويسة ومتتعبنيش
ففكرت ياشباب ان اجيب فيات 128 ومش عارف ليه داخل دماغى اوى ان اجيب
128 موديل عادة فا المطلوب من الشباب الجامدة اللى غاوية ال 128 ان تجاوبنى فى استفساراتى وهيا كالاتى :
1/ بالنسبة لو انا رشيت العربية فرن برا وجوا تكلفته كام وبياخد وقت قد ايه عند الصنيعى ؟
2/ بالنسبة للماتور فا انا نفسى فى ماتور يكون كويس وبحاله ممتازة بمعنى ان صوته مايكونش عالى والكلام ده ومش عاوزه يتعبنى ويخلينى اروح واكون صديق للميكانيكى كل شوية فهل ده بيحتاج ايه عشان اخلى الماتور كويس لو مثلا فيه عيوب ؟
3/ بالنسبة لعمرة الماتور فا بتتكلف حوالى كام تقريبا وهل بيكون بعدها الماتور فى حاله ممتازة ولا هيرجع يتعبنى تانى ؟
4/ بالنسبة لو انا عاوز اسقط ماتور مثلا ريجاتا 1300 بالفتيس كامل استيراد فهل ده ياترى سعره هيكون عامل كام تقريبا وايه افضل واحسن مكان يتجاب الماتور منه ؟؟؟
5/ بالنسبة للعفشة فا انا اسمع من البعض انهم بيشكرو في حاجه اسمها عفشة رياضية فا اعزرونى لسبب عدم المعرفه بها فياريت حد يقولى العفشة الرياضية دى بتتكون من ايه بالظبط يعنى مساعدين وسوست وبس ولا اشياء تانيه كمان وهل لها اثار جانبية يعنى ممكن تبوظ حاجه فيما بعد وبالنسبة لتكلفتها هتتكلف فى حدود كام ؟
6/ فلتر اسبور ياريت حد يقولى ده فايدته ايه وبيركب فين بالظبط يعنى فى الماتور ولا الشكمان وده سعره كام ؟؟ بالاضافه الى الشكمان الديفل ده يعنى ايه برده وفائدة ايه وسعره كام ؟
7/ الحقيقة ياجماعه انا بحب الشغل السيمبل يعنى مش بحب العربيات اللى فيها عتب وتنفيج والكلام ده فا قررت ان اركب اكصدمات ال 128 لكن ممكن تكون مختلفه شوية عن المنتشرة فى العربيات وهيا موديل قديم فكنت عاوز هل هيا مازالت موجود الاكصدامات دى وبتكون جديدة ولا استعمال وهل فيه منها نيكل ولا لاء وسعرها عامل كام تقريبا ؟
ودى صوره لعربية فيها الاكصدام
8/ بالنسبة كمان لو انا حبيت اعمل سنتر وزجاج كهربى على الاربع ابواب والشنطة فا ده مكلف ولا ايه ؟
9/ انا بشوف معظم ناس مركبين عداد على الطابلوة شكله كويس وتقريبا اعتقد له فائدة لكن للاسف معرفش ايه الفائدة بتاعته فياريت حد يقولى اسمه ايه و الفائدة بتاعته وسعره عامل كام وموجود فين ده ؟ ودى صورة للعداد
10/ واخير ياريت حد يقولى الفوانيس الامامية الكريستال لل 128 الفوانيس دى شكل كده زجاج الكوبايات دى سعرها كام ؟
ملحوظة/ استخدامى للعربية وهو عباره عن سفر من المنصورة الى الاسماعلية يومين اسبوعيا يعنى حوالى 360 كيلو ذهاب وعودة بالاضافة الى الاستخدام الشخصى كابديل من الموصلات العامه الداخليه فى المدينة
شكرا جدا ياشباب واسف جدا جدا على الاطاله وفى انتظار ردودكم وبأذن الله ننول المعرفه على ايديكم ومن خلالكم ان شاء الله ودمتم بخير وبصحه وسلامة
تقبلوا ودى وتقديرى
-
رقم العضوية : 17717
تاريخ التسجيل : 01Sep2008
المشاركات : 2,134
النوع : ذكر
الاقامة : Suez Canal Cities
السيارة: ChEvOrLeT OpTrA 2013
السيارة[2]: HyaunDi ElaNtra 2007
دراجة بخارية: soon
الحالة :
-
[shfaf2]http://img810.imageshack.us/img810/3041/image003002.gif[/shfaf2]يا لذيذ يا رايق
-
رقم العضوية : 24585
تاريخ التسجيل : 09Nov2008
المشاركات : 547
النوع : ذكر
الاقامة : EL MANSOURA
السيارة: كدة رضا قوى
السيارة[2]: fiat 128
دراجة بخارية: ياريت اسكوتر
الحالة :
{سبحان الله وبحمده سبحان الله العظيم}
sometimes in life you feel the fight is over and it seems as though the writing on the wall superstar you finally made it but ones your picture becomes tainted thats we call rise and fall
-
رقم العضوية : 17717
تاريخ التسجيل : 01Sep2008
المشاركات : 2,134
النوع : ذكر
الاقامة : Suez Canal Cities
السيارة: ChEvOrLeT OpTrA 2013
السيارة[2]: HyaunDi ElaNtra 2007
دراجة بخارية: soon
الحالة :
-
ربنا يخليك يا باشا ... فعلا هى كانت معبودة الجماهير ....
المشاركة الأصلية كتبت بواسطة newhansol
بس احنا مسمعناش اى خبر من صاحب الموضوع وناوى يعمل ايه ؟؟؟[shfaf2]http://img810.imageshack.us/img810/3041/image003002.gif[/shfaf2]يا لذيذ يا رايق
-
رقم العضوية : 22774
تاريخ التسجيل : 20Oct2008
المشاركات : 4,384
النوع : انثى
الاقامة : h@r@m
السيارة: Punto classic 2o11
السيارة[2]: FIAT 128
دراجة بخارية: لايوجد
الحالة :
-
ياخبررررررررررررررررررررر ررررررررر
كل دا هتعمله فل 128؟؟؟ ليه بس
هي صحيح كويسة بس عيبها انها بتعطل كتير اوي
اسد حاجة تفتح فحاجة تانية...بس حضرتك بتسأل في اسعار انا معرفهاش
هو بس الموتور كنت عملاله لسه عمرة فحدود الفين جنيهلآ تتشآئموآ . .آلحيآة آبسط ممّآ نتوقع رآئعه بكُل تفآصيلهآ
لن نطيَل آلمكوُث فيهآ . . !
فلمآذآ آلكدَر ؟!
وهُنآك ربّ آلبشر
إن عصينآ ستر وإن تبنآ غفر
إبتسمَوآ..و آحسنوآ آلظن بآلموُلىَ لتنآلوُآ مآتمنيَتُم
ابتسم وعيش احلى حياه
-
رقم العضوية : 19101
تاريخ التسجيل : 15Sep2008
المشاركات : 1,583
النوع : ذكر
الاقامة : السويس
السيارة: فيات131
السيارة[2]: فيات125
دراجة بخارية: vesba
الحالة :
-
شكرا على المعلومات
-
رقم العضوية : 9599
تاريخ التسجيل : 26Apr2008
المشاركات : 123
النوع : ذكر
الاقامة : Cairo
السيارة: شاهين
السيارة[2]: Fiat 128
الحالة :
-
السلام عليكم
اولا اسف جدا على التأخير لسبب ظروف الشغل وثانيا احب اشكر كل واحد ساعدنى فى تلك المعلومات وبالنسبة ياشباب مش عارف ليه الناس بتقلنى من ال 128 معئا اللى عاوز يشوف 128 فعلا ينزل المنصورة وتشوفوا الشباب هنا عامل ازاى بمعنى ان تقريبا العربيات دى 95% بتحسسنى انها عربيات حديثة ومضمون هذا الكلام انها مش بتعطل غير محتاجه متابعه فقط وبالنسبة للاخوة اللى بيقولولى انها هتكلف فالحقيقة كما ذكرت فى الاول انا محتاج عربية متتعبنيش بمعنى مفهاش مشكله لما اصرف فى الاول واشد شدة محترمة منعا للاحراج بقا بعد كده يعنى مش مش معقول تبقى مثلا فى سفر بتجيب بضاعه واكيد طبعا لو حد تاجر هيعرف ان السفر ده صعب بمعنى انه امنيته الاولى انه يروح ويجى فى 10 دقايق وتجى مثلا العربية تعطل منك ودهه سبب عدم الاهتمام والبخل على العربية ونصيحه من واحد شاف تجارب وليس قام بالتجربة انك اصرف واعطى للعربية صدقنى هتعطيك كل اللى هتحتاجه
شكرا مرة تانيه ياشباب وفى انتظار اراء باقى الشباب معئا انا كنت حاسس ان وانا بعمل الموضوع هستفاد جدا من كتر الاجابات لكن للاسف ملقتش غير اتنين بس يشكروا وكتر الف خيرهم الصراحه انهم اهتموا بالموضوع وردوا
-
رقم العضوية : 24585
تاريخ التسجيل : 09Nov2008
المشاركات : 547
النوع : ذكر
الاقامة : EL MANSOURA
السيارة: كدة رضا قوى
السيارة[2]: fiat 128
دراجة بخارية: ياريت اسكوتر
الحالة :
-
ماتزعلش يا احمد
هوة كدة منتدى الفيات بقالة فترة معتش حد بيضيف اى جديد او اى تعليق حتى انا تقريبا معتش بشوف حد عامل اى حاجة عن ال 128 او 127 او 124 مفيش غير البونتو والجراند بونتو مش عارف حاسس انى بشوف الكلمة دى كتير هنا قسم الفيات وكان الناس بتوع العربيات القديمة الى همة اكتر من 70% من الشعب المصرى الى يملك عربية يعنى مش كلة راكب بونتو وجراند بونتو
فين الناس دى مش عارف
خش على اى موضوع كدة وشوف الردود تاريخا اخر مرة حد رد امتى
ومش عارف فى حد هنا غيرى حاسس الاحساس دة ولا لا{سبحان الله وبحمده سبحان الله العظيم}
sometimes in life you feel the fight is over and it seems as though the writing on the wall superstar you finally made it but ones your picture becomes tainted thats we call rise and fall
-
رقم العضوية : 39633
تاريخ التسجيل : 05May2009
المشاركات : 189
النوع : ذكر
الاقامة : Cairo, Egypt
السيارة: N/A
السيارة[2]: GEELY EMGRAND7
الحالة :
-
المشاركة الأصلية كتبت بواسطة newhansol
[OVERLINE] [/OVERLINE]
[OVERLINE]
اوافقك الرأي
[/OVERLINE]
-
رقم العضوية : 9599
تاريخ التسجيل : 26Apr2008
المشاركات : 123
النوع : ذكر
الاقامة : Cairo
السيارة: شاهين
السيارة[2]: Fiat 128
الحالة :
-
hasad">شكرا ياجماعه على الشعور الطيب لكن الغربب والله ان الناس بتحسسنى بقو كلهم بيركبو موديلات زيرو واصحاب القديم ماتعرفش راحو فين تقريبا راحو النار باين
سبحان الله
المواضيع المتشابهه
-
۩ معرض سيارات أعضاء مازد 3 الكرام (صور) ۩
بواسطة verynuclear في المنتدى مــــــازدامشاركات: 38آخر مشاركة: 10-07-2010, 01:16 PM -
๑۩۞۩๑( الف مبروك يا شريف باشا على لقب استشارى تسعير السيارات بالمنتدى )๑۩۞۩๑
بواسطة MAMDOH111 في المنتدى بيـــع و شــــراءمشاركات: 13آخر مشاركة: 19-06-2010, 12:24 AM -
๑۩۞۩๑ بنك معلومات اعضاء المنتدى للتبرع بالدم ๑۩۞۩๑
بواسطة atamim في المنتدى المنتــــــدى الاجتمــاعىمشاركات: 13آخر مشاركة: 29-07-2008, 07:03 PM -
๑۩۞۩๑ موضوع اجتماعى مهم كيف تختار اهل من تناسبهم ๑۩۞۩๑
بواسطة atamim في المنتدى المنتــــــدى الاجتمــاعىمشاركات: 3آخر مشاركة: 12-07-2008, 12:05 PM
المفضلات