الموضوع: يا جماعه بالله عليكم حد يساعدنى رجاءا.....!.!.!

المشاركة الأصلية كتبت بواسطة endedlovestory

يا جماعه انا معايا بولو موديل 98 ومش فاهم فيها اى حاجة خاااااااااااااالص خاااااااااااااااااااالص ونفسى حد يفيدنى وكمان انا بحس فيها بشوية مشاكل بس ولا عارف اروح لمين ولا اعمل ايه دا انا الميه حته بخاف احطها حطيت مره واحده بس وحاسس انى عملت حاجة غلط دا انا واللهى لما جبتها مكنتش عارف ازود ميه منين ومية المساحات مكنش فيها حطيت برضه فيها اشتغلت يومين وبعد كدا وقفت ورا وادام فى نفس الوقت مع انى مالى الأربه بجد يا جماعه انا زهقت ومش عارف اعمل ايه يا ريت مساعده .......ولكم جزيل الشكر....ودا ايميلى يا جماعه لو حد ممكن يساعدنىsameh_coool_2002@yahoo.com

كل شئ محلول أن شاء الله
بس واحده واحده كده

أنت ساكن فين لو قريب من الهرم وفيصل ممكن اقابلك وبصلك عليها وأعرفك كل حاجه عنها
وخلى بالك العربيه دى مدام جايبها حالتها حلوه مشكلها هتبقى قليله وأن شاء الله مفيش مشاكل

بص أنا جاى الأسكندريه يوم الجمعه الجايه فى مقابله المنتدى اللى هتتعمل فى المنتزه وهجيب معايا الاب والكابل بتاع العربيه وهنشوف كل حاجه مع بعض وفى هنا أثنين من زملائنا فى المنتدى من أسكندريه ولما يشوفو التوبيك بتاعك هيفيدوك كتير
حتته البنزين اللى بيعلى لوحدو والربى أم بيذيد معاه دا لأن العربيه ممكن تكون محتاجه سيرفيس وانت من الواضح معملتهوش
أيه اللى المفروض تعمله
المفروض انك تغير سير كاتينه سير دينمو فلتر هواء فلتر بنزين بوجيهات زيت وفلتر زيت زيت باور وتكشف على زيت الفتيس وفلتر تكييف لو فيها
وكل دا لأنك ما تعرفش اللى قابلك كان مغير الحاجات دى أمتى وطبعا مع كل دا المفروض أنك تنضف البوابه كمان
هو فى عندكو ميكانيكى مشهور ومعروف أسمو هريسه ودا هتاخد ش سعد زغلول لأخره وتقطع الأشاره وبمجرد ماتقطعها هتلاقى شارع على أيدك الشمال هتدخله هتلاقى فيه الورشه بتاعت هريسه

حته تكتكه بعد ماتشيل رجلك من على الدبرياش دى ممكن يكون سببها أما بليه الدبرياج أوبلى المجموعات فى الفتيس لو بليه دبرياج يبقى هتفك الفتيس وتغيرها مع الطقم
لو بلى المجموعات يبقى سد ودانك وأمشى لحد ما الفتيس يجيب أخره وغيره وأغلب الناس عندها المشكله دى منهم أنا

الله ينور عليك يا محمد شرحتله كل الحلول الممكنة للمشاكل اللى عنده وماخلتليش حاجة أعمالها
هتغطى الهرم وفيصل وإسكندرية!! ماشى يازعيم

طيب عمتا أنا معاك فى إسكندرية وممكن نتقابل ونبص بصة مع بعض أنا فى سموحة..