حمدلله على سلامتكم
ممكن نطمع في تفاصيل القرية و التكلفة وشكرا
عرض للطباعة
حمدلله على سلامتكم
ممكن نطمع في تفاصيل القرية و التكلفة وشكرا
انا قعدت اسبوعين في طابا فيه محطة مياه قبل طابا ب 5 كيلو تقريبا عالشمال
كان عندي تدريب صيفي فيها بصراحة الجو هناك روعة ورحت نويبع برضه
البلد بكر جدا ونضيفة جدا جدا بس احنا اللي مش عارفين نستفيد من بلدنا
بسم الله ما شاء الله تبارك الله, بجد جزاك الله خير على الصور و التعليقات الجميلة و تسلم ايدك, اشكرك بشدة على اهتمامك بنقل تفاصيل رحلتك الممتعة لينا و اللى بجد امتعتنى جدا و شوقتنى انى اروح ازور سيناء قريب جدا ان شاء الله, وحمدا لله على سلامتك
ايه الجمال ده صور رائعه شكرا لحضرتك كتير على تعبك فى الموضوع الجميل ده:biggrin2:
روح يا شيخ
الله يعمر بيتك
الله يكرمكم يا شباب ، شكرا لتعليقاتكم الجميلة :)
إحنا فيها يالا ننظم رحلة ونطلع سوا :)
ولو حسبت المسافة على فكرة ممكن تروح راس سدر مثلا هتكون نفس مسافة اسكندرية والساحل لأنها بعد السويس بحوالي 60 كيلو فقط
والله لولا الشغل لأني كنت رايح تالت يوم العيد وخطفت باقي الأسبوع لحد الجمعة ، لولا كدة كنت بفكر اروح العريش لأني مروحتهاش قبل كدة ، جنوب سينا غير الشمال خالص .. ميفوتكش طبعا
الأسعار معقولة جدا مش عالية يعنى القرية اللى كنا فيها خدنا شالية 3 أفراد المفروض كانو عاملين علية عرض علشان العيد بـ150 جنية لليوم وخدناة بـ130 ، وطبعا فى شاليهات أصغر ، ومجهز بالكامل طبعا ومريح جدا تكييف وتلاجة وحمام وتلفزيون ...
وفي قرية تانية تبع مجلس المدينة فيها الشالية أوضتين 3 سراير ب100 جنية و السريرين ب80 جنية ومستواة معقول برضو بس مفيهوش تلاجة
هجيبلكم ارقام التليفونات لما انزل ان شاء الله لأني سايبها فى العربية سواء بتاع اللى نزلنا فيها أو القري الأخري
أهم حاجة اللى بيفكر يروح :
-المشي يكون بالنهار يعني يفضل يتحرك بدري فى أول اليوم سواء رايح أو راجع
- شوية شماسات حلوة علشان الشمس فى العربية ، مش محتاجة تكييف مجرد انك تبقي فى الضل مع فتح شباك حاجة بسيطة الجو بيكون ممتاز لكن الشمس حامية فى الصحرا ، علشان كدة لازم شوية شماسات من اللى بتتلزق على الأزاز ويفضل نضارة شمس
- أي حاجة هتاخدها معاك هتنفعك وخصوصا الأكل ولو سخان كهربا وحلة معقولة وطبعا البويلر ، احنا كنا عايشين على المعلبات تونة وسردين وجبن ومكناش متشجعين نجرب بتاع السمك دة خالص لأن منظر المحل مش قد كدة (هوا موجود فى صورة المعيز على اليمين اسمة مطعم الحمد) بس طلع محترف ،، وفى كبابجي فى المدينة بس مينفعش الواحد يجربة أصلا ، وفى بتوع فراخ وكدة فى المينا بس برضو كعادة أكل الشارع يعنى اللى عايز لحوم ياخدها معاة ، و لو خدت كيلو لب ولا حاجة هينفع قوي :)
-الطريق طبعا لازم تلزم اليمين على طول إلا لو شايف كويس اللى جاي ممكن تقص الملفات وبالنسبة للمطالع لازم تفضل ساند رجلك على البنزين مينفعش تخفها خالص علشان هتعاني على ما تاخد سرعتك زى الأول ومتقرصش على العربية فى الطالع يعني ثبت رجلك وهيا سرعتها هتقل شوية بس هتطلع عادي ولو هتخسع ممكن تسقط نقلة ، ودة رآفة بالعربية لأن المطالع كتير واللى هيدوس فيها هيفرم العربية مع طول المسافة
والأهم بقى المنازل لازم الواحد يكون منتبة جدا ويفضل معشق العربية على غيار معقول وميدوسش بنزين قوي علشان يثبت العربية على سرعة معينة لأن لو سيبتها تتحدف ممكن تلاقي ملف قاسي فى نهاية المنحدر وتتسوح ، ومينفعش تدوس فرامل لمدة طويلة لأنها هتسخن وهتولع لازم تفضل لاممها بالفتيس ، ولو حبيت تسقط نقلة لازم تدوس فرامل على ما تنقل لو مورت العربية هتطير
ولازم برضو تاخد بالك من الدركسيون كويس لأن الهوا معظم الوقت شديد وبياخد العربية منك خالص خصوصا لو فى مطب أو كدة ، الهوا بيكون زاقق العربية على جنب ولو قابلك عربية كبيرة بتعمل خلخلة هوا تلاقي نفسك اتحدفت علية مرة واحدة ولما يعدي تتحدف الناحية التانية ، وكذلك لو دخلت بين جبل تلاقي الهوا اتحجز واول ما تطلع تلاقية راح لاطشك مرة تانية ، من الأخر يعنى مينفعش الواحد يمسك الدركسيون بصابعين وخد اقصي اليمين بعيد عن العربيات الكبيرة اللى مقابلاك
-يفضل جداااا تروح فى منتصف الشهر الهجري علشان يكون القمر طالع علشان تبقى قمة المتعة بالليل كمان مش بالنهار بس منظرة ملوش حل وهوا منور على الجبل والطريق والبحر مش ممكن بجد ، للأسف كنت مفتقدة المرة دي
وكفاية كدة بقي
و شكرا لمروركم :)
رحلة شيقة وعرض ممتاز يا محمد... انت شوقتني.
طيب رحله زي دي لو عاوز ارتب لها. رحله عائلية انا والمدام وولي العهد. تفرق كتير في المصاريف عن مرسي مطروح ولا قريبه.
يعني حجز القريه كام. وفل بورد ولا اقامه فقط...
وكده يعني. تفاصيل تفاصيل.
...
سوري ماكنتش قرأت بقية المشاركات.
اقتباس:
الأسعار معقولة جدا مش عالية يعنى القرية اللى كنا فيها خدنا شالية 3 أفراد المفروض كانو عاملين علية عرض علشان العيد بـ150 جنية لليوم وخدناة بـ130 ، وطبعا فى شاليهات أصغر ، ومجهز بالكامل طبعا ومريح جدا تكييف وتلاجة وحمام وتلفزيون ...
وفي قرية تانية تبع مجلس المدينة فيها الشالية أوضتين 3 سراير ب100 جنية و السريرين ب80 جنية ومستواة معقول برضو بس مفيهوش تلاجة
هجيبلكم ارقام التليفونات لما انزل ان شاء الله لأني سايبها فى العربية سواء بتاع اللى نزلنا فيها أو القري الأخري
أهم حاجة اللى بيفكر يروح :
-المشي يكون بالنهار يعني يفضل يتحرك بدري فى أول اليوم سواء رايح أو راجع
- شوية شماسات حلوة علشان الشمس فى العربية ، مش محتاجة تكييف مجرد انك تبقي فى الضل مع فتح شباك حاجة بسيطة الجو بيكون ممتاز لكن الشمس حامية فى الصحرا ، علشان كدة لازم شوية شماسات من اللى بتتلزق على الأزاز ويفضل نضارة شمس
- أي حاجة هتاخدها معاك هتنفعك وخصوصا الأكل ولو سخان كهربا وحلة معقولة وطبعا البويلر ، احنا كنا عايشين على المعلبات تونة وسردين وجبن ومكناش متشجعين نجرب بتاع السمك دة خالص لأن منظر المحل مش قد كدة (هوا موجود فى صورة المعيز على اليمين اسمة مطعم الحمد) بس طلع محترف ،، وفى كبابجي فى المدينة بس مينفعش الواحد يجربة أصلا ، وفى بتوع فراخ وكدة فى المينا بس برضو كعادة أكل الشارع يعنى اللى عايز لحوم ياخدها معاة ، و لو خدت كيلو لب ولا حاجة هينفع قوي :)
-الطريق طبعا لازم تلزم اليمين على طول إلا لو شايف كويس اللى جاي ممكن تقص الملفات وبالنسبة للمطالع لازم تفضل ساند رجلك على البنزين مينفعش تخفها خالص علشان هتعاني على ما تاخد سرعتك زى الأول ومتقرصش على العربية فى الطالع يعني ثبت رجلك وهيا سرعتها هتقل شوية بس هتطلع عادي ولو هتخسع ممكن تسقط نقلة ، ودة رآفة بالعربية لأن المطالع كتير واللى هيدوس فيها هيفرم العربية مع طول المسافة
والأهم بقى المنازل لازم الواحد يكون منتبة جدا ويفضل معشق العربية على غيار معقول وميدوسش بنزين قوي علشان يثبت العربية على سرعة معينة لأن لو سيبتها تتحدف ممكن تلاقي ملف قاسي فى نهاية المنحدر وتتسوح ، ومينفعش تدوس فرامل لمدة طويلة لأنها هتسخن وهتولع لازم تفضل لاممها بالفتيس ، ولو حبيت تسقط نقلة لازم تدوس فرامل على ما تنقل لو مورت العربية هتطير
ولازم برضو تاخد بالك من الدركسيون كويس لأن الهوا معظم الوقت شديد وبياخد العربية منك خالص خصوصا لو فى مطب أو كدة ، الهوا بيكون زاقق العربية على جنب ولو قابلك عربية كبيرة بتعمل خلخلة هوا تلاقي نفسك اتحدفت علية مرة واحدة ولما يعدي تتحدف الناحية التانية ، وكذلك لو دخلت بين جبل تلاقي الهوا اتحجز واول ما تطلع تلاقية راح لاطشك مرة تانية ، من الأخر يعنى مينفعش الواحد يمسك الدركسيون بصابعين وخد اقصي اليمين بعيد عن العربيات الكبيرة اللى مقابلاك
-يفضل جداااا تروح فى منتصف الشهر الهجري علشان يكون القمر طالع علشان تبقى قمة المتعة بالليل كمان مش بالنهار بس منظرة ملوش حل وهوا منور على الجبل والطريق والبحر مش ممكن بجد ، للأسف كنت مفتقدة المرة دي
وكفاية كدة بقي
و شكرا لمروركم :)
Thanks.
رحلة جميلة جداَ طبعاَ و شكراَ علي تعبك في نقل الصور و عزيزة منورة سيناء :)
فيه للشباب بيبقي فيه كامبات و دي بتبقي رخيصة جداَ بتبقي شباب مصريين علي أجانب و مبتبقاش نضيفة أوي بس بتدي إحساس ال trip .. يعني الواحد ممكن يقضي أجازة في سيناء و يقعد في شرم و دهب و نويبع و طابا بتاع 5 أيام و يلاقي نفسه دفع حوالي 400 جنيه ولا 500 جنيه بالبنزين .. و دي حلوة عشان ممكن تتكرر كتير مش لازم الواحد يقعد يحوش قبليها.
و فيه كامبات في وسط الصحرا .. زي راس شيطان .. اليوم ب 60 جنيه أربع أفراد !
القاعدة الأولي : أي حاجة تلوشك سيبها تلوشك
ما شاء الله قمة الجمال
عاليين أوى