نــويبـــع ، الوجة الأخر لمصر
السلام عليكم ورحمة الله
إليكم رحلة نويبع فى أجازة العيد
إليكم مصر الرائعة اللى الناس بتجيلها من أخر الدنيا
الطريق طبعا حوالي 500 كيلو من القاهرة السويس ثم النفق وشوية جنوبا لحد التقاطع وبعد كدة شمال طريق نخل ثم التمد ثم النقب
ومن النقب يمين نويبع أو شمال طابا والوصلتين 100 كيلو
بمجرد عبور النفق الطريق كلة يا طالع يا نازل قليل لما تمشي شوية مسافة معدولة
والطريق نويبع طابا 60 كيلو متر يعنى اللى يروح واحدة منهم لازم يروح التانية لأن 60 كيلو دول ممتعين جدا ومش مسافة اصلا
رجاء الأنتظار فترة كويسة لتحميل الصور لأن حجمهم أكثر من 20 ميجا
دول قعدت انقي فيهم طبعا من بين صور كتير جدا علشان الحجم
بداية بصورة لعزيزة فى محطة وطنية قبل النفق بشوية
شدي حيلك
ودة أول مشوار طويل جدا وتجربة حقيقية ليها من بعد ما جبتها قرابة الأربع شهور مع انها بقت عاملة ييجى 11 الف كيلو فيهم بس كلهم سفر عادي
الأسم السابق كان كعبيرة (ودة اسم بيطلقة ولاد اختي على أى هاتش باك وبخاصة الماتريكس) ، لكن بعد المشوار دة بقت اصيلة وعزيزة وكلة ماشي
http://prosamir.com/doc/nuibaa/DSC00886.JPG
وبمجرد عبور النفق اللى على اسم الشهيد أحمد حمدي الله يرحمة والواحد بتاخدة حالة من الشجون وذكريات أيام الحرب ورمل سينا اللى مروي بالدم
بعد ما عدينا النفق وخدنا طريق نخل و مفاجأة غير سارة .. وصلة متكسرة ، بس الحمد لله طلعت مش طويلة قوي لأن أخر مرة روحت كان فى 40 كيلو متر كلهم متكسرين بالطريقة دي
http://prosamir.com/doc/nuibaa/DSC00896.JPG
الطريق طبعا كلة مطالع ومنازل والأسفلت ماشي فى وسطها زى التعبان ومتبقاش شايف هوا رايح فين ولا شايف اللى مقابلك
لكن ممتع جدا
لو بالليل وعربية فوق على المطلع وانت لسة تحت بتكون شايفها كأنها نجمة فى السما
http://prosamir.com/doc/nuibaa/DSC00910.JPG
قبل نويبع بحوالي 30 كيلو تقريبا بندخل فى سلسلة الجبال المحيطة بالخليج والممر اسمة وادي وتير ، هوا الممر الوحيد اللى بيعدي سلسلة الجبال هوا و ممر طريق طابا هتشوفوة فى الصور الأخيرة
http://prosamir.com/doc/nuibaa/DSC00947.JPG
كل ما بنتعمق فى الوادي بيكون الطريق أضيق وجنب حرف الجبل وملفات بتقرب على 180 درجة
http://prosamir.com/doc/nuibaa/DSC00955.JPG
http://prosamir.com/doc/nuibaa/DSC00957.JPG
شجرة من اللى بيطلعو فى الحجر وسبحان الله معرفش بتجيب مياة منين !
سبحان الله العظيم
http://prosamir.com/doc/nuibaa/DSC00958.JPG
والملفات بتزداد حدة
http://prosamir.com/doc/nuibaa/DSC00961.JPG
نخيل كتير منتشر بطول الوادي ، وكان فى ينابيع مياة كتير بس للأسف مش عارف راحت فين
http://prosamir.com/doc/nuibaa/DSC00962.JPG
http://prosamir.com/doc/nuibaa/DSC00963.JPG
لا تعليق غير سبحان الله
http://prosamir.com/doc/nuibaa/DSC00964.JPG
وقلنا ننزل نتصور ، وصورة لعزيزة قاهرة الصحراء
الصراحة انا طول عمرى بكرة اليابانى بس العربية دى كنت مقتنع بيها علي قد الفلوس اللى فضلت معايا بعد الانوس بس بعد المشوار دة ابتديت احبها
كتر خير الدنيا 1000 سي سي وعمرها 18 سنة وما شاء الله ولا الهوا
و90% من العربيات فى سيناء كلها تويوتا على فكرة لاند كروزر لزوم السفاري و نص نقل تويوتات معشوقة البدو (الأربعة شنكل تحديدا علشان بتسكر العداد من غير ما تعوم زى ما البدو بيقولو) و الأتوبيس الكوستر والميكروباصات
تويوتا هتحتل سينا قريب
http://prosamir.com/doc/nuibaa/DSC00969.JPG
طبعا الطريق اول ما تدخل نويبع وانت نازل منحدر بين الجبال بيكون البحر فى وشك بس الصورة دى لما تدخل يمين وبتوضح المسافات للمدن القادمة
لما بتدخل يمين كدة بيوديك على الميناء ، وشمال على المدينة نفسها والقري السياحية جنبها
http://prosamir.com/doc/nuibaa/DSC01061.JPG
منظر الشروق من القرية وطبعا الشمس بتطلع من الناحية التانية من وراء جبال السعودية اللى ظاهرة بوضوح لأن الخليج صغير
يعنى قدامك بحر وجبال و وراك سفح الجبل وبعدين جبال برضو
قمة المتعة
http://prosamir.com/doc/nuibaa/DSC00983.JPG
ودة المشهد الخلفي اللى ورا القري السياحية
http://prosamir.com/doc/nuibaa/DSC00992.JPG
صورة مع عزيزة قدام الشالية
لا مؤاخذة مكشر بس الشمس حامية
http://prosamir.com/doc/nuibaa/DSC01016.JPG
صورة للقرية المجاورة وهيا كانت مملوكة لرأفت الهجان
ومفيش قري كتير على فكرة هما كلهم بتاع 4 ولا حاجة والشواطئ مفتوحة على بعضها
والدنيا كانت رايقة جداااااا القرية بتاعتنا مكانش فيها حد غيرنا وكنا مبرطعين هههه
للأسف السياحة نايمة هناك خالص
http://prosamir.com/doc/nuibaa/DSC01026.JPG
صورة تانية للشط
وكدة الموج كان عالي يا عينى ارتفاعة من 10 الي 20 سنتيمتر مع الأعتذار للوحش الأبيض الهائج دائما
http://prosamir.com/doc/nuibaa/DSC01029.JPG
عيلين من البدو بيبيعو مشغولات من اللى بيعملوها خرز وخشب ، الكل فاكرنا سياح وبيقولو وان دولار ، ابويا قالة وان باوند الواد قالة ماشي هههههه وخدنا شوية بخمسة جنية :P
http://prosamir.com/doc/nuibaa/DSC01042.JPG
عزيزة بالبكيني قدام الشالية بتاخد حمام شمس
http://prosamir.com/doc/nuibaa/DSC01043.JPG
يتبع .......