رقم قياسي جديد للشاريد 1000 سي سي من التشغيل المتواصل

**mohamed_rhem** · 27-09-2009 11:37 AM

السلام عليكم ورحمة الله وبركاته

انهارده اول يوم بعد اجازه طويله. اجازة العيد

طبعا كلكم عارفين اني عربيتي شاريد 3 سلندر 1000 سي سي موديل 90

المهم سافرت بيها شرم الشيخ اول ايام العيد حوالي 6:47 صباحا

الطريق مريحتش فيه خالص وصلت بعد حوالي 6 ساعات وده طبعا علشان الكمائن ووعوة الطريق

وانا راجع روحت من الهضبة المكان اللي فيه الفندق اللي كنت نازل فيه الي خليج القرش عند قاعه المؤتمرات وده بيعد حوالي 35 كم

المهم روحت ورجعت الهضبه تاني علشان اربط العفشه وبعدين رجعت تاتي خليح القرش ومنها علي الرويسات ثم الي طريق القاهره

حوالي 150 كم ولم اغادر شرم واستغرق ساعتين من[gdwl] 12:15[/gdwl] صباحا فور مغادرتي الفندق يوم الخميس
المهم اخدت الطريق وعند اول كمين طور سيناء بجهز الرخص واز بالمفجأة
نسيت الرخص في الفندق

رجعت 110 كم من الكمين الي اول شرم للفندق

يعني حوالي 250 كم +150 كم ولسه متحركتش

الحمد لله كل واحد وله معاد يوصل فيه

رجعت تاني ووصلت القاهرة ومنها علي بنها

[gdwl]وصلت بنها 12:15[/gdwl]

نفس المعاد اللي اتحركت فيه

[gdwl]اخدت حوالي 1000 كم في قاعده واحده[/gdwl]

محستش بالتعب الا تاني يوم

**EslaM_NagY** · 27-09-2009 02:49 PM

بسم الله ما شاء الله

ربنا يباركلك فيها

**aliabutaleb** · 27-09-2009 03:18 PM

ماشاء الله لا قوة الا بالله
ربنا يبارك لك فيها يارب ويعطيك خيرها ويكفيك شرها

**mohamed_rhem** · 27-09-2009 03:25 PM

المشاركة الأصلية كتبت بواسطة madoo

هى دى مواتير دايهاتسو عفيه من يومها ومش بتقول لأ

ربنا يباركلك فيها ويديك خيرها ويكفيك شرها

معلومه انا عامل بالماتيريا 14000 وشويه فى 6 شهور وزى الفل الحمد لله

شكرا يا ميدو باشا امين يارب ويديك خير عربيتك ويكفيك شرها

فعلا الموتور عفي مش محتاجه كلام وكفايه عليه الاختبار الصعب ده لعربيه 1000 سي سي

المشاركة الأصلية كتبت بواسطة EslaM_NagY

بسم الله ما شاء الله

ربنا يباركلك فيها

امين يارب ويباركلك

المشاركة الأصلية كتبت بواسطة أبو حمزة

ماشاء الله لا قوة الا بالله
ربنا يبارك لك فيها يارب ويعطيك خيرها ويكفيك شرها

امين يارب ويبارك لنا اجمعين

وترقبوا المفجأه انشاء الله رحلة الاقصر واسوان بالشاريد

علشان محدش يقول ان العربيات الصغيرة مش حمل سفر

**mohamed_rhem** · 27-09-2009 05:26 PM

المشاركة الأصلية كتبت بواسطة madoo

اعقل ياعم انته هههههههههه
ولو انى واثق فى العربيات دى جدا............الله يباركلك فيها

ميدوا باشا

السفر الطوالي بيريح الموتور جدا كفايه اقولك العربيه مش عايزه تمشي بالراحه من ساعه ما جيت من شرم

لان اغلب المشاكل بتبقي في الاطارات و التبريد

وطالما ظبطت دول خلاص

**bmya** · 27-09-2009 05:55 PM

بسم الله ماشاء الله ربنا يباركلك فيها يا محمد باشا
والله طمنتني
ده انا واحد صحبي شغال في الغردقه وعايز يجيب السيريون بس خايف ما تتحملش سفر الغردقه وانا اقنع فييييه يقولي ياعم دي 1300 ههههههههه هروح اموته دلوقتي

**mohamed_rhem** · 28-09-2009 12:00 PM

المشاركة الأصلية كتبت بواسطة bmya

بسم الله ماشاء الله ربنا يباركلك فيها يا محمد باشا
والله طمنتني
ده انا واحد صحبي شغال في الغردقه وعايز يجيب السيريون بس خايف ما تتحملش سفر الغردقه وانا اقنع فييييه يقولي ياعم دي 1300 ههههههههه هروح اموته دلوقتي

لاء يا باشا يجيب ويتوكل علي الله مفيش ادني مشكلة انا عربيتي 1000 سي سي 3 سلندر وبسم الله ما شاء الله

المشاركة الأصلية كتبت بواسطة hhhmmmzzzz

ربنا يبارك لك فيها ويكفيك شر طريقها
اهو كدة ياعم روح المغامرةوخاليها علي الله
انا بقى عكسك كنت مسافر الغردقة الصيف اللي فات وبصراحة خوفت وقولت1300سي سي مع التكييف اللى اكيد هحتاجة طوال الرحلة ومع ان عربيتى2009وماكنتش مكمل8000كم بس خوفت قولت 5ساعات مع الحر والتكييف وال1300هيولعو العربية رغم انى واثق فى امكانياتها بس كدة ياصحبى لو مسافر الكويت هروح بيها ولا يهمنى

وربنا يكتبلك السلامة

السفر مش محتاج اكتر من عربيه ناعمة وكراسي مريحة وكاوتش سليم ودورة تبريد سليمة

بس انت تستحمل تقعد علي الدركسيون مش العربيه اللي تستحمل

وبأمانة انت العربية اشترتها ليه ؟

مش علشان اي مشوار تروحه بيها

ده انا السنة الماضيه واحد صاحبي قالي تعالي نسافر المغرب
وكان معاه نيو النترا يدوب لسه شاريها وعند اخوه متسوبيشي 1300 اتوماتيك

وانا كنت مصر ان عربيتي تستحمل المشوار

لكن المشروع اتأجل بس لو حنحيي المشروع تاني انشاء الله عربيتي اللي تسافر

-

-

-

الموضوع: رقم قياسي جديد للشاريد 1000 سي سي من التشغيل المتواصل

LinkBack

أدوات الموضوع

عرض