انا عندي برايد انا من النوع إلي باكل مطبات كتير مش عارف ليه
المهم العربيه علي المطب بترزع وطوتها بيبقي عالي اوي ومش بحس انها ناعمه علي المطبات زي عربيات كتير ارجو ان احد يفيدني
عرض للطباعة
انا عندي برايد انا من النوع إلي باكل مطبات كتير مش عارف ليه
المهم العربيه علي المطب بترزع وطوتها بيبقي عالي اوي ومش بحس انها ناعمه علي المطبات زي عربيات كتير ارجو ان احد يفيدني
شوف مساعدين العربيه ولو وحشه غيرها و هات اتنين جداد ما تجيبش استعمال.
لو المساعدين سلليمه يبقي الموضوع عندك شويه جلب و حاجات بسيطه ما تقلقش منها.
طيب معلش يا حازم اعرف انا اكشف علي المساعدين ولا اروح للمكانيكي (اشتغل نفسي ولا اروحله يشتغلني ) وقولي موضوع الجلب ده عشان ابتديت اتجنن
اضغط علي كل طرف من اطراف العربيه لو لقيت العربيه بتطلع و تنزل بسهوله جدا يبقي المساعد اللي في الطرف دا وحش .
لو لقيت انها بتطلع و تنزل بتقل يبقي المساعدين تمام.
و بعدين تروح لعفشجي يجرب العربيه ممكن تكون في جلبه بايظه او بطاحه مساعد علشان الحاجات دي مش بتتشرح لازم تسمع الصوت كويس و تعرف هو جاي منين و بعدين تبدا تفك و تشوف ايه اللي بايظ بالضبط
معلش سؤال اخير انا عارف انا بتقل عليك
يعني انا لو سيبتها كده يحصل حاجه انا بخاف كتير من المرواح لبتوع العفشه وكده
و انا كمان بخاف كتير لما بسمع صوت في العفشه.!!!!!!!!!!!!!!!
بص يا احمد العربيه مهما كان التقدم اللي فيها و التكنولوجيا اللي وصلت ليها ف كل اللي بيربطها بالارض هما الاربع عجلات اللي ماشيه عليهم.!!!
فهمت قصدي؟؟
يعني لازم الاربع عجلات و باللي ماسكهم يكونو تمام و سليمه ميه الميه.
لو ما روحتش لبتاع العفشه انا ما اضمنش ايه اللي ممكن يجري في العربيه ما جايز لا قدر الله صاموله واحده بس تفك و يجري ما لا يحمد عقباه.
فنصيحه روح لعفشجي كويس يكون حد معرفه مجربه قبل كده و بيشكر فيه
لا خلاص انت خوفتني كده انا هانزل النهارده بأذن الله للعفشجي وربنا يستر ولو قالي حاجه هاجي اقولهالك وانت تطمني
بارك الله فيكم
الاخ صاحب الموضوع علشان تقلل من نسبة الاشتغالة عدي على كذا عفشجي و شوف هايؤولوا ايه و المشترك بين كلامهم بيكون صح و ممكن تروح لحد بتاع زوايا و تكشف على العفشة
الاحسن انك تروح لبتاع عفشة ,مش هايشتغلك فيها الا لما يكون كل حاجة تمام وغالبا هيبقى عندك الحاجات دية
1:طقم كاوتش ميزان
2:جلب مقصات ولو كويسة يبقى كويس
3:لو المساعدين خفيفة لانك بتقول بتاكل مطبات كتير ودة بياثر عليها جامد خصوصا مطباتنا الجميلة اللى بتبهدل اى عربية حتى لو هامر
شوف الحاجات المبدئية والغير مكلفة وهتلاقى الدنيا اتظبطط وريح دماغك