-
فرامل اليد
بشد فرامل اليد من يومين راحت مقطوعة
هل ده مجرد ان الواير اتقطع ولا ممكن يكون حاجة تانيه
والحكاية دي تتكلف كام في التوكيل وبرة وهل تنصحوني بالتوكيل ولا برة علي اساس ان العربية لسة في الضمان
والمفروض الواحد يتعمل مع الهاند بيرك ازياي ؟ انا بصراحة عنيف قوي معاها؟
-
كده ممكن يكون السلك اللي جوه جراب فرامل اليد اتقطع و الحل انه يتغير و تغييره سهل جدا .
اعمله في اي مكان مش حيسقط الضمان لكن الافضل اعمله في التوكيل طالما العربيه في الضمان يمكن يعملوه علي حسابهم .
و استعمال فرامل اليد عادي مافيهوش لعب و اللي حصل دا قضاء و قدر يعني مالكش ذنب فيه ممكن يكون الجراب نوعيته مش كويسه او عيب صناعه
-
شكرا با استاذ حازم علي استجابتك السريعة
بس هل تعتقد انه في التوكيل هيعملوه علي حسابهم؟
انا خايف بس يدفعوني مبلغ كبير في حاجة مش مستاهلة
-
الموضوع سهل إى ميكانيكى هيعملوا بسهولة مش محتاج التوكيل
-
الحكايه دى حصلتلى و عملتها عند واحد فى الخلفاوى و خيرنى فى نوع السلك الهيركبو واحكايه كلها لب 15 ج و اخد 10 دقائق و الميكانيكى فك وركب الفرامل فى 5 دقائق و معتقدش التوكيل هيغلو اوى و ممكن تسالهم قبل ميعملوها على التكلفه
-
العفو يا استاذ محمد.
انا كان قصدي التوكيل ليه؟؟علشان الجراب دا من الحاجات المعمره اللي مش بتتغير كل يوم يعني انا في حياتي ما غيرتوش غير مره واحده اكتر من 15 سنه بقف عند صنايعيه و بشوف كل حاجه فكان قصدي انه عيب صناعه و بدل ما تتكلف انت فلوسه هما يصلحوه عندهم.
لو قالو دا بره الضمان اسالهم طب تصليحه يتكلف كام لو كان كتير ما تعملوش و اشتريه من بره و متهيالي تمنه مش حيزيد عن خمسين جنيه و 10 جنيه مصنعيه يبقي اجمالي 60 جنيه.
دا كان كل قصدي بس.
-
على فكرة انا لسة حصلى الموضوع دة وعملتة فى التوكيل امبارح وانا بشد الهند بريك قطع منى رحت التوكيل كشفو عليها قالى السويتة قطعت والكابلات كمان وخدت وقت علشان فك الكنسولة بتاعت العربية(نوبيرا) خدت معاهم حوالى ساعتين غير ماسورة الهند كلها من الاول للاخر وطبعا مدفعتش فلوس خالص لانها فى الضمان فرجاء اعملها فى التوكيل ومتخليش حد يلعب فى العربية برة
-
تمام كده اعملها في التوكيل وبعدين حضرتك بتقول انك عنيف جدا مع احترامي الشديد بس ده ميقطعش الفرامل اكيد هي اللي وحشه
ده فرامل وسامحني في الفظ ده علشان تمسك العربيه او تحميك من خطر مش تحسس عليها المفروض هي مصممه علشان تتشد بقوه وديها التوكيل وحيصلحوها ببلاش
-
الف شكر يا اخواننا علي اهتمامكم بالموضوع
انا عملتها برة التوكيل لاني بصراحة مكنش عندي وقت انزل القاهرة
ومقدرتش استني عليها لاني كل شوية انسي واشدها تروح اليد خابطة في الفبرة فكانت هتتكسر فانا قلت اعملها وامري لله
جبت سلكين ب60 جنية واجرة التركيب 30 جنيه
مش عارف كده يبقي كويس ولا ايه؟؟؟؟؟
-
كويس - متشغلشى بالك أهم حاجة أنها اتعملت كويس وأنت خلصت من وجع القلب ومنزلتش مصر ودة كلة بفلوس
Content Relevant URLs by
vBSEO 3.6.0 PL2