فرامل اليد

**mohamed ismail** · 07-11-2007 03:46 AM

بشد فرامل اليد من يومين راحت مقطوعة
هل ده مجرد ان الواير اتقطع ولا ممكن يكون حاجة تانيه
والحكاية دي تتكلف كام في التوكيل وبرة وهل تنصحوني بالتوكيل ولا برة علي اساس ان العربية لسة في الضمان
والمفروض الواحد يتعمل مع الهاند بيرك ازياي ؟ انا بصراحة عنيف قوي معاها؟

**hazem_khidr** · 07-11-2007 04:12 AM

كده ممكن يكون السلك اللي جوه جراب فرامل اليد اتقطع و الحل انه يتغير و تغييره سهل جدا .
اعمله في اي مكان مش حيسقط الضمان لكن الافضل اعمله في التوكيل طالما العربيه في الضمان يمكن يعملوه علي حسابهم .
و استعمال فرامل اليد عادي مافيهوش لعب و اللي حصل دا قضاء و قدر يعني مالكش ذنب فيه ممكن يكون الجراب نوعيته مش كويسه او عيب صناعه

**mohamed ismail** · 07-11-2007 04:55 AM

شكرا با استاذ حازم علي استجابتك السريعة
بس هل تعتقد انه في التوكيل هيعملوه علي حسابهم؟
انا خايف بس يدفعوني مبلغ كبير في حاجة مش مستاهلة

**eng_mkhalaf** · 07-11-2007 08:38 AM

الموضوع سهل إى ميكانيكى هيعملوا بسهولة مش محتاج التوكيل

**أبو ياسين** · 07-11-2007 09:47 AM

الحكايه دى حصلتلى و عملتها عند واحد فى الخلفاوى و خيرنى فى نوع السلك الهيركبو واحكايه كلها لب 15 ج و اخد 10 دقائق و الميكانيكى فك وركب الفرامل فى 5 دقائق و معتقدش التوكيل هيغلو اوى و ممكن تسالهم قبل ميعملوها على التكلفه

**hazem_khidr** · 07-11-2007 05:32 PM

العفو يا استاذ محمد.
انا كان قصدي التوكيل ليه؟؟علشان الجراب دا من الحاجات المعمره اللي مش بتتغير كل يوم يعني انا في حياتي ما غيرتوش غير مره واحده اكتر من 15 سنه بقف عند صنايعيه و بشوف كل حاجه فكان قصدي انه عيب صناعه و بدل ما تتكلف انت فلوسه هما يصلحوه عندهم.
لو قالو دا بره الضمان اسالهم طب تصليحه يتكلف كام لو كان كتير ما تعملوش و اشتريه من بره و متهيالي تمنه مش حيزيد عن خمسين جنيه و 10 جنيه مصنعيه يبقي اجمالي 60 جنيه.
دا كان كل قصدي بس.

**zorooo1986** · 07-11-2007 05:42 PM

على فكرة انا لسة حصلى الموضوع دة وعملتة فى التوكيل امبارح وانا بشد الهند بريك قطع منى رحت التوكيل كشفو عليها قالى السويتة قطعت والكابلات كمان وخدت وقت علشان فك الكنسولة بتاعت العربية(نوبيرا) خدت معاهم حوالى ساعتين غير ماسورة الهند كلها من الاول للاخر وطبعا مدفعتش فلوس خالص لانها فى الضمان فرجاء اعملها فى التوكيل ومتخليش حد يلعب فى العربية برة

**mohamed_rhem** · 12-11-2007 02:55 PM

تمام كده اعملها في التوكيل وبعدين حضرتك بتقول انك عنيف جدا مع احترامي الشديد بس ده ميقطعش الفرامل اكيد هي اللي وحشه
ده فرامل وسامحني في الفظ ده علشان تمسك العربيه او تحميك من خطر مش تحسس عليها المفروض هي مصممه علشان تتشد بقوه وديها التوكيل وحيصلحوها ببلاش

**eng_mkhalaf** · 16-11-2007 04:21 PM

كويس - متشغلشى بالك أهم حاجة أنها اتعملت كويس وأنت خلصت من وجع القلب ومنزلتش مصر ودة كلة بفلوس

-

الموضوع: فرامل اليد

LinkBack

أدوات الموضوع

عرض