أكيد في مصر مش ف حته تانيه

**ahmdmagdy** · 27-09-2009 02:32 PM

أنا قرأت الخبر ده في جريدة المصري اليوم و قولت لازم الناس تقرأه و مستني رأيكم
حبس «نجار» ٥٠ يوماً بسبب تشابه اسمه مع متهم فى قضية منذ ٣٧ سنة

كتب أحمد شلبى ١٢/ ٩/ ٢٠٠٩كشفت تحقيقات النيابة العامة فى القاهرة، عن واقعة حبس «نجار مسلح» منذ ٥٠ يوماً داخل سجن مزرعة طرة ظلماً، تبين أن تشابه اسم المقبوض عليه مع اسم متهم محكوم عليه بالسجن ١٠ سنوات فى قضية منذ عام ٧٢، وراء تلك الواقعة. أدلة البراءة قدمها محامى المتهم البرىء إلى النيابة التى اقتنعت بها، ولكنها أرجأت تنفيذ قرار الإفراج عنه وأحالت الأوراق إلى محكمة الجنايات، التى تنظر القضية وسينتظر المتهم البرىء محبوساً حتى موعد الجلسة فى ٢٧ سبتمبر الجارى.
تفاصيل الواقعة بدأت عندما فوجئ نبيل حسب الله محمد، بمباحث تنفيذ الأحكام تلقى القبض عليه من داخل منزله بالقاهرة، وأكدوا له أنه متهم فى قضية استيلاء على المال العام بالدقهلية ضمن ٥٩ متهماً آخرين، وأن حكماً غيابياً صدر ضده منذ عام ٧٢ بالسجن لمدة ١٠ سنوات، أقسم لهم النجار بأنه ليس الشخص المطلوب ولم يصدقه أحد، وتم اقتياده إلى القسم ومنه إلى النيابة ثم إيداعه السجن لحين تحديد جلسة له أمام الجنايات.
محامى المقبوض عليه اكتشف أن المتهم الحقيقى يحمل نفس اسم موكله، وثبت فى أوراق القضية أن المتهم الحقيقى كان يعمل سائقاً فى شركة حكومية، ومن خلال شهادات ميلاد موكله وتاريخ القضية، أثبت المحامى أن موكله وقت القضية كان عمره ١٧ عاماً، ولا يمكنه استخراج رخصة قيادة،
وهو ما يشير إلى أنه ليس هو المتهم، لكن لم يصدقه أحد أيضاً، فقرر البحث عن المتهم الحقيقى، وبالفعل توصل إليه، ولكنه اكتشف أنه توفى منذ ٣ سنوات، استنجد أبناء المقبوض عليه بأبناء المتهم الحقيقى المتوفى، وحضر ابن المتهم الحقيقى إلى النيابة وأكد أن والده هو المتهم فى القضية وقدم شهادة وفاته.

**TaoTao** · 27-09-2009 04:49 PM

يعني لو كان الراجل لسة عايش كانوا قالوله "احلق لنفسك"

للأسف البطاقات الجديدة آخر مسخرة وبياناتها ناقصة ومافيش قاعدة بيانات حقيقية يتاخد منها معلومات صحيحة !

استوردنا تكنولوجيا ودفعنا فلوس وكلفنا الناس مصاريف وكل ده وتحصل أخطاء قاتلة بالشكل ده .. حسبنا الله ونعم الوكيل

**sherif222** · 28-09-2009 01:07 AM

لا حول ولا قوة الا بالله

**ابو ندي** · 28-09-2009 11:51 AM

ده لو في بلد محترمه يرفع قضيه وياخد تعويض عن الحبس الظلم اللي وقع فيه

**badblood** · 29-09-2009 02:28 AM

حلوة يا بلدي

**eng.octooo** · 29-09-2009 03:04 AM

ههههههههههههههه دة كان انتحر احسنلة

**M.Osman** · 29-09-2009 03:13 AM

سؤال لرجال القانون:
اية الإجراءات القانونية اللي المفروض اعملها لو كنت مكان الراجل دا .. وعايز اخد حقي من الهبل دا ؟؟

**bemocarlo** · 30-09-2009 03:23 AM

من المعلوم اذا تشابهت الاسماء فأن الفيصل هو اسم الام.واكيد ده مختلف.في واحد معرفه كل ما يرجع مصر سلطات المطار تستوقفه لتشابه اسمه مع اسم اخر موضوع علي قائمه الانتظار للقبض عليه وطبعا الفيصل هنا باسم الام.بس ايه الا جراءات اللي الغلبان ده هياخدها علشان ياخد حقه من اللي بهدلوه كده؟
bemo,ire

**dr.nemo** · 30-09-2009 04:02 AM

ايوه فعلا انا اتوقفت في المطار مرة علشان تشابه الاسماء
بس شافوا باقي بيانات الجواز ومشوني علطول

وفي الكماين اي تشابه اسماء بيخدوه ويتأكدوا
صاحبي نزلوه من ميكروباص وقالوا له انت عليك ضرايب وقدرها وانت متهرب ومطلوب
وراهم البطاقة والكارنيه
ومشوه بسبب فرق السن الفظيع والمهنة المختلفة
وركبوه عربيه على حسابهم

**alisleman** · 30-09-2009 05:33 PM

الراجل دة المفروض يشوف محامى شاطر وياخد حقه من اللى بهدلوة

الموضوع: أكيد في مصر مش ف حته تانيه

LinkBack

أدوات الموضوع

عرض

أكيد في مصر مش ف حته تانيه - انشر الموضوع فى :

-

-

-

-

-

-

-

المواضيع المتشابهه

عطر عربيتك ، بطريقة أكيد أكيد على قد فلوسك !!

أية دة ... لا لا لا أكيد مش هية

يبقى انت أكيد أكيد ... فعلا... فى مصر

يبقى أنت أكيد فى مصر

خبر أكيد

الكلمات الدلالية لهذا الموضوع

المفضلات

المفضلات

ضوابط المشاركة