استفسار بسيط يا شباب

**aneo** · 27-09-2009 03:24 PM

انا عندى علامة الباسات الخلفية مسروقة بالبلستكاية السوداء فكنت عاوز اعرف ايه احسن محل فى الحرفيييين اروحلو و يكون نظيف و يا ريت لو تقولولى اروح الحرفيييين ازاى انا من المنصورة (اقرب طريق) و ياريت رقم التلفون بتاع المحل و اسم المحل ايه ............................. عفوا على الاطالة

**M.Mostafa80** · 27-09-2009 03:45 PM

بص ياسيدى هتيجى من الطريق الزراعى وتاخد الدائرى فى أتجاه المرج ومدينه نصر
وهتنزل نزله مدينه السلام ولما تنزلها أسأل الناس وقلوهم عايز اروح الحرفيين هيوصفولك مجرد ما هتلاقى كوبرى ما تطلعوش وخش من جنبو وكمل من جنبو على طول لحد ما توصل لشارع جمال عبد الناصر طبعا هتسال عليه وبعد ما تدخلو هتسأل على شارع المرسيدس هيوصفهولك بردو هتدخلو وتمشى فيه لأخره تركن عربيتك وتنزل على رجلك
هتسأل على واحد أسمو الشيخ حسن الشيخ حسن مكانو جنب السراج بتاع قطع غيار أستيراد (ولونى أفضل تجيبو من أشرف الشهابى لنو أضمن )المهم هتجيب حاجتك وترجع لعربيتك وتاخد شارع المرسيدس تانى طبعا هتلف وترجع هتطلع جمال عبد الناصر تانى ومنه على جسر السويس هتمشى محطتين وتسأل على حديقه بدر هتدخل من جنب اخر سور الحديقه وهتعدى مزلقان هتلاقى على اليمين ورشه هانى بتاعت فولكس برو هتكمل قدام شويه هتلاقى محمد سمير على يمينك المركز بتاعو عامل زى هنجر الطيارات كدا وهتدخل أحتمال تلاقى عندو طيارات جوه متشعلقه ههههههههههههههههههه حته دعابه يارب أكون أفدتك هحاول أجيبلك خريطه من على جوجل أيرث

**original** · 27-09-2009 04:24 PM

الشهابى أضمن فى الجديد..

**M.Mostafa80** · 27-09-2009 07:24 PM

انا عايز اقولو كدا بس خايف الراجل يفهمنى غلط

**elansary** · 27-09-2009 07:36 PM

ربنا ياخد اللي بيسرقو العلامات

**original** · 27-09-2009 11:06 PM

المشاركة الأصلية كتبت بواسطة omry40

ربنا ياخد اللي بيسرقو العلامات

آمين..

**chester16583** · 28-09-2009 06:35 AM

امين
علشان سواقين التاكسى حطين علامات فولكس الاصلى على التابلوه و بيشتروها من الحراميه بخمسه جنيه و احنا بنشتريها بمئات الجنيهات
المفروض نقول لشركة فولكس يركبوا جهاز صاعق كهربائى مانع للسرقه فى علامات العربيات من موديل 2011