استفسار قطع غيار استيراد

**hossamkamel** · 27-09-2009 05:53 PM

محدش يعرف سعر عوامه البنزين استيراد وموتور قربه المياه بكام والكرتيرات جديده بكام او رقم واحد قطع غيار استيراد لابيزا 94 برجاء الرد للمساعده

**ehab_mansour** · 27-09-2009 07:44 PM

انزل الحرفيين هتلاقي ناس كتييييييير جدا هناك منهم السراج - البيومي دول للإستيراد
وفيه الشيخ حسن لقطع الغيار الجديدة وربنا يوفقك

**M.Hassan47** · 02-10-2009 10:06 PM

عوامة البنزين مش بتيجى لوحدها الطلمبة كلها على بعضها وده افضل ليك هى عاملة 450 واربة الميه عاملة 60 والكتيرات جديدة تقريبا كده فى رينج 60 لــــ85

**mr_shims_49** · 03-10-2009 02:03 AM

بتجيب من الاخر يا محمد والله

**M.Hassan47** · 03-10-2009 02:05 AM

ربنا يخليك ياموحا وبعدين انت عارف انى غيرت اغلب الحاجات فى العربية مكنش ناقص الا الموتور فالواحد حفظ بقى

**mr_shims_49** · 03-10-2009 02:21 AM

فعلا التجارب دي مهما كانت متعبة في الاخر بردو بتدي للواحد خبرة انا قبل ما اجيب الابيزا كان معايا نوبيرا 2002 كنت بحبها جدا بس بردو غيرت كل حاجة فيها تقريبا زيك كده و اتعلمت منها كتييير الحمد لله

**hossamkamel** · 21-10-2009 05:22 PM

والهى انت تمام اصل انا لسه جايب واحده 94 بس الناس بتقولى العربيه نضيفه بس غاليه انا خلصت ب35000 بص يا مستر remo21 انا فى شويت حاجات عايز اعرفها زى العربيه لما بدورها بيبقى فى غربله يعنى رجه ولما اولع التكيف الرجه تزيد جدا دى حاجه الحاجه التانيه ان لما المروحه تشتغل فى نفس الرجه لازم ازود بنزين علشان الدنيا تظبط معايا العيب ده من ايه و العوامه ديه ممتصلحش ولو ممكن رقم تليفونك لااستفسار عن شويه حجات زى السحب انا بحس ان العربيه مخنوقه عايزه تجرى بس فى حاجه و المكنه فيها دخنه بتاع البنزينه حط زيت شنبر و بعديه زيت ب65 جنيه قلى غيره مره كمان بعد الالف و بعدين حط السوبر الكلام ده ايه رايك فيه وشكرا

**M.Hassan47** · 21-10-2009 08:39 PM

المشاركة الأصلية كتبت بواسطة hossamkamel

والهى انت تمام اصل انا لسه جايب واحده 94 بس الناس بتقولى العربيه نضيفه بس غاليه انا خلصت ب35000 بص يا مستر remo21 انا فى شويت حاجات عايز اعرفها زى العربيه لما بدورها بيبقى فى غربله يعنى رجه ولما اولع التكيف الرجه تزيد جدا دى حاجه الحاجه التانيه ان لما المروحه تشتغل فى نفس الرجه لازم ازود بنزين علشان الدنيا تظبط معايا العيب ده من ايه و العوامه ديه ممتصلحش ولو ممكن رقم تليفونك لااستفسار عن شويه حجات زى السحب انا بحس ان العربيه مخنوقه عايزه تجرى بس فى حاجه و المكنه فيها دخنه بتاع البنزينه حط زيت شنبر و بعديه زيت ب65 جنيه قلى غيره مره كمان بعد الالف و بعدين حط السوبر الكلام ده ايه رايك فيه وشكرا

أنا هابدأ بنهاية كلامك وهو موضوع البنزينة اوعى تثق فى كلام الميكانيكة بتوع البنزينة اصله مش مرتبط بيك هايعملك الحاجة ومايهموش لو العربية ولعت اول ماتخرج من البنزينة لكن لو متابع مع ميكانيكى هايهمه لأن اى حاجة هاتروحله لأنى قبل كده اعتمد على ميكانيكى بنزينة عشان يعملى جوان فى الفتيس لعب فيه الفتيس انكسر فاحذر ‘

ثانياً من الواضح ان عربيتك فيها شغل ومتزعلش منى كتير أوفر عليها 35000

وموضوع الغربلة ده اعتقد على قد خبرتى انه موضوع حساسات وكهربا لأنه كان عندى والعوامة الأفضل انها تيجى استيراد وتريح دماغك لو اتصلحت بتبوظ تانى ولو اتصلحت واشتغلت اول مابتتحط فى البنزين بعدها بيوم بالكتير بتبقى باظت ورجعت زى الأول
بالنسبة للسحب دا كان بردو عندى واتظبت جدا بعد ماظبط الكنترول بتاع العربية ونضفت بوابة الإنجكشن وبما انك كاربراتير فهاتنضف الكاربيراتير بسهولة جدا وشوف هاتحس بفرق ولا لا وبالنسبة للدخنة انا مش فاهم بالظبط موضوعها
ولو عايز تستفسر عن اى حاجة دا رقم تليفونى 0106232048

**grumby78** · 22-10-2009 01:16 AM

اللي ب 450 دي طرمبة البنزين بتاعة ال 98 الكهرباء لكن الابيزا ال94 واحدة تانية بيقولو عليها طرمبة ميكانيكية للبنزين واعطالها نادره وارخص من كده بكتير حوالي 150 جنية . والكارتيرات عجل قدام ب 60 جنية .

-

الموضوع: استفسار قطع غيار استيراد

LinkBack

أدوات الموضوع

عرض

-

-

-

-

المواضيع المتشابهه

قطع غيار استيراد

قطع غيار استيراد

قطع غيار استيراد

اسعار قطع غيار الشركة المصرية اليابانية (قطع غيار استيراد - الحرفيين)

الكلمات الدلالية لهذا الموضوع

المفضلات

المفضلات

ضوابط المشاركة