مشكلة بسيطة فى لانسر 1300

**haythoomatos** · 27-09-2009 06:38 PM

بيانات العربية ميتسوبيشى لانسر السعة الترية 1300 سى سى موديل 2008 البومة مانيوال عداد الكيلومترات عامل 11220 كيلو و عملتلها صيانة ال 10000 فى التوكيل من حوالى 3 شهور المهم ..... انا كنت فى مشوار فى المنوفية و انا راجع عند القناطر كده كان فيه مطب كبير و للأسف ماشوفتوش روحت لابس فيه جامد قوى... طااااااخ... المهم بعد الحكاية دى العربية كانت عادية جدا و مافيهاش اى شيء غير طبيعى ماعدا ان فيه حاجة ابتديت الاحظها... لما بضغط على دواسة الفرامل و انا ماشى صوت الكاسيت بيحصل فيه انخفاض مفاجىء و شوشرة .. و بيرجع الصوت طبيعى اول ما اشيل رجلى من على الفرامل !!! و لكن لو دوست على الفرامل و الموتور شغال بس العربية مش بتتحرك مش بيحصل حاجة.. ولاحظت ان نفس الشيء بيحصل لو شغلت التكييف.. برضه صوت الكاسيت بيبقى واطى شوية مع شوشرة و تشويش جامد و بيرجع الصوت طبيعى لما اقفل التكييف.... انا روحت التوكيل و الراجل هناك قالى المطب اللى انا لبست فيه مالوش علاقة بالكهربا بتاعة العربية خالص... و للأسف ما قدرتش اوريه العيب ده لأن الحكاية دى مش بتحصل إلا لو العربية بتتحرك و هوة قالى ماعندوش وقت يطلع معايا... تفتكرو البطارية بقت ضعيفة و الموضوع مالوش علاقة بالمطب؟؟؟ ولا فيه اسلاك اتقطعت ولا ايه؟؟؟