انا يا شباب كنت عايز اعرف ازاى اروح من حلوان لبنى سويف وعايز امشى فى الطريق الصحراوى الجديد بيقولوا انة حلوة جدا ونضيف وسريع انا اعرف انة الاتوستراد على طول بس هفضل ماشى على طول لحد امتى وهمشى ازاى بعد كدة
عرض للطباعة
انا يا شباب كنت عايز اعرف ازاى اروح من حلوان لبنى سويف وعايز امشى فى الطريق الصحراوى الجديد بيقولوا انة حلوة جدا ونضيف وسريع انا اعرف انة الاتوستراد على طول بس هفضل ماشى على طول لحد امتى وهمشى ازاى بعد كدة
يا ريت حد يقولنا انا برده عايز اعرف الطريق من كورنيش المعادى لبنى سويف
ببساطة بتمسك الاوتوستراد لحد ماتلاقي يفطة يمين لطريق الكريمات
بس معاك لحد ما تخش بنىسويف شرق النيل (المدينة)
والكارتة 5 جنيه وطريق ممتاز الصراحة
شكرا جدا انا رحت خلاص وفعلا ذى محضرتك قلت كدة والطريق حلو جدا والسرعة القانونية علية 120 ومكنش فية ردار بس مش عارف هو مفيهوش ردار على طول ولا دة نصيب كدة انا كنت ماشى طول الطريق 140 و مشفتش ولا ردار
انا اقول لحضرتك انا عرفت الطرق خلاص هتفضل ماشى على الكورنيش على طول وتعدى على مدخل حلوان الى عند نادى المهندسين وتفضل ماشى على طول وتعدى على مدخل حلوان التانى الى هو ركن فاروق وتفضل ماشى على طول لحد متلاقى كوبرى قاطع الطريق بالعرض اسمة كوبرى المرازيق حضرتك المفروض فية داخلة يمين كدة ومنها هتطلع على الكوبرى بس انا معرفهاش عشان انا رحت من الطريق الصحراوى بس نصيحة حضرتك روح من الطريق الصحراوى طريق هايل بجد فى ساعة وربع تقريبا هتبقى فى بنى سويف (فى حالة الالتزام بالسرعة الى هى 120 ) وعيبة الوحيد انة مفيهوش خدمات يعنى لازم تبقى واثق من العربية كويس هو فية بس بنزينة اول الطريق والطريق الزراعى بيقولوا كلة مطبات وعربيات نقل ووحش جدا جدا بس ونس وفية خدمات كتير
طب يا جماعه انا مش عارف امشى ازاى للصحراوى دلوقتى انا هطلع الدائرى من اثر النبى وبعدين هفضل ماشى لحد نزلة الاوتوستراد اللى بيودينى على نادى السكه امشى ازاى بأه انا معرفش غير الحته دى من الاوتوستراد انتوا تقصدوا ايه معلش انا ممكن مكنش عارف معنى كلمة اوتوستراد معناها انهى طريق
بص حضرتك انتا المفروض تمشى على الاتوستراد فى التجاة الاخر عكس الاتجاة الى بيودى على نادى السكة الى هو اتجاة حلوان وتفضل ماشى على طول على طول بتاع نصف ساعة كدة لحد مدخل حلوان هتسيبة وتفضل ماشى على طول بردة ذى ما انتا لحد متلاقى قدامك كمين ثابت (بتاع مايو ) تفضل ماشى على طول بردة هتلاقى قدامك يافطة الطريق الدولى وكوبرى طالع كدة تطلع الكوبرى دة خلاص هتلاقى قدامك البوبات بتاعت الكارتة وتاخد الطريق لحد بنى سويف هو الطريق سهل اوى انتا مش هتحود خالص انتا هتفضل ماشى على طول وخلى بالك هيقبلك 3 مجموعات من المطبات فى السكة قبل مدخل حلوان هتلاقى كدة عند مركز شباب المعصرة بتاع 6 مطبات وتمشى يادوبك كدة 2 كيلو هتلاقى عند مدخل المعصرة مطبات تانية و تمشى هتلاقى تالت مجموعة من المطبات الى هى عند مدخل حلوان بس هما كدة لكن الطريق الدولى ذى الحرير لحد بنى سويف
الف شكر على الوصف
انت كده فهمتنى اللى كنت عايز اعرفه وشكراً
انا شفت الطريق على جوجل بس دا فى زرع كتير اوى فى الاول هو مش مفروض انه طريق دولى 120 وصحراوى ولا فى حاجه غلط
تمام اوى اوى الف شكر لحضرتك على الوصف وعلى الموقع الجميل دا وشكرا
انا بافضل الطريق الصحراوى الى من ميدان الرمايه
حضرتك بتاخد طريق الفيوم من ميدان الرمايه لحد ما تلاقى يافطه مكتوب عليها الطريق الصحراوى الغربيى بعدها فى u turne وبتاجد اليمين الى اول الطريق
الطريق ده جميل جدا مفهوش رادار خالص بس نصيحه بلاش الصفر عليه باليل علشان مفهوش اى اناره انما بالنهار فهو ممتاز