الموضوع: ميعاد تغير فلتر الزيت

المشاركة الأصلية كتبت بواسطة samirayad

طيب وهو السيد الوالد بيقولك يا أبو حميد

أكيد بيقولك

ولا يا حمو ....زى حماتك مبتقولك مثلا

أما أنا بأقولك يا أبو حميد
علشان أنا فعلا بأعتبرك زى أخويا الأصغر
ولو أن أنا مش عارف سنك كويس
لأن شكلك فى البدله وأنت منور كده يخض ويديك سن كبير

أما أنا عندى 43 سنه وماشى فى ال44

يا باشا الله يخليك .. دول هما كلهم 26 سنة وللا يمكن كمان 25 .. والبدلة دي بالبسها تمويه عشان الناس ماتقولش علي عيل !
وبعدين منور إيه ؟!
أي نعم الصورة دي خدتها يوم فرحي .. بس كان يوم اسود .. واحد غبي فول التانك 80 وحساس الأوتو اتحرق والتكييف عطل والعروسة وشها ساح من الحر عشان التكييف باظ على حظها !
منور ؟!!!!!!
دا أنا حتى ساعتها كنت لسه طالع من جرعة كيماوي عالية التركيز .. كانت جايباني الأرض ومن ساعتها قلت مش هاخد كيماوي تاني وأديني أهه زي القرد !

المشاركة الأصلية كتبت بواسطة samirayad

من الآخر

أنت راجل زى العسل

وأنا سعيد بمعرفتك
يا أخى الأصغر

الله يكرمك يا باش مهندس دا أنا الأسعد والله

باشمهندس سمير والنبي عشان خاطري نفسي اشوف صورة حضرتك الحقيقية بجد والله ده من اعنزازنا بحضرتك وحبنا ليك ... لان قليل دلوقتي في الزمن ده اللي بيحب يساعد الناس ومش بيبخل على حد بأي معلومة حتى لو صغيرة .

يا اخواننا ماتضغطوش على الراجل عشان هو ممنوع إن صورته الحقيقية تظهر ـ عشان هو هيئة ميكانيكية عليا ـ ولو ظهرت .. في جهات ميكانيكية معادية هاتخطفه ..... والطيب أحسن !