ممكن مساعدة فى نظام الصوت من الخبراء

**islamnasser10** · 28-09-2009 08:34 PM

معلش ممكن اطول عليكوا شويه انتوا عارفين بقى المبتدئين بيحبوا يستفسروا عن كل حاجة
اولا انا هشتري ماروتى او التو زيرو كمان شهرين تقريبا وكلنا عارفين ان الاتنين بينزلوا من غير كماليات ودة مصلحه علشان اركب الساوند سيستم على مزاجى بدل القرف اللى هتنزل بيه العربية
المشكلة بقى قريت كتير عن حاجات كتير غاليه ولاسباب معينه مش مجدية ممكن لانها غير متوافقه مع بعضها او لانها مضروبة
عايز نوع وموديل سي دي كاسيت محترم جدا ويكون بريموت وسماعتين فى رف الشنطة الصغيرة دى وسماعتين فى البابين اللى قدام محترمين برضة
الميزانية مش هتفرق معايا علشان انا يهمنى الموضوع دة جدا ومش عايز اجيب حاجه اقضي بيها الغرض وخلاص عايز الماروتى تتقلب من الصوت (هى بتتقلب من غير حاجة اصلا مش ناقصه) بس عايز اسمع صوت نقي وستريو اسمع كل ألة او صوت فى الاغنيه مش اسمع زن ووش وكده وممكن اصرف لحد 2000 ولو فيه حاجه تستاهل اكتر من كده ممكن اجيبها بس تكون تستاهل تمنها مع مراعاة حجم العربية الصغير طبعا ولو وصلت ان العربية مينفعش يركبلها نظام صوت نضيف علشان صغيره مثلا ممكن اغير رايي ومجبهاش
اتمنى بجد تفيدونى ومن اللى قريته عرفت ان الاختيار مش هيخرج عن بايونير او كينوود بس عايز اسم الموديل
للعلم انا من اسكندرية علشان لو حد عايز يقولى على اسم محل معين هنا
اسف على الكلام الكتير

**a7mode** · 29-09-2009 05:02 AM

ههههههههههه بيتهيئلى ان الماروتى دى لو اتحط بازوكا او صب فيها حيبقى خطر عليها ههههههههههههههه ربنا يباركلك فيها مقدمآ

بص يا جميل انصحك بشمس استااااااايل + توكيل بايونير اللى جمبو ..

العنوان : اول شارع بورسعيد عند نقابه المهندسين ..

بص عشان اسهلك الوصفه ..

ادخل شارع كليه هندسه اللى بينزلك فى الشاطبى عالبحر .. وبعد ما تدخل شارع كليه هندسه خليك ماشى فيه وبعد ما تعدى تقاطع شارع بورسعيد ادخل شمال مفيش غير شارع واحد شمال اصلا ادخل منو شمال × شمال × شمال .. ولعى ايدك الشمال علاطوول هتلاقيه المحلين اللى ذكرتهملك فوق .. حتدخل توكيل بايونير تظبط الساوند اللى انت عايزو من عندو وحيسمعك صوت كل الكاسيتات قبل ما تشتريها هوا مركب منهم وبيسمع اى حد عايز يشترى الاول .. وبعد ما تظبظ الساوند اللى على مزاجك جمبك علاطووووول هتلاقى محل اسمو شمس استايل وفى صنايعيه كويسه جدآ جدآ وشغلهم نضيف اوى بصراحه واسعارهم بردو كويسه اوى

على فكره توكيل بايونير اللى وصفتهولك دا ارخص توكيل بايونير فى اسكندريه يعنى متفكرش تسأل عن اسعارو بره وخليك واثق انك مش هتلاقى زى سعر التوكيل دا بالذات .. اخوك مجرب اصلو هههههههههههه بلف والف وفى الاخر برجعلو ههههههههههه

**EGYANGEL** · 29-09-2009 10:20 AM

ههههههههههه بيتهيئلى ان الماروتى دى لو اتحط بازوكا او صب فيها حيبقى خطر عليها ههههههههههههههه
انا بقى شفت ماروتي مقعد بوكس عالكرسي اللي وراه عارفين فيه ايه ؟
فيه بانش 18 بوصة والصوت قالب الدنيا ومقومة ببانش 250*4
العربية زرقا وحاطط استيكرات جير ون عالازاز حد يعرفها

**kasten** · 29-09-2009 12:19 PM

مقعد البوكس
والله جامده
لا فى التو فى اسكندريه بيضا والفرش لونه بينك كان عنده صوت محترم برضو وشوفتو فى النخيل

**KoDaK_Gti** · 29-09-2009 12:48 PM

طيب انا رديت عليك فى موضوع تانى

وانتا سألت فى اكتر من 3 مواضيع !!!!!

المشاركة الأصلية كتبت بواسطة kodak_gti

انت عاوز جهاز سى دى وشرايط مع بعض ؟؟؟؟
ولا سى دى بس ؟

ممكن تجيب كاسيت بايونير 7150ub ب 1100 جنيه
وسماعتين بايونير 400-450 وات ب 300 جنيه
وامبلفاير بايونير 330 وات ب 450 جنيه
وسماعتين فى الابواب بايونير بس اعرف مقاسات الابواب كام الاول

الاسعار دى تقريبية يعنى اقل او اكتر حاجات بسيطة ان شاء الله

**kamal_love20** · 01-10-2009 03:41 AM

ده نظام الصوت اللي في بالي ومش فيه اضافات ملهاش لزمة في نظري برده الهدف انه يكون صافي ونقي ويحسسك بجمال السوند منغير خبط ورزع اوفر
audio

pioneer DEH-2150ubg
السعر في اسكندرية يوم 29/9/2009
جنيه675 من عند اليسر اللي في ش 45 قبل البحر 300 متر

speakers

pioneer ts-a6991s
بيضاوي 9*6 بوصة ورا علي الرف
400 وات rms 80
350 جنيه من عند اليسر برده

وهيكون فيه اضافة انشاء الله

speakers
kenwood KFC-1361S
150 وات في الابواب في الامام

Power Amplifiers

kenwood KAC-5203
350وات وده هيكون في الشنطة

وممكن تسغير السماعات بدل الكينوود ببيونير طبعا الاتنين جامدين
وبرده الاخوة الاعضاء يقولو رائيهم ولو فيه حاجة ناقصة او عايزة تعديل يقولو ياريت