كيا نيو سيراتو ام سوزوكى sx4

**mcml_13** · 28-09-2009 09:11 PM

بعد تفكير كتير خلاص محتار و ياريت ترشحول عربية من الاتنين دول
مع العلم ان من متابعتى للمنتى اكتشفت عدة اشياء منها
السيراتو عربية جميلة و كل اللى جابوها بيشكروا فيها بس فى ناس قالت يعيبها الخامات الداخلية للصالون و غير كده فيه مشاكل فى التسليم و الخليجى اغلى كمان انما هى كتصميم عربية جميلة و توكيلها محترم

الsx4 برده الناس قالت عربية جميلة بس انا شايف بيميزها عن السيراتو سعرها ( لو قارناها بنفس الفئة اللى فى السيراتو هايبقى الفرق حوالى 10 الاف جنيه و ده مبلغب كبير ) طبعا بتكلم عن الاوتوماتيك الكاملة من غير فتحة سقف لانها مش بتنزل بفتحة سقف
غير كده الناس بتشكر برده فى الخامات الداخلية بتاعتها و غير كده عربية يابانى و يعيبها عدم الانتشار و اسعار قطع الغيار غالية شوية ده غير انى مش عارف هلاقيها بره التوكيل و لا لازم فى التوكيل

اتمنى تساعدونى فى الاختيار ده

**mcml_13** · 29-09-2009 04:45 PM

معقول مافيش حد فى المنتدى عاوز يساعدنى ؟؟؟؟
و لا هى السوزوكى اللى مجهولة و لا ايه ؟؟؟

**Ahmed.TV** · 29-09-2009 07:38 PM

والله انا حقول لحضرتك على حاجة عشان تكون مرتاح اكتر
ادخل واقرء موضوعات عن السوزوزكى فى قسم السوزوكى بتاعت اس اكس فور سواء المثبتة او بتاعت الاعضاء واقراء كل الكلام والسطور اللى فى كل صفحة
وبعدها ادخل واقراء كل موضوعات النيو سيراتو بردوا بنفس الطريقة واحكم انت بنفسك وباللى حتقتنع بيه وحيتوافقك مع ظروفك وامكانياتك
لان كل واحد معاه العربية او منتمى لحزب ما حيناصر حاجته او حزبه وبتحيز
وبعدين نرجع بقا لموضوع الانتشار العربية , ما عندك زى العربيات الصينى مثلا منتشرة جدا فهل هى عربيات اعتمادية مثلا !!!

المهم ادخل واقراء بتمعن حتقدر توصل لحل باذن الله

**Samah AbdAllah** · 30-09-2009 01:31 AM

انا ارشحلك النيو سيراتو
وانت تابع الموضوعات فى القسمين وجرب بنفسك العربيتين واختار

**Ahmed.TV** · 30-09-2009 11:45 PM

الراجل محتاج عربية مش تزيد عن 107 وفيها امكانيات وكماليات وشغل نقوله نيو سيراتو هاى لاين ازاى !!!
السوزوكى اس اكس ماتور يابانى واداء تقديره جيد جدا لليابانى وكماليات من كاسيت ام بى ثرى وفوجات ومالتى فنكشن وطارة جلد وجنوط وكمان عوامل امان من فرامل abs و2 اير باجز مش واحد
يعنى عربية بصراحة فيها كل حاجة لكن لو معاه 120 او اكتر كان جاب سيراتو هاى لاين

يااما بقا لو تقدر بقا تزود فوق ا107 الف حوالى 10 الاف وتجيب السيراتوا يبقا خلاص توكل على الله وهات السيراتو اللى ب116 الف
وفى النهاية محدش يقدر يخليك تجيب حاجة معينة او يفرض عليك لان القرار قرارك
وطالما حضرتك شايف ان فرق ال10 كتير زى ما حضرتك قولت فى البداية شوف الانسب لظروفك
وشوف انت محتاج ايه فى العربية وايه اللى انت شايفه محتاجه اوى وايه اللى ممكن تتنازل عنه
لان ممكن تركب بردوا نيو سيراتو ex بس حتتنازل عن عوامل الامان كلها ماعدا حيكون فى ايرباج للسائق فقط ومفيش ايرباج للراكب اللى جنب السائق وغير كدا مفيش فرامل abs وتمنها ب110 الف
فشوف تانى بردوا انت محتاج ايه بنفسك وقيم احتياجاتك وظروفك واختار
ولو استقريت على اى واحدة منها ممكن تسال وتبعت لاى عضو هنا معاه اى عربية منهم وكلهم مش حيتاخروا عنك ابدا وحيبعتولك ارقام تليفونتهم وممكن يخلوك تجرب العربية لان الناس هنا فى المنتدى قمة فى الذوق بصراحة والاخلاق وخصوصا فى التعاون مع بعضنا
وادخل واقراء الموضوعات وعيش دراسة حالة وحضر الدكتوراه فى البحث عن ايهما افضل وفقا لامكانياتك وظروفك وناقش الرسالة مع نفسك الاول وبعد كدا معانا
واسف على الاطالة
وتقبل تحياتى