الحمد لله جبت لانسر 2009 هاف أسبورت خليجى من حوالى أسبوع عايز أركبلها جهاز أنذار علشان هيه فيها سنتر بس هل فى أى مشكله؟؟؟؟؟؟؟؟
ياريت مساعدة أ/طارق زويل
عرض للطباعة
الحمد لله جبت لانسر 2009 هاف أسبورت خليجى من حوالى أسبوع عايز أركبلها جهاز أنذار علشان هيه فيها سنتر بس هل فى أى مشكله؟؟؟؟؟؟؟؟
ياريت مساعدة أ/طارق زويل
مبروك العربية ربنا يديك خيرها ويكفيك شرها
حضرتك مقولتش هي بومة ولا شارك (من باب العلم بالشيء مش اكتر)
لو كانت خليجي بضمان فالأول حضرتك اسئل مركز الخدمة اللي تبعه الصيانة والضمان عن امكانية تركيب جهاز الانذار عندهم
ولو كانوا زي عندنا في التوكيل مش بيركبوا كماليات ومنها اجهزة الانذار ، أو كانت العربية اساسا ملهاش ضمان وبالتالي مفيش مركز خدمة وصيانة معين هتتعامل معاه فحضرتك هتركب جهاز الانذار في اي مركز متخصص للكماليات واجهزة الانذار زي السجان وادريان والناس دي علشان يكون عارف العربية كويس انما مش كهربائي عادي ممكن يتلف حاجه او يعمل قفلة تتلف وحدة الكمبيوتر
ومبروك مرة تانية
أنا متشكر جدا على أهتمام حضرتك وسرعه ردك عليا...
على فكرة العربيه بوما...لو ممكن أتقل على حضرتك وأعرف هل هيه ليها ضمان ولا لأ علشان المعرض ماقدرش يفيدنى ودة رقم الشاسيه:92802396---ودة رقم الموتور:4517 وهل فى مشاكل فنبه ممكن تحصل من أثر تركيب الجهاز وشاكر جدا لفضلك
الف مبرووووووووووك يا باشا وربنا ان شاء الله يباركلك فيها ويديك خيرها ويكفيك شرها ,,,,,, بما اني لسه جايب لانسر 2009 خليجي "شارك" كم تدوم فترة تليين المحرك ؟ وما هي السرعه المطلوبه او عدد لفات المحرك التي يجب عدم تجاوزها ؟ وهل بمكاني تشغيل التكييف ؟
رقم الشاسيه ده مش مظبوط لأنه بيكون 6 أرقام فقط وليس 8 وهما اللي بيكونوا مكتوبين في الرخصة
بخصوص ضمان الخليجي المعرض هو اللي بيحدده لأنه هو اللي عارف عربيته جايبها منين . يعني لو هو جايبها من الرواس هيقول لحضرتك العربية ضمانها في مراكز خدمة الرواس 3 سنوات او 60 ألف كيلو ولو ضمانها هاي تريد هيقول برضه ان الضمان والصيانة في مركزهم وهكذا . اما اذا توه الموضوع ولم يقدم بيان واضح فمعناه ان العربية بدون ضمان بمعنى ان المستورد معرض عادي وغير متفق مع مركز خدمة على الصيانة والضمان ففي الحالة دي ممكن تعمل الصيانة في التوكيل او أي مركز خدمة تفضله انما بدون ضمان وباذن الله لا تحتاج له
بخصوص تركيب جهاز الانذار فزي ما قلت لحضرتك لو اتركب في مركز متخصص مش هيحصل اي مشاكل باذن الله
تمام يا استاذ احمد
شكرا يا استاذ طارق
سيدى الفاضل شاكر جدا لأهتمام حضرتك وسرعه ردك عليا ومهما أقول مش هاقدر أوفيك حقك....
رقم الشاسيه اللى أنا كتبته هوة بالظبط المكتوب فى الرخصه 8 أرقام
(92802396) ودة رقم الموتور (4517)
بالنسبه للمعرض جواب الأفراج الجمركى مكتوب فيه أباظه أتو تريد هوة المستورد والمعرض اللى أنا جبت منه لم يذكر لى أى حاجة بخصوص الضمان ولما سألت كان الرد انى أنا ممكن أعمل الصيانه فى الرواس
برضه رقم الشاسيه كده غريب جدا
طيب ممكن حضرتك تكتب لي رقم الشاسيه كما هو محفور على العربية (لما تفتح الكبوت تلاقيه في صدر العربية تحت المساحة اليمين مكون من 17 حرف ورقم المفروض يكون كالتالي jmystcs3a9u802396 )
اما الصيانة فممكن تتعمل في التوكيل مصرية او الرواس او اي مركز آخر تفضله
سيدى الفاضل أسف على تأخير الرد على حضرتك
كلام حضرتك طلع فعلا صحيح رقم الشاسيه كما هو مكتوب فى جواب الأفراج الجمركى هو 002396 ورقم الموتور 4517 وللأسف رقم الشاسيه مكتوب خطأ فى الرخصه زى اللى كان قبل كدة أما الرقم المحفور تحت المساحه هوة(jmystcs3a9u002396 )
هل ممكن من الرقم دة معرفه أما أذا كان العربيه سعودى أو دبى أو أيرانى
وشاكر مرة أخرى لفضلك ولسعه صدرك ومساعدتى على تصحيح معلوماتى..........