أ/طاق زويل...لو سمحت

**mady2007** · 28-09-2009 10:53 PM

الحمد لله جبت لانسر 2009 هاف أسبورت خليجى من حوالى أسبوع عايز أركبلها جهاز أنذار علشان هيه فيها سنتر بس هل فى أى مشكله؟؟؟؟؟؟؟؟
ياريت مساعدة أ/طارق زويل

**مصراوي جدا** · 29-09-2009 02:15 AM

مبروك العربية ربنا يديك خيرها ويكفيك شرها

حضرتك مقولتش هي بومة ولا شارك (من باب العلم بالشيء مش اكتر)

لو كانت خليجي بضمان فالأول حضرتك اسئل مركز الخدمة اللي تبعه الصيانة والضمان عن امكانية تركيب جهاز الانذار عندهم

ولو كانوا زي عندنا في التوكيل مش بيركبوا كماليات ومنها اجهزة الانذار ، أو كانت العربية اساسا ملهاش ضمان وبالتالي مفيش مركز خدمة وصيانة معين هتتعامل معاه فحضرتك هتركب جهاز الانذار في اي مركز متخصص للكماليات واجهزة الانذار زي السجان وادريان والناس دي علشان يكون عارف العربية كويس انما مش كهربائي عادي ممكن يتلف حاجه او يعمل قفلة تتلف وحدة الكمبيوتر

ومبروك مرة تانية

**kemoelord** · 04-10-2009 01:04 AM

الف مبرووووووووووك يا باشا وربنا ان شاء الله يباركلك فيها ويديك خيرها ويكفيك شرها ,,,,,, بما اني لسه جايب لانسر 2009 خليجي "شارك" كم تدوم فترة تليين المحرك ؟ وما هي السرعه المطلوبه او عدد لفات المحرك التي يجب عدم تجاوزها ؟ وهل بمكاني تشغيل التكييف ؟

**mada121977** · 04-10-2009 01:14 AM

المشاركة الأصلية كتبت بواسطة kemoelord

الف مبرووووووووووك يا باشا وربنا ان شاء الله يباركلك فيها ويديك خيرها ويكفيك شرها ,,,,,, بما اني لسه جايب لانسر 2009 خليجي "شارك" كم تدوم فترة تليين المحرك ؟ وما هي السرعه المطلوبه او عدد لفات المحرك التي يجب عدم تجاوزها ؟ وهل بمكاني تشغيل التكييف ؟

بالنسبه لفتره التليين هى اول الف كم
والسرعه لاتتخطى ال 90 كم او 3 rbm
وحضرتك شغل التكييف براحتك مافيش اى مشاكل والف مبروك العربيه :)

**مصراوي جدا** · 04-10-2009 10:46 AM

المشاركة الأصلية كتبت بواسطة mady2007

أنا متشكر جدا على أهتمام حضرتك وسرعه ردك عليا...
على فكرة العربيه بوما...لو ممكن أتقل على حضرتك وأعرف هل هيه ليها ضمان ولا لأ علشان المعرض ماقدرش يفيدنى ودة رقم الشاسيه:92802396---ودة رقم الموتور:4517 وهل فى مشاكل فنبه ممكن تحصل من أثر تركيب الجهاز وشاكر جدا لفضلك

رقم الشاسيه ده مش مظبوط لأنه بيكون 6 أرقام فقط وليس 8 وهما اللي بيكونوا مكتوبين في الرخصة

بخصوص ضمان الخليجي المعرض هو اللي بيحدده لأنه هو اللي عارف عربيته جايبها منين . يعني لو هو جايبها من الرواس هيقول لحضرتك العربية ضمانها في مراكز خدمة الرواس 3 سنوات او 60 ألف كيلو ولو ضمانها هاي تريد هيقول برضه ان الضمان والصيانة في مركزهم وهكذا . اما اذا توه الموضوع ولم يقدم بيان واضح فمعناه ان العربية بدون ضمان بمعنى ان المستورد معرض عادي وغير متفق مع مركز خدمة على الصيانة والضمان ففي الحالة دي ممكن تعمل الصيانة في التوكيل او أي مركز خدمة تفضله انما بدون ضمان وباذن الله لا تحتاج له

بخصوص تركيب جهاز الانذار فزي ما قلت لحضرتك لو اتركب في مركز متخصص مش هيحصل اي مشاكل باذن الله

المشاركة الأصلية كتبت بواسطة mada121977

بالنسبه لفتره التليين هى اول الف كم
والسرعه لاتتخطى ال 90 كم او 3 rbm
وحضرتك شغل التكييف براحتك مافيش اى مشاكل والف مبروك العربيه :)

تمام يا استاذ احمد

**mady2007** · 05-10-2009 11:28 PM

سيدى الفاضل شاكر جدا لأهتمام حضرتك وسرعه ردك عليا ومهما أقول مش هاقدر أوفيك حقك....
رقم الشاسيه اللى أنا كتبته هوة بالظبط المكتوب فى الرخصه 8 أرقام
(92802396) ودة رقم الموتور (4517)
بالنسبه للمعرض جواب الأفراج الجمركى مكتوب فيه أباظه أتو تريد هوة المستورد والمعرض اللى أنا جبت منه لم يذكر لى أى حاجة بخصوص الضمان ولما سألت كان الرد انى أنا ممكن أعمل الصيانه فى الرواس

**مصراوي جدا** · 06-10-2009 03:01 AM

برضه رقم الشاسيه كده غريب جدا
طيب ممكن حضرتك تكتب لي رقم الشاسيه كما هو محفور على العربية (لما تفتح الكبوت تلاقيه في صدر العربية تحت المساحة اليمين مكون من 17 حرف ورقم المفروض يكون كالتالي jmystcs3a9u802396 )

اما الصيانة فممكن تتعمل في التوكيل مصرية او الرواس او اي مركز آخر تفضله

-

الموضوع: أ/طاق زويل...لو سمحت

LinkBack

أدوات الموضوع

عرض

-

-

-

-

المواضيع المتشابهه

لو سمحت الناسى الى بتشتغل او بتفهم فى نطام الصوت ضرورى لو سمحت

لما لا يكون زويل رئيساً

م/ طارق زويل

هل زويل أفضل مني؟!

الكلمات الدلالية لهذا الموضوع

المفضلات

المفضلات

ضوابط المشاركة