الموضوع: يارس هاف أوبشن ولا سيمبول فول أوبشن أوتوماتيك

بص انا فكرت في العربيتين دول كتير قبل كده رأيي لو انت بتقلق و مش عندك روح المغامرة و عايز تعمل زي كل الناس و تبقي واحد عادي هات الياريس طبعا ثقة لانها تويوتا لكن عايز تبقي منفرد و عربيتك حلوة و تلفت النظر و تركب عربية ثابتة جدا و كمالياتها اكتر و اشيك و اوسع و توكيل افضل يبقي تركب السيمبول دي من ناحية المميزات من ناحية العيوب الياريس اكصدامها وحش و بص علي أي عربية ياريس هتلاقي فيها المشكلة دي و علشان كده سعره رخيص علشان كل شوية بيتغير و في عيب رهيب في الاكصدام الامامي انه هو و الشبكة الامامية و الوش حته واحده لو اتخبط جامد شوية بيقع كله و معايا صورة لعربية ياريس مرفوعة علي ونش لانها مش نافع تمشي بالوضع ده ,, العيب التاني القاتل بالنسبة ليا انها مش ثابتة علي السرعات العالية و انا بسافر كتير ,, السيمبول عيبوها اولاً : سعر قطع غيار اغلي حاجة بسيطة مش كتير ثانيا: سعر إعادة البيع لسمعة رينو في مصر و ليس لعيوب في العربية