تسمحو لى انضم معكم فى منتدى التويوتا؟
مسوغات طلب الانضمام هى كورولا فضى 2010-1600 اوتوماتيك
(الأوتوماتيك العادى)
عرض للطباعة
تسمحو لى انضم معكم فى منتدى التويوتا؟
مسوغات طلب الانضمام هى كورولا فضى 2010-1600 اوتوماتيك
(الأوتوماتيك العادى)
:-) Welcome to Toyota Club
ألف ألف مبروك يافندم
ربنا يباركلك فيها ويحفظهالك من كل شر
انا مش مصدق نفسي:10D5C8~1107::biggrin2: اخيرا يا استاذ سبعاوي وقعت في شباك الكورولا ده انا لسة كنت كاتبلك رد في الموضوع بتاع وداعا صني وقلتلك فيه تعالي جرب الكورولا في مقابلة التويوتاوية .
الكورولا دي امرها فعلا عجيب اليوم اللي بعنا فيه اللانسر بالنهار كنا محتارين بين السيفيك والجيتا وفجأة ابويا قال هانجيب كورولا وروحنا اشتريناها واستلمناها بليل .
ربنا يباركلك فيها واهلا بيك وسط منتدي تويوتا كلنا والله متشرفين بأنضمام حضرتك لينا.
وكده بقي عندنا في المنتدي 2 من كبار اعضاء المنتدي استاذ سبعاوي واستاذ كريم منير.:3mla:
بس ياريت حضرتك متنساش تقييم العربية لأن فيه ناس كتيرة بتسأل عليه.
ألف مبروك يا باشمهندس...ربنا يجعلها وش السعد عليك و على أسرتك و أحبابك :)
طبعاً مش هانوصيك بقى على منتدى تويوتا...حاكم انت عارف الجو مكهرب هنا :)
ألف مبروك مرة أخرى:)
ألف ألف مبروك يا باشا ربنا يبارك لك فيها ويكفيك شرها وتستخدمها فى الخير دايما إن شاء الله وتكون فاتحة خير عليك بإذن الله
وعقبال المرسيدس إن شاء الله
الف مبروك يا بشمهندس
ربنا يبارك لك فيها ويفكيك شرها يارب
الف مبروك عليك يا سبعاوي باشا
أهلاً بيك فى منتدى تويوتا وان شاء الله تحضر مقابلة تويوتا اللى جايه معانا
ربنا يبارك ليك فيها ويديك خيرها ويكفيك شرها
الف الف مبروك ياباشا وربنا يديك خيرها و يكفيك شرها
وعقبال ماتخويها ب تويوتا يارس صغننا
الف مبروك وربنا يديك خيرها ويكفيك شرها
يا باشا أنت تدخل نادي تويوتا من غير أذن ده شرف لينا أننا احنا اللي نبقي معاك :biggrin2:
عموما ألف مبروك و يارب يحفظها لك من كل سوء :ask::ask::ask:
و ياريت بقي تشرفنا في مقابلة المنتدي التويوتاوية القادمة بأذن الله علشان نسمع رأيك في الكورولا الجديدة و نستمتع بالحديث و المناقشة معاك :3mla:
يا باشا تنور و تبارك , و انا داخل المنتدى بقول قسم تويوتا منور ليه , بس خش برجلك اليمين :Oc_sun1[1]:
الف مبروك على العربية
مبارك يا بشمهندس سبعاوي :)
اختيارك للتويوتا دي حاجة ترفع من أسهمها:verygood:
منتظرين التقييمات والمقارنات الجامدة
الف الف مبروك يا استاذ سبعاوى .. ان شاء الله ربنا يديك خيرها و يكفيك شرها ..
و دة شرف لينا ان حضرتك تنضملنا هنا ..
قولنا بقة .. ايه نقاط تفوقها على السيفيك فى نظرك ؟؟:colsmil:
ألف مبروك يا سبعاوي
وربنا يجعلها وش السعد عليك :)
ألف ألف مبروك يا باشمهندس
يعنى توقعاتتنا و توصياتنا جت ف الجون .... :-))))))
ربنا يديك خيرها و يكفيك شرها
هى مش نقط تفوق بقدر ما هى نقط مناسبة لى، يعنى ممكن نفس النقط تكون مش مناسبة للآخرين
1- ارتفاع الكورولا عن الأرض انسب لى لأن مشاويرى تتضمن مطبات واراضى فيها عالى وواطى
2-قعدة الكورولا انسب لى لأنها مرتفعة عن الأرض وتجعل رأسى فى مستوى زجاج السيارة وتشعرنى باننى مرتفع عمن حولى، بعكس قعدة السيفيك الأقرب الى فكرة الشيزلونج والتى تناسب طوال القامة ولكنها لا تناسبنى
3- الكورولا ذات تواجد مستمر فى مصر منذ الثمانينات ومافيش موديل منها غاب عن السوق المصرى مما خلق حالة عامة من القبول لها فى اعادة البيع او ما يعرف شعبيا باسم (ورقة البوسطة) بكل موديلاتها
4-الجير بوكس الأوتوماتيكى الخاص بالكورولا انعم فى غياراته من جيربوكس السيفيك
5-السيفيك لا يوجد بها وسيلة سهلة لاخراج عصا الجيربوكس من الوضع p بعد سحب المفاتح من الكونتاكت، وهو امر مطلوب جدا فى مصر فى ظل ثقافة الصف الثانى المنتشرة فى بلدنا
6- احساس اكثر منه تجربة ان الكورولا اسهل فى الصيانة، وه برضه نظرا لتاريخها الطويل فى مصر وتاريخ تويوتا ايجبت الطويل فى خدمة العملاء
7- الكورولا متوافرة حاليا 2010 فى حين ان السيفيك المتوافرة 2009
دى كانت الأسباب الأساسية لحسم الاختيارات لصالح الكورولا من وجهة نظرى
ألف مليون مبروك ربنا يعطيك خيرها و يكفيك شرها
اولا الف مبروك .. ثانيا ادينى رأيك ضرورى .. انا مقيم فى السعودية وهشترى عربية ومحتار بين العربيتين اللى انت ركبتهم .. الصنى كلاسيك اليابانى يعنى الشكل القديم .. مش الجديد الكورى اللى شبه الاوكتافيا من قدام .. ولا كورولا اتوماتيك برضو فتيس عادى زي بتاعتك .. مع العلم ان الفرق فى السعر حوالى 10000 ريال .. طبعا بتكلم زيرو .. ولو حد عاوز ال 128 بتاعتى اللى فى مصر مرفوعة 12 سنة بركبها شهر فى السنة بس وكنت شاريها من واحد رافعها برضو .. مو 83 مش راشة ولا برة ولا جوة !!!! .. المهم خلينا بس فى الصنى ولا الكورولا مع العلم انها مستقبلا هتبقى عربية مصر يعن هجمركها
الف مبروك يا سبعاوي
ربنا يباركلك فيها ويكفيك شرها
بس كده انت دخلت في فئة الناجحين في المجتمع ....... فاهمني انت ولا نسيت مبادئك القديمه :)
الف مبروك و مستنيين التقييم المبدئى بما عرفناه من اسلوبك المميز......
ألف مبروك يا تويوتاويه إنضمام سبعاوى ليكم
والاستاذ الكبير سبعاوى الف الف مبروك و ربنا يباركلك فيها.
ألف مبروك يا أستاذ سبعاوى
اختيارك موفق بإذن الله تعالى
ونرجو قراءة تقييماتك المميزة لهذه السيارة
وطالعنا دائما بما هو جديد
الف مبروك يابشمهندس
ومبروك على قسم تويوتا
الف مبروك خالد بك
ربنا يباركلك فيها ويكفيك شرها
توقعى كان فى محله ....
العربية ممتازة لدى صديق لى جربتها فى مشاور الى الاسكندربة ذهاب وعودة اتوماتيك (الجير العادى) يتميز بنعومة ممتازة
العربية قمة فى الروعة والاداء والثبات والنعومة وخاصة سلاسة التوجيه الكهربائى الناعم جدا فى الركن
ياريت تكلمنا على بعض التفاصيل العربية وكيل ولا خليجى - الثمن - اللون- انطباعك -..... الخ
الف مبروك عليك ... ورقة البوسطة
الف مبروك يا باشمهندس
:3mla:
منسيتهوش ولا حاجة ، لكن هو لو قارنت سعر السيارة بسعر مثيلاتها من الماركات المقابلة من نفس البلد (سعر التوكيل سواء للكورولا او لمثيلاتها)
هتلاقى ان الكورولا ب 145 ألف، اللانسر شارك اوتوماتيك بنفس فئة الكماليات ب 140 ألف، سيفيك نفس فئة الكماليات ب 150 ألف، سوبارو امبريزا نفس فئة الكماليات ب 144 ألف، وبالتالى فأن فكرة ان هناك نقودا تدفعها فط لحيازة شئ يحمل علامة تويوتا لكى تثبت انك ناجح فى الحياه غير قائم حاليا نظرا للمنافسة الشرسة التى تلقاها السيارة من هوندا سيفيك تحديدا، وعلى ذلك فمن الممتع ان تكون ناحجا فى الحياه دون ان تدفع 20 ألف جنيه ثمنا لذلك كما هو الحال حاليا، وللا ايه رأيك؟
استاذ سبعاوي بالنسبة للفتيس يه اخباره معاك لاني اعرف واحد كان يشتريها لكن جاب سيفيك
بالرغم من عشقه وعشق والده للكورولا بسبب مشاكل الفتيس وان سعر اعادة بيعها بقت قليلة بسسب الموضوع دا
ألف ألف مبروك يا أستاذ سبعاوى ..
و إن شاء الله تكون وش السعد عليك ..
و يديك خيرها و يكفيك شرها
تم نقل مشاركتك كموضوع مستقل في البيع و الشراء
مشرف عام .4
الف مليون مبروك يا بشمهندس سبعاوي ... أحسنت الاختيار والله الكورولا عربية اكتر من ممتازه طول عمرها
ربنا يباركلك فيها ويديك خيرها ويكفيك شرها
الف مبروك ياباشمهندس سبعاوى
ياريت تحكى انطباعاتك عن التقفيل الجنوب افريقى
Congratulations , waiting for an expert report
الفتيس اللى كان عليه تعليقات من البعض هوالفتيس ال mmt ، وهو كان الخيار الوحيد المتاح فى موديلات 2008 و 2009 بالإضافة للفتيس اليدوى طبعا، لكن مع طرح موديلات 2010 تم طرح الفتيس الاوتوماتيك التقليدى كخيار ثالث، يعن انت لو بتشترى النهاردة لديك الخيار بين مانيوال واتوماتيك وmmt
وانا فضلت الاوتوماتيك العادى برغم انه اغلى الثلاثة ، لكن لأننى افضل البعد عن المغامرات قدر الاستطاعة فى مسألة شراء سياة
نقطة اخرى يا ابا السباع...... عرفنا اسبابك لتفضيل الكورولا على السيفيك..... لكن ما هى اسبابك لتفضيل الكورولا على الاوكتافيا؟
بصراحه انا لسه عند رأيي في ان اسعار الياباني في مصر مبالغ فيها جدا
مش معنى ان المنافسين اسعارهم زادت ان الكورولا بقت بسعرها الحقيقي
طيب بغض النظر عن فكره الفتيس الاتوماتيك بص على فيات لينيا وشوف الكماليات والسعر دلوقتي هتلاقي كماليات أعلى بكتيير وبفرق سعر 35 الف جنيه (لينيا تربو جميع الكماليات) ... بص على الميجان اللي ب 145 وقارن الكماليات ... بص على الجيتا اول فئة ب 150 تقريبا وقارن .........
انا مش بشكك في اختيارك للكورولا :b4_388:..... بالعكس انا عندي رأي انها من اقوى واريح اللعربيات في فئتها ........ بس لو على سعرها ... لسه برضه مبالغ فيه
ألف ألف ألف مبروك
ربنا يكفيك شرها ويملهالك بركة وتكون فتحة خير عليك وعلى الأسرة
على فكرة يبدو وانك وقعت فى حب اليابانى واه منهذا الحب
أعرف والد صديق لى لم ولن يركب الا اليابانى لأقتناعه التام بأن اليابانى هوالجميل السهل الممتنع وليس الأوربى الجميل ولكن معقد تكاليفا وصيانه
والله العظيم فرحتلك كأنى انا اللى أشترتها
والف مبروك لمنتدى التويوتــــــــــــــــــ ــــــــــــــــا لأنضمام الking سبعاوى لكم