ميجان ولا اوكتافيا a5

**pampino** · 07-11-2007 04:01 PM

لو سمحتم ياجماعة عاوز اعرف انة احسن فى كل شى بين الميجان والاكتافيا a5 من حيث الاداء او الشد وكمان اى سيارة فيهم استيبل اكتر وثابتة على الطريق مع السرعات العالية وكمان من حيث المتانة والتحمل والشياكة لان انا بفكر فى واحدة منهم لان تقريبا هما متقاربين فى الاسعار ولكم جزيل الشكر

**Hesham A.Megid** · 07-11-2007 04:12 PM

ال Octavia فئه اعلي و اكبر من ال Megane و مينفعش يتقارنوا ببعض.

و بخصوص موضوع الاسعار، هما مش متاقربين من بعض خالص!! أعلي فئه في ال Megane ب 149000 و أعلي فئه في ال Octavia ب 230000!!!

أعتقد انه أوقع ان حضرتك تقارن ال Megane بال A4 مش ال A5

**pampino** · 07-11-2007 05:50 PM

اولا شكرا على ردك استاذ هشام بس انا بقارن بين الميجان اعلى فئه وال اوكتافيا اول فئه فى ال A5

**Hesham A.Megid** · 07-11-2007 06:48 PM

أنا رأيي اني اشتري أعلي فئه في عربيه أحسن من ما اشتري بنفس السعر اقل فئه في عربيه تانيه حتي لو كانت احسن. يعني انا لو مكانك هشتري ال Megane مع اني مقتنع ان ال A5 احسن و اشيك.

**د.محمود صلاح** · 07-11-2007 08:09 PM

الأوكتافيا سوقها أوفر حظا من الميجان فى المستعمل

**Heshaam** · 08-11-2007 03:48 AM

المشاركة الأصلية كتبت بواسطة Hesham A.Megid

أنا رأيي اني اشتري أعلي فئه في عربيه أحسن من ما اشتري بنفس السعر اقل فئه في عربيه تانيه حتي لو كانت احسن. يعني انا لو مكانك هشتري ال Megane ...........

مع ملاحظة إن موتور الa5 غير متناسب مع حجمها - من وجهة نظري.

**hazem_khidr** · 08-11-2007 04:23 AM

المشاركة الأصلية كتبت بواسطة Heshaam

المشاركة الأصلية كتبت بواسطة Hesham A.Megid

أنا رأيي اني اشتري أعلي فئه في عربيه أحسن من ما اشتري بنفس السعر اقل فئه في عربيه تانيه حتي لو كانت احسن. يعني انا لو مكانك هشتري ال Megane ...........

مع ملاحظة إن موتور الa5 غير متناسب مع حجمها - من وجهة نظري.

+1
لو عاوز عربيه برستيج و ستايل جامد يبقي الميجان مع تحمل غلاء قطع الغيار المبالغ فيه.
لو عاوز عربيه كويسه مش وحشه و من وحي الماني يبقي السكودا و مش حتخسر كتيرفي بيعها لكنها مش بنفس التميز بتاع الميجان اطلاقا.

**pampino** · 08-11-2007 04:41 AM

الف شكرا لكم يا اخوانى على مشاركتكم الممتعة وياريت لو استاذ شاركى يشاركنى براية وشكرا

**Sharky** · 08-11-2007 09:45 AM

أنا رأى الشخصى ميجان للأسباب الأتية:

1-الميجان مظهرها الخارجى شيك عن الأوكتافيا اللى شكلها الخارجى ماتغيرش كتير عن الموديل السابق. (نقطة للميجان)
2-الأوبشنز فى الميجان أعلى من الأوكتافيا الفئة الاولى و الإتنين بنفس السعر تقريبا. (نقطة للميجان)
3- توكيل الرينو من أفضل التوكيلات فى مصر بينما السكودا أسمع إن التوكيل مش كويس. (نقطة للميجان)
4- أسعار قطع الغيار للإتنين تقريبا متقاربة لإن أسعار الأوربى غالى .
5-الأوكتافيا أنا سوقتها لقيت سحبها ضعيف جدا بالمقارن بالميجان للأسباب الأتية: (نقطة للميجان)
1- الأوكتافيا موتور MPI اللى هو 1600 سى سى 102 حصان - مقابل الميجان 1600 سى سى 115 حصان و كمان صاج الأوكتافيا ووزنها أعلى من الميجان فدا مخلى العربية سحبها وحش عكس الميجان اللى متفوقها عليها فى النقطة دى.

6- سعر إعادة بيع الأوكتافيا مش عالى قوى لكن أعلى من الميجان . (نقطة للأوكتافيا )
7- المساحة الداخلية للميجان أوسع من الأوكتافيا . (نقطة للميجان)
8- مساحة الشنطة للأوكتافيا أوسع من الميجان . (نقطة للاوكتافيا)
9- الميجان واخدة 5 درجات فى EuroNacp مقابل 4 درجات للأوكتافيا فى الأمان (نقطة لصالح الميجان)

من الاخر رأى الشخصى ميـــــــــــــــجان

-

الموضوع: ميجان ولا اوكتافيا a5

LinkBack

أدوات الموضوع

عرض

-

-

-

-

-

المواضيع المتشابهه

اوكتافيا a4 ولا ميجان 2 ولا لانسر المكواه

سوباروا امبريزا 2006 ولا رينو ميجان 2006 ولا اوكتافيا a4 2003 يعني في حدود ال60 الف؟

معايا اوكتافيا a4 وعايز اجيب ميجان 2008 هندم لو جيبتها

ميجان ii ام اوكتافيا a4

ميجان ---- اوكتافيا a4 --- كلاكيت اخر مرة

الكلمات الدلالية لهذا الموضوع

المفضلات

المفضلات

ضوابط المشاركة