أخدت مخالفة بحوالي 450 جنيه...حاجة تكسف!!

**ashraf229** · 30-09-2009 12:08 PM

لا أعتقد ان الموضوع ده يتنفذ في مصر..........

و ساعة ما يتعمل كل ظبط شرطه راكب عربيته هيعيش في دور انه شرطه سرية و ابئى قابلني لو عرفت تمشي جنب عربيته أو وراها......

اهم حاجة ان الشرطه تفهم انها مش مالكة لنا و لشؤون حياتنا و الأمر الناهي و الجلاد للناس لأ دي مسؤوليتها تطمنهم و ترد الحقوق و تحفظ الأمن و الأرواح .........ده حتى أسمها قوات الأمن (جاية من الأمان اللي بتحس بيه بمجرد مرورك قدام القسم أو و انته داخل لجنة).........

و يجعله عامر...........

**yse** · 30-09-2009 12:26 PM

والله كل اللي اقدر اقولوا إنك ضحية النظام المروري اللي في مصر

بس أوعى تتعود على النظام بتاع هناك

أيوه .... علشان حضرتك هترجع مصر إن شاء الله فالنظام اللي هتتعلمه مش هينفع حضرتك فقضيها لغاية ماتنزل مصر أم الدنيا

**ashraf229** · 04-10-2009 08:43 AM

ما تقلقش.........

لو البحر خلي منه السمك.........المصري لا يمكن تخلى منه جينات السواقة المصرية

امبارح وقفوني تاني بس المرة دي فورد كراون فكتوريا سرية برضه بس الحمد لله شاف الرخص بس و كشف عليها عالكمبيوتر و مشاني

مش عارف مستقصدني ليه مع اني والله سواقتي هادية و بأحترم القوانين

محدش بيأخد غير نصيبه

و عظيمة يا مصر يا أرض اللواء...........

**mahmoud_magdy** · 04-10-2009 01:43 PM

النظام
ثم النظام
ثم النظام
بلدنا ناقصها نظام
واحترام للنظام

**zizomsk** · 04-10-2009 02:09 PM

صدقوني الحكومة لو عايزة تضبط المرور زي برة هتضبطة
( فاكرين ايام الحزام )
بس هما مصالحهم هتضر مثلا
1- السادة ضباط السرطة مش هيعرفو يبلطجو ولا قرايبهم
2- اغلبية اصحاب الميكروباص يعملون في الشرطة
3- استرزاق البعض منهم من المخالفات

الخ الخ
ولو حد مننا حب يسوق بالاصول هيستعبطوة او يتريقوا علية
المشكلة مشكلة نظام محترم قادر علي تطبيق القانون بالعدل
وللاسف غير موجود

**AhmedGen2** · 04-10-2009 03:09 PM

يعنى ايه تجاوز من اليمين يا خوانا؟ محدش قالنا عليه واحنا بنطلع رخصة يعنى d: ... مثلا طريق 5 حارات وانا فى التالتة وقدامى عربية عاوز أتجوزها ... أدى اشارة شمال أخش فى الحارة الرابعة وأدوس؟ ... طيب مثلا فيه على بعد 1 كيلو أنا داخل يمين ... أخش فى الرابعة وادوس واتجاوز العربية بعدين اكسر يمين ولا ايه؟.

**aymansaad** · 04-10-2009 05:04 PM

طريق السويس النقل اصلا ماشى فى الشمال عشان مطبات الهواء وطبعا التخطى لو عايز يبقى من اليمين ولو عجبك

**elwad_crazy** · 04-10-2009 05:29 PM

طريق السويس النقل اصلا ماشى فى الشمال عشان مطبات الهواء وطبعا التخطى لو عايز يبقى من اليمين ولو عجبك

طريق السويس ده طريق المعجزات والله

انا ماشى وراجع بتنا لقيت عربيه بتعدينى وهيه على سقفها :d
والحمدلله خلانى انزل فى الرمله

**ashraf229** · 05-10-2009 09:35 AM

اتفق معاكم في كل اللي بتقولوه بشده.......

الالتزام المروري في مصر محتاج ارادة و رغبة في التغيير من الجميع و أحسن مثال ذكرتوه فعلا هوه الحزام و ازاي الناس نزلت جري تركبه في عربياتهم القديمة و وصل سعره كام ساعتها و كذلك المثلث و الشنطه و ازاي برضه كل الناس كانت مرعوبة و عايزة تشتريهم...و كام مرة اتضريت تتكلم في الموبيل في سماعة لأنهم مشددين اليومين دول و لا غيرت رأيك و ما ركنتش صف تاني لأنك عارف ان الحته دي أو الشارع ده كل خمس دقايق نش بيعدي و بيخالفوا كل غلطان

و ما أكتر الأمثلة و الأسباب

و فعلا الضباط و الأمناء خاصة من اهم مستفيدين من وجود الفوضى و مافيا الميكروباصات...سبوبة لوز اللوز.......و العياذ بالله

**ashraf229** · 05-10-2009 09:41 AM

المشاركة الأصلية كتبت بواسطة ahmedgen2

يعنى ايه تجاوز من اليمين يا خوانا؟ محدش قالنا عليه واحنا بنطلع رخصة يعنى d: ... مثلا طريق 5 حارات وانا فى التالتة وقدامى عربية عاوز أتجوزها ... أدى اشارة شمال أخش فى الحارة الرابعة وأدوس؟ ... طيب مثلا فيه على بعد 1 كيلو أنا داخل يمين ... أخش فى الرابعة وادوس واتجاوز العربية بعدين اكسر يمين ولا ايه؟.

يعني هيه دي الحاجة الوحيدة اللي ما قالوهاش و انته بتطلع رخصة!!!!هما أصلا قالوا حاجة عن أداب أو قواعد المرور!!!

الموضوع بأختصار انه الحارات متقسمة حسب السرعة و الأولوية من الشمال أسرع حاجة و اليمين أبطأ حاجة مخصصة كمان للنقل التقيل و المتوسط و لذلك لما تكون داخل عالحارة الشمال لازم تدي أشارة و تبص في المراية الى أن يعطيك القادم السماح بالدخول أمامه لأنها حارة ذات سرعة أعلى من حارتك الحالية و في حالة لا قدر الله خبطه تعتبر انته الغلطان لأن هوه ليه الأولوية في المرور لأن سرعته أعلى و لو هوه داخل العكس من الشمال نازل عليك يمين لازم تسمحله بالدخول فورا لأنك لو عطلته ممكن يتسبب في حادث لأن اللي جاي وراه أكيد مسرع أكتر منه

و فكرتني بيافطه عاملها المرور في طريق المطار.......بتقول

سق بذوق........أو لا تسق