عرض للطباعة
شباب المشكله عندى فى اكورد 85 اتوماتيك هيا انى غيرت قواعد الموتور كلها جديده واصليه بما فيها قاعده الفتيس وبعدين عملت اصلاح للفتيس الاتوماتيك
المشكله فين؟
بعد الاصلاح الفتيس بينقل كويس وعلى 2.5 ار بى ام لكن مع كل غيار بحس بنطه فى العربيه ساعات تكون هاديه وساعات تكون شديده
ومش قادر احدد المشكله فى الفتيس ولا فى القواعد ولا فى ايه
ممكن تكون المشكلة من طقم الدبرايج بتاع العربية او ما يوازيه لو مكنش فيه حاجة كدة بالنسبة للاتوماتيك و عموما اصبر لحد ما مهندس سمير عياد يرد عليك
ياريت تقول لنا ايه اللى تم فى اصلاح الفتيس،
النطة دى لها كذا سبب، ممكن يكون فلتر زيت الجير عايز يتغير لو السيارة مزودة بواحد، وممطن يكون فيه سدد بسيط فى مجارى قاعدة البلوف (فالف بودى)وممكن تكون بلوف السولينويد محتاجة تتغير، لذلك كل ده لازم يتراجع بواسطة متخصص فتيسات
بالأضافه للكلام الطيب اللى أشار بيه أخونا
المهندس : خالد
عندى ملحوظه بسيطه كده أتمنى تراجع عليها
واضح أن الفتيس عندك تقريبا (التحكم فيه لايتم ألكترونيا ).....لأن العربيه موديل 85
non-ECT transmission
ومعروف فى هذا النوع أن ضغط عملية الخنق لبوابة الكربوراتير (فى المحركات التقليديه )
أو بوابة جسم الخانق فى محركات الحقن الألكترونى
عليها عامل كبير فى تحديد نقاط النقل (نظرا لعدم تواجد كمبيوتر خاص بالفتيس لتحديد نقاط النقل كا النوع الألكترونى )
والعنصر الذى يتحكم فى تحديد ضغط الخانق
هو واير الأكسراتير
وبما أنك كنت بتعمل صيانه لللفتيس
علشان كده من رأيى ....أنك تشوف مركز خدمه كويس
وتخليه يعيد رجلاش وضع واير الكسراتير (زى الكتاب مابيقول )
طبعا ده بالأضافه الى ضبط سرعة السلانسيه ومنسوب الزيت للأوضاع المناسبه لعمل الفتيس الأوتو (كجانب وقائى آخر )
عند ابويا بس راحت لما غير الفغتيس خالص
الشكر كل الشكر لمن شارك بالردود النافعه عسى ربنا يجعله فى ميزان حسناتكم
انا هارجع لفنى الفتيسات لانه اذكر كان جاب سيرة حاجه فى البادى فالف وفى نفس الوقت هاعيد على رجلاش الاكسراتير بس السؤال مين مركز خدمه ممكن يعملهولى انا بصراحه ما عنديش خبرة بالمراكز فهل من الممكن المشاركه باسماء للمراكز
وشكرا
ده عنوان واحد (زميل فى الدايو بيشكر فيه )
اقتباس:
بص فى واحد أسمه مجدى أتوماتيك فى شارع أحمد سعيد قدام السنترال أنا متعملتش معاه شخصيا بس أبن عمى معاه هوندا سيفيك 93 وبيتعامل معاه وبيشكر فيه وبيقول انه عمرله الفتيس كله 700 جنيه
رأيي المتواضع أني غالبا ده بيكون حساس الأوتوماتيك و ده علي حد علمي