السلام عليكم و رحمة الله....

كل عام و حضراتكم بخير, بقالي كتير معملتش موضوعات جديده في قسم التعديلات, علشان كده حبيت أنزل إنهارده بموضوع جديد يقدر يستفيد منه كل متصفحي القسم المحترم.

موضوعنا بإختصار هيكون بإذن الله طرح لنماذج لمختلف لأنواع العربيات المنتشره في مصر ونشوف إيه التعديلات إلي أصحابها أجروها عليها من حيث الشكل الخارجي " Exteriors " و الداخلي " Interiors " يعني موضوعنا موجه لكل هواة التعديل في الشكل " Modification" وليس التعديل في الأداء" Tuning " لأن ده ليه محترفيه و لازم الطرح فيه يكون بناء عن علم و ليس للإفتاء أو السمع.

موضوعنا متاح للمشاركة من جميع الأعضاء بطرح صور لنماذج فعليه سواء لتجاربهم مع عربياتهم الشخصيه أو أفكار جديده قابلة للتنفيذ.

أنا عارف إن الموضوع كبير " تعديل فوانيس / وشغل فايبر / وفرش داخلي" لكن على قد ما نقدر هنساعد بعض علشان نقدر نوصل المعلومه و الفكره المطروحه للمستفيد قدر الإمكان.

بسم الله تبدأ الطرح