أسعار من توكيل ماروتي طازة

**kimo_cat** · 29-09-2009 04:04 PM

السلام عليكم ورحمة الله و بركاته
و بعد

بعتذر يا جماعة على غيابي عن المنتدى لأني كنت مسافر فترة العيد وكل سنه و انتم طيبين، وحبيت احكي لكم عن تجربتي بالسفر بالماروتي لأني أول مرة اسافر بيها.
الحمد لله مسخنتش ولا حاجه زي ما ناس بتقول ، من البيت للبيت كان 200 كيلو بالظبط ومريحناش في الطريق و لا حاجه وكنا 3 في العربية والكرسي الرابع تانيه وحاطط علية الشنط، بس طبعا مكنتش بزود في السرعه عن 80 لأني لسه في التليين
العداد دلوقت عامل1360 كيلو
النهاردة اتصلت بالتوكيل علشان صيانة الألف و كمان اركب انزار وسنتر وقالوا لى الاسعار دي
سنتر وانذار بالتركيب 635 جنيه
فرش 330 حنيه
غطا 132 جنيه
الصيانة الخاصة بالألف كيلو بيتغير زيت وفلتر وهمه بيستخدموا زيت موبيل خمسة الاف او عشرة الاف ده اختياري
الفلتر 50 جنيه
موبيل ون 10 الاف 225 جنيه
موبيل اكس اتش بي خمس الاف 140 جنيه
طبعا لما سألت انى عايز اشتري الانذار من بره رفض وقالى مينفعش
سألت لو ركبته بره قالى لو مبوظش حاجه مفيش مشكله انما لو حصل مشكله العربيه تخرج ضمان

ياريت تقولوا لى ايه رأيكم اجازف واركب بره ولا لأ ، وايه ممكن يبوظ من التركيب بره.
لأن ناس كتير بتقولى ان دي اسعار مبالغ فيها جدا جدا جدا

مع خالص الشكر
م/ كمال

**m7nsh** · 29-09-2009 10:07 PM

مبالغ فيها بشكل خرافى يا كيموووووو
سنتر و انذار بالتركيب بادئ من 250 بس قول 300 وشويه للشغل النضيف
شوف ايه نظامك و اتوكل على الله ,,
بس سيبك انت ,,وحشتنا ياراجل ,, علالله تكون سفريه حلوه و اتبسطت فيها ;)

**kimo_cat** · 30-09-2009 12:54 PM

الف شكر يا حبيبي ربنا يبارك لك
انتم كمان وحشتوني والحمد لله كانت سفريه كويسه غير اني تعبت هناك شويه
تقريبا قروا عليه علشان العربية هههههههههههههه
بس الحمد لله انا دلوقت احسن

صحيح مقلتليش ايه ممكن يبوظ أثناء تركيب الإنزار والسنتر؟