بسم الله الرحمن الرحيم
الإخوة الفضلاء:
هل يمكن استبدال موتور هوندا أكورد موديل 82 بموتور آخر حديث ؟؟؟
وهل هذه العملية مضمونة وسليمة أم أن هناك مخاطر ؟؟
والسلام عليكم ورحمة الله وبركاته
عرض للطباعة
بسم الله الرحمن الرحيم
الإخوة الفضلاء:
هل يمكن استبدال موتور هوندا أكورد موديل 82 بموتور آخر حديث ؟؟؟
وهل هذه العملية مضمونة وسليمة أم أن هناك مخاطر ؟؟
والسلام عليكم ورحمة الله وبركاته
بص ياسيدي الفاضل
موتور الهوندا الاكورد ال 82 فعلا موتور مش كويس و الفتيس كمان مش كويس
لان الموتور ال 1600 ال 8 صباب ضعيف قوي عالعربية دي ووزنها
و الفتيس الهاف ماتيك كمان اللي هوة بيطلع عالتالت و لازم تجيب الاول و التاني يدويا من السيليكتور بال * و ال L
الأحسن انك تجيب موتور هوندا اكورد أحدث و بيركب بالضبط عالعربية
موتور الاكورد 84 و 85 بيبقى 1829 سي سي و 12 صباب و منة بعضهم بيبقى 16 صباب بتاع الاكورد ال EXR الكوبية (كان معايا واحدة لمدة 9 سنين و لسة بايعها من شهر)
او موتور الاكورد ال 86 ل 89 A15A بيبقى 2000 سي سي 16 صباب موتور برضة قوي و فعال
و في الحالتين الموتور تجيبة بفتيسة الفول ماتيك
بس فية مواتير من دي بتنزل بكاربراتير كبير فية 16 خطوم ابانص بيشتغلوا على علبة توزيع بتبقى في صدر العربية الجواني مش حاتلاقية في عربيتك, أبقى شيل الكاربراتير دة و ركب كاربراتير عربيتك القديم
بس لو تعرف ميكانيكي يقدر يشغللك الكاربراتير دة بدون علبة التوزيع دي يبقى احسن بكتير, لانك حاتشوف الموتور بعزمة و قوتة الحقيقية لأان الكاربراتير القديم حايققل سحب الموتور دة
ممكن تشغيلة بواسطة ميكيانيكي محترف يلغي و يقفل الخراطيم بتاعه تثبيت السرعه و الحساسات و يسيب بس خراطيب سحب الهواء و البيكات العادية
و مافيش مشكلة في ترخيص المواتير دي عالعربية في المرور لأنها في الاخر هوندا برضة و مش فارقة
شوف اللينك دة عن مواتير الهوندا الاكورد بأنواعها وموديلالتها مواصفاتها و قواتها المختلفة و موضح كود كل موتور
http://www.answers.com/topic/honda-a-engine
شوف دي كمان
http://en.wikipedia.org/wiki/Honda_Accord
بسم الله الرحمن الرحيم
الأخ الفاضل / أدهم
شكرا جزيلا على هذه المعلومات الهامة ...
ولكن ماذا عن استبدال موتور موديل 82 بموتور حديث من 2000 فما فوق، مع فتيس اوتوماتيك ... هل هذه العملية ممكنة أم لا ؟؟؟ وهل يوجد مشاكل في ترخيص السيارة حينها ؟؟
والسلام عليكم ورحمة الله وبركاته
بصراحه على ما أعتقد ان بعد موديلات 89 و طالع في موديلات التسعينات ةو الألفينات الموضوع مش حايبقى سهل, بس محتاج ميكانيكي كويس و ينزل بورسعيد معاك و يشوف المواتير الموجودة و يراجع عالعربية القواعد و المسافات بينها و تشتري وتركب
بس علشان تبقى عارف قطع غيار الهوندا الاكورد بعد 89 و طالع غالية جدا جدا نـــــــــــــــــــــار و مش متوفرة بسهولة في السوق و حاتروح التوكيل في بعض القطع لو موديلات عالية بعد 99
لكن انا رأيي ان موتور 84 او 85 او حتى 88 حايديك قوة كويسة قوي و و كمالياتة تمام و فتيسة تمام و حايعالج كل العيوب اللي بتعاني منها في موتور ال 82 و برضة قطع الغيار حاتلاقيها عند توشكي وسمير و على عبدالرحيم و قورة و التونسي و البخاري و في الرخيص جدا
و خللي بالك ان الفتيس الاوتوماتيك الحديث قوي مش حاينفع علشان بياخد اشارات من الكونترول يونيت بتاعه العربية في الاوفر درايف فية حساسات يبقى مش حاينفع على عربيتك
وجع قلب تعديلات الكبالن و القواعد و الكاربراتير سهل و مقدور علية, بس موضوع فتيس باخد لقطة كهرباء مش حاينفع
و لو عربيتك اصلا مش اوتوماتيك يبقى بلاش تعدل, و لو هي اصلا اوتوماتيك يبقى ركب فيها الفتيس الاوتوماتيم و بلاش تعدل لمانيوال, علشان الدواسات و الكونسول و المؤشر بتاع النقلات في التابلوة كذلك