ان شاء الله حنلاقى طرق زى دى فى مصر بس سنه 2900م
عرض للطباعة
ان شاء الله حنلاقى طرق زى دى فى مصر بس سنه 2900م
ايه يا بسكوته انتي نسيتي ان عندنا طريق الكباش في الكرنك في الاقصر ...... لما يرقصو على رموش عينيهم مايعرفوش يجيبو زيه
تعيش مصر حرة مستقلة ...... ويعيش السمك في الماء
http://img169.imageshack.us/img169/940/81221313.jpg
الله ينور عليك ..... البرنامج ده انا شوفته وكان هو السبب في اني اعمل الموضوع ده .....
العربيات بتاعت المرور على الطريق رهيبة .... كلها اودي ومرسيدس وبي ام .... علشان تعرف تواجه السرعات الجبارة دي
محمد يا شامي ...... مع اني باحبك ...... لكن انت كدة ح تخليني أقر عليك واحسدك .....:B4_444:
ياراجل تبقى سايق جولف 4 ... وعلى اوتوبان المانيا الموحدة .... ومافيش صور:majd(4): .... ده لو كنت انا كان زماني متصور دشليون صورة
بس فيه وجه تشابه برضة
في مصر لو عملت اي حادثة بتلاقي برضه واحد طلعلك .... بس مش من الراديو ... ده واحد امين شرطة وصلحووووووو .... ويفاوضك انه ياخد 100 بندق ومايعملكش محضر اتلاف منشئات الطريق وفي نفس اللحظة يكون زميلة لف من الناحية التانية ويسرق الموبايل او اي شيء ذو قيمة .... يعني يقلب عيشه وهو ورزقه بقى
الطريق ده عاملى هسهس من زمان , وكل ما اسمع كلمه اوتوبان احس بتشنجات و ضيق فى التنفس
لو حد متابع برنامج Best Motoring الحلقه الاخيره كان فيه حته كدا لأتنين بيشدو على الطريق مع بعض , واحد بنيسان GT-R والتانى ببورشه 911 Carrera وكانت تجيب الضغط
وده فيديو تانى لفيفث جير فى اختبار Brabus Rocket
YouTube - Fifth Gear Mercedes-Benz CLS - Brabus Rocket
وده فيديو لجيريمى كلاركسون فى اختبار Porsche 911
YouTube - Porsche 911 Turbo - Top Speed
تحذير هام : الفيديوهات دى تحتوى على ماده تعقيديه شديده الخطوره , اى حاله انهيار عصبى او بكاء شديد انا مش مسئول عنها , و لنا الله
تسلم ايدك يا استاذ احمد على المعلومات القيمه
عندك حق يا استاذ أحمد ازاي ميصورش ولا صورة للطريق
انا الصراحه لو مكانه أقلها كنت خدت صورة وأنا نايم على اسفلت طريق الأوتو بان أبو 70 سم سُمك دة :majd(4):
وعلقتها في صالون بيتنا بالحجم الطبيعي
ربنا يسامحك بقى ياعم احمد بموضوعاتك اللي تعقد دي ، دة الواحد لسه موهوم بموضوع نيوزيلاندا
والله الكاميرا ماكانت بتفارقني خلال ال3 اسابيع اللي قضيتهم هناك ومخلص بتاع 4 -5 افلام
بس متعرفش الواحد لما كان بيتفرج على الجولف الكوبية كان في حالة تنويم مغناطيسي
وبعدين الراجل صاحب المعرض لما وافق على تجربة القيادة انا نسيت كل حاجة ورحت ناطت في العربية
على فكرة الفيديو بتاع الموتسكل ده انا شوفت واحد زيه على الطبيعة
واحنا طالعين من هانوفر على براونشفايج عمى عنده جولف فارينت وماشي بيها 180
والاقي واحد بموتوسيكل ....طاير بمعنى الكلمة والله مالحقت اعرف نوع الموتوسيكل ايه
بس عمى قالي ان نسبة حوادث الموتوسيكلات مرتفعة و الوفيات كثيرة جدا
أخر ما سمعته انه سوف يتم تحديد السرعات على الأوتوبان تدريجيا
من اسبوع ولا حاجة كان فى حلقة عن autoban على قناة nat geo
اولا الانقاذ علية عن طريق هليكوبتر مجهزة وبمجرد الابلاغ الطائرة بتتحرك
كمية المعدات والالات المجهزة لصيانة الطريق !! ..
الاصلاح مش بيحفر ويفتح بطن الطريق فى الشارع وبعدين يبقى يسفلت حين ميسرة لأ عربية الحفر فى الاول واللى وراها عليها الردم واللى وراها بتصلح واللى وراها بتردم واللى وراها بتسفلت وفى الاخر عربية عليها قرص كبير وفية نور بيتحرك علشان ينبهك للحارة اللى المفروض تنقل عليها لأن الحارة دى معطلة !! .. العربيات دى كلها صف ورا بعض وماشيين بالتدريج .. يعنى الطريق ولا كأن حصل فية حاجة !!
غير شاشات الكترونية عملاقة لتحديد السرعة حسب ظروف الطريق .. زحمة , حادثة , ............. بيحدد السرعة حسب الحالة ولما المشكلة تتحل بترجع تفتح تانى
نظام صرف المية !! .. بدون مبالغة يتقال علية اشعار !! .. ولا كأن بتعمل صرف شقة
الطريق كلة مصمم على شكل قوس خفيف علشان المية مش تتجمع فى النص وعلى حرف االطريق فية مجرى فى بطول الطريق , المجرى دى واصل فيها مواسير بتوصل لخزانات مية تحت الطريق والخزانات دى توصل لنهر او مكان لصرف المية !
الراجل وهو بيتكلم بيقول سر عدم تشقق اسفلت اوتوبان نظام صرف المية ! دة غير طبقة الخرسانة تحت الاسفلت .............
حاجة تعقد :S
تسجيل عياط..
موضوع شيق وممتاز نتمنى اننا نشوف مصر كده فى يوم من الايام وتبقى احلى وصور رائعه وجميله نتمنى منك مواضيع احلى كمان....
إيه التعقيد ده
ليه يا أستاذ أحمد تعمل فينا كده...ده كلنا هنا بنحبك
ينفع أروح أجرب الفيرنا هناك..و لا الردار ياخدني مخالفة سرعة أقل من المسموح بيها..أو ممكن يخلوني أمشي في حارة النقل الثقيل:stink[1]:
شكراً يا حاج أحمد على الموضوع الهايل ده:vctry:
الحارات يا جماعة .. بالمسطرة.