فحصت وعاينت وهذه النتيجة برجاء المشاركة

**amro1965** · 29-09-2009 11:57 PM

السلام عليكم ورحمه الله وبركاته
اتمنى مشاركتى الرأى اليوم فحصت سيارة ريجاتا نوفا موديل 90 مواصفاتنا طبقا للمعاينه الاتى
فابريقة دواخل وخوارج
دهان الخارجى جيد جدا
فرش الصالون فرشها الاصلى
التكيف حسب قول صاحب السيارة محتاج شحن فقط
الاكصدامات حالتها جيدة جدا
طابلوه السيارة حالته ممتازة لانه الجميع بيشكو من الطبلوه خاصته بهذه السيارة
الاحتياجات المطلوبه كالاتى
جوز مساعدين امامى فقط
جوز كاوتش خلفى فقط رغم ان الموجودين يمشوا الحال
وش مصابيح خلقى شمال فقط
الكاسيت ممتاز
الابواب والزجاج والقوايم جيدة جدا
درجه الاهتمام بالسيارة جيدة جدا من قبل صاحبها
رخصه السيارة فيها حوالى سنه ونصف
حاله الماتور بالنسبه لمعاينتى حوالى 70 فى المائه
السعر المطلوب من قبل صاحبها هو 25500 جنيه
المبلغ الذى طرحته انا 23000 جنيه ثم رفعته الى 24000 جنيه الا ان صاحبه رفض البيع
سؤالى للاعضاء المنتدى الذين لهم خبرة بالسوق الحالى
هل سعرى الذى عرضته معقول ام مرتفع ام انى قليل على سيارة بهذه الامكانيات
اتمنى مشاركتى فى مداخلتى وطرح خبرات الاعضاء

**M.FOUAD** · 30-09-2009 12:07 AM

كفاية اوي 24 لو شركة برة فعلا لان اكثر من كدة هتخش في اسعار الشاهين
بس اتفق معاة يشحنلك التكييف و تاخدة شغال لان لو طلع فية مشاكل بيكلف شوية

**Abody1985** · 30-09-2009 03:44 AM

زي ما فؤاد بيقول باللظبط وخلي بالك من حوار التكييف فعلا وبلاش تزود عشان كده كفاية اووووووي

**zezo13178** · 30-09-2009 07:08 AM

اعمل حسابك انها تقف عليك بعد المصاريف ب 25
بالمناسبه لو عربيه ريجاتا سليمه اوي حتقرب من الشاهين في الاسعار فعلا ونادرا انك تلاقي ريجاتا بالحاله الممتازه دي بحكم الموديل طبعا

**zezo13178** · 30-09-2009 07:10 AM

قبل ماتاخد العربيه حاول توديها لحد بتاع تكيف يكون ثقه يكشف عليها ويقولك فيه ايه بالظبط

**amro1965** · 30-09-2009 09:02 AM

هى بصراحه العربيه فابريقة برة وجوة وهو ده اللى شددنى اليها لانه نادر لما تلاقى سيارة حالته كويسه جدابالاضافه ان الشاهين علشان تأخذ سيارة حالته كويسه جدا وموديل 93 الى 95 هتدخل فى 30 الى 33 على الاقلثانيا انا بجد سيارات معلنه عن سيارات 131 موديل 82 حالتها جيده جدا طالبين 22 الى 24 الف جنيههذه الاشياء نتيجه بحثى المتواصل لشراء سيارة فابريقة واللى خلانى رفعت السعر الى 24 الف جنيه رأى عضو فى هذا المنتدى ان مش مشكله ارفع 1000 جنيه عن سعر السوق بشرط الحاله العامه للسيارة وهذه السيارة فابريقة دواخل وخوارج فرشها فرش الفابريقة ومتحافظ عليه ومش متهان حتى الدهان الخارجى برضه فابريقة ومتحافظ عليه ولا يوجد أى بارومه فى اى جزء من الشنطه أو الحوض اما مكان السيارة مكان راقى لحد ما ان دل يدل على ان السيارة ذهاب واياب طريقها كويس ملحوظه شوفتها امبارحبالنسبه للسيارة من تحت الماتور والريداتير شاهدت قطعه صاج سمك 2 ملى عرض 60 فى 40 سم كانها شايلة او محافظه على الماتور والريداتير من اشياء ممكن تخبط او تصيب أى جزء من اجزاء الحوص مش عارف ايههو قالى محافظه وحمايه اتمنى من الخبراء اخبارى ماذا تعنى هذه القطعه

**tarekmomo** · 30-09-2009 01:49 PM

24000 الف حلو اوى تلاقية لما لقاك رفعت من 23 الف ل24 الف طمع وقالك لما ارفض هيرجع تانى تلاقية بيتقل عليك

**ZALABANY** · 30-09-2009 01:53 PM

سعر حلو جدا بس إكشف على التكييف زي ما الاخوه قالو

**kh_talaat** · 30-09-2009 02:05 PM

السعر معقول جدا

بس زي ما قال معظم الأعضاء اكشف على التكييف ولو طلع محتاج شحن فقط يبقى اتكل على الله واشتريها

لأن ممكن يكون الكومبريسور بايظ أو التلاجه الداخليه بتسرب والحاجات دي هيبقى مصاريفها كتير

**amro1965** · 30-09-2009 04:17 PM

بس صاحب السيارة رافض 24000 الف جنيه لدرجه انى قلت له خلى الكارت الخاص بتاعى اللى فيه ارقام تليفونى وموبيلى معاك لو فكرت تبيع انا جهاز لاكنه رفض الاحتفاظ بالكارت 0علشان كده انا حبيت تكونى معايا بالمشورة وشكرا لمداخلاتكم