عاوز اشترى اكسينت 1300

**shshtawy** · 30-09-2009 01:37 AM

بس انا معايا اونو ونفسى اجيب اكسينت ونفسى الاعضاء يفيدونى بمعلومات عنها افضل موديلات فيها اسعارها فى السوق كل حاجه ياريت عنها معلش انا اسف هو طلب تقيل بس ياريت الى يعرف حاجه عنها يفيدنى بيها

**S.Moustafa** · 30-09-2009 08:35 PM

العربية ممتازة و أدخل على سيت www.contactcars.com هتلاقى عربيات مستعملة أكسنت 1300 كتير و الكويس المستعمل منها سعرة يراوح ما بين 53000 >>54000

**shshtawy** · 04-10-2009 10:48 PM

يابشا انا بال 54 اجيب لوجان زيرو
ثم الاكسينت اول منزلت كانت جديده من معرضها ب54
ازاى تبقى مستعمل بالتمن ده

**M.FOUAD** · 04-10-2009 11:14 PM

افضل موديلات في الاكسنت 98 و 99 لانها التقفيل الكوري بس مش هتحس بفرق في الموديلات الاعلى
ال1500 انجيكشن و ال1300 كاربراتير
الاسعار بتبدا من 32 ل 1300 موديل 98 و بتوصل ل 45 في2006 طبعا بافتراض الحالة السليمة
العربية اعتمادية جدا قطع غيارها رخيصة عيبها انها ضيقة و واطية شوية ثباتها مفيش و صاجها ضعيف

**shshtawy** · 04-10-2009 11:30 PM

الف شكر يا فؤاد باشا
بس انا معايا اونو وعاوز اجيب اكسينت حضرتك رايك ايه مع ان عربيتى مشاء الله ثابته جدا ومبحسش فيها انى جايب سرعه عاليه غير لما ابص فى العداد ومشاء الله بجيب بيها 160 على الصحراوى
ياريت حضرتك تفيدنى

**M.FOUAD** · 05-10-2009 12:04 AM

المشاركة الأصلية كتبت بواسطة shshtawy

الف شكر يا فؤاد باشا
بس انا معايا اونو وعاوز اجيب اكسينت حضرتك رايك ايه مع ان عربيتى مشاء الله ثابته جدا ومبحسش فيها انى جايب سرعه عاليه غير لما ابص فى العداد ومشاء الله بجيب بيها 160 على الصحراوى
ياريت حضرتك تفيدنى

الاكسنت اعلى من الاونو في الشكل و السحب و تكييفها قوي جدا
بالنسبة للثبات فالاكسنت بتتعدل انك تجيب مساعدين زيت ورا بتنشف العربية ورا و تجيب جنط اعرض
بس ملحوظة ان مواتير الاكسنت عمرها قليل يعني ممكن 200-250 الف اخرة و بعد كدة تعمل طقم شنبر اما الاونو فاعتقد بتعيش اكثر

**S.Moustafa** · 05-10-2009 03:00 PM

مين قال ان الاكسنت موديل 2006 45000 ألف ده كلام غلط خالص موديل 2006 ممكن تصفصف على 50000 أو 51000 ألف و ده فى العربيات اللى حالتها كويسة بس و ثباتها تقريباً زى الفرنا و ممكن بتعديلات يبقى ثبتها كويس و متورها سحبه حلو و ما فيش حاجه اسمها آخره 250 أف كيلو دخ كلام غلط و بالنسبة للوجان 56000 فاضية خالص ما فيهاش باور و لا تكييف و لا حاجة خالص و لكن الاكسنت فيها تكييف و الاكسنت كانت نزلة ب 57000 تقريباً على أواخر 2005 .

**m0do88888** · 03-11-2009 12:25 PM

الاكسنت فعلا من 2005 و 2006 بتعمل من 50 الف ل 55 اما بقا موديلات 98 و 99 الكوري بيعمل من 35 ل 42 والاكسنت فعلا عربيه محترمه اوي وناعمه ومش ناشفه ولا حاجه

**S.Moustafa** · 03-11-2009 02:29 PM

للبيع اكسينت 1300cc موديل 2006 و ليست نيو اكسينت سنتر و تكييف و بطارية جديدة جافة و فرش جلد غير فرش الفبريكة . ماشية 36000 كم . بالاسكندرية .

**mtc** · 01-12-2009 09:19 PM

اولا السلام عليكم
ربنا يكرمك بأكسنت تكون نظيفه الحمد لله انا لسه شاري عربيه موديل 2001 بجد والحمد لله ممتازه بسي تأني في الاختيار والسعر للعربيه البره والجوه ونظيفه من 40الي 45وذلك للسيارات حتي 2003 وعندي معلومه ان الاكسنت حتي 2003 افضل من 2004الي2005 وذلك لوجود مشريفين من شركه هونداي الكوريه هنا بمصر والله واعلم وربنا يكرمك