الموضوع: Megane....Everything else is HISTORY

روعة يا باشا تسلم ايدك و معلش يا هاني بخصوص ال Firefox احنا مستنيينك يا باشا لأن الموضوع ده طال انتظاره ..

انا العربية دي بيزداد حبي ليها يوم عن يوم

تسلم ايدك على الموضوع

ايه الجمال ده..دي مقالة تتحط على الويكي بيديا..اول على الأقل رينو لازم to honor الموضوع ده

هي دي الإعلانات مش "العربية دي بتمشي على الحيط"

YouTube - Top Gear - Alfa Romeo 166 - BBC

الفيديو ده فى كل الكمات اللى ممكن أوصف بيها تجربتى مع الميجان
شكرا يا Jeremy ...إنت قلت إللى أنا نفسى أقوله عن الميجان ( ولو إنه فى عربية تانية )

الكلمتين إللى هو قالهم فى الفترة من 3:30 إلى 3:50 هما دول إللى أنا كنت بأفكر فيهم إمبارح و أنا قاعد فى العربية ( فى وضع الانتظار ) فى الميرغنى...و العربيات عمالة تيجى و تطلع من حولى...من أفيو للانسر لأوبترا لتريوس ل C-Class

They all bought the wrong car ..!!

كل ده ليه ؟؟؟....
الإجابة...لازم عودة بالزمن للعام 2002 ....عام الخير على رينو....عندما أطلقت ال Avantime .... إللى هى الأب الروحى لكل ما تلاها من لاجونا لميجان لكليو ل Vel Satis ...كلهم ورثوا منها حاجة....لمزيد من التفاصيل حول ال Avantime برجاء مراجعة المشاركة رقم 6 من الموضوع تقـــريــر عن سيـــارات رينـــــو الحاليــــة

ده غير التفاصيل الصغيرة التى تدل على إهتمام الصانع بأدق التفاصيل مما يجعل من الصعب تصديق إنه لم يهتم بكل صغيرة و كبيرة فى الأمور الهامة...

من الأمثلة العديدة للتفاصيل
شكل أزرار التحكم فى الكاسيت

هذه النقاط الثلاثة البارزة لتسهيل الوصول للمكان المرغوب فيه على الزر دون الحاجة للنظر طويلا...يعنى أنا من كتر ما اتعودت عليه...أصبحت عارف مكان ال function على الزرار ..كل إللى محتاجه أبص نظرة واحدة لتحديد مكان الزرار...حاجو مشابهة لتلك العلامتين البارزتين على ال Keyboard على الزرارين اللى عليهم حرف ال F و حرف ال J ...

و بنفس الفكرة تم عمل زر التحكم فى التكييف...لكن بدل النقاط البارزة...تم عمل مساحة غائرة



انظر للشكل المقابل فى سيارة منافسة من الدرجة الأولى ال C4 ..


و لو رحنا للألمانى زى ال A5 مثلا

هنلاقى المعتاد ...فتحات تكييف تحتها شاشة تعمل بطريقة تماثل ماكينات ال ATM من خلال الأزرار على جانب الشاشة





مش زى الميجان إللى مقسمة كل مجموعة وظائف فى شاشة تخصها...و كل شاشة لها تصميم يناسب الوظيفة المنوطة بها

التأكد من إغلاق الأبواب و الحقيبة الخلفية و فتحة السقف ...و ضغط الإطارات و ال integrated Parking sensor ...



الساعة..درجة الحرارة الخارجية....و ظائف ال Audio System ...




التكييف فقط


و لا حتى المنظر عند سيتروين أحسن...كل الوظائف فى أزرار ملاصقة لبعضها كما لو إنها Keyboard فعليا...



مين عنده HandBrake بالمنظر ده ؟؟....و عصا الفتيس بالبساطة و الأناقة معا ...



حتى سيتروين و إن كانت جميلة...لكنها لا تجمع البساطة و الأناقة...وهو ما يحتاج إلى جهد أكبر...



شكل الباب...و ذراع التحكم فى المرايا الجانبية





أما عند ال A5





إللى أحب أنتهز بالمناسبة أذم فى غبائه...أنا اضطررت أستعمله و كرهت نفسى و حمدت ربنا على ذكاءه فى الميجان...ليه بيخلوه لفوق و تحت بدل يمين و شمال إذا كانت المرايات فعلا يمين و شمال ...ده غير إن التكات أثناء الحركة مش محسوسة ..ما تبقاش عارف إنت اتحركت لليمين و لا لسه...ساعتها فهمت ليه فى الميجان ناشف شوية غير باقى العربية

مادام مالهمش فى ال knobs بيعملوها ليه ؟؟..يخلوهم زى باقى العربيات من أمثال الأسترا و الميجان III حتى..مجرد أزرار....


فاكرين الكارت إللى كانت ال Concept بتاعت سنة 1988 مش بتدور غير بيه ؟؟؟
رجع تانى....بأبهى صورة..و سبقت كل المنافسات فى نفس الفئة


و أحب أنتهز الفرصة و أقول إن الكارت ب 1700 فقط جنيه فى التوكيل ..مش بالأرقام الخرافية إللى سمعناها كتير قبل كده...و هو زيه زى أى مفتاح بريموت كنترول...كل الموضوع إن شكله على هيئة كارت بدل البتاعة المكببة إللى فى باقى العربيات

YouTube - Hotel

ده غير الزوايا الدقيقة الجمالية من الخارج زى مثلا نقطة التقاء ركن الفانوس الخلفى مع خط التصميم على شكل هرم مقلوب ...و إن مساحات المعدن و الزجاج متناسبة مع بعضها غير سيتروين اإلتى تفرط فى مساحات الزجاج ليأتى شكلها العام غير مألوفا ( تانى...نقطة البساطة مع الجمال )..و أيضا حليات الاكصدام تأتى لتضفى نوعا من الدعم المرئى لشكل الخلفية الكبيرة

الحقيقة إن رينو تفوقت على سيتروين فى نقطة الجمع بين الاستعمال العملى فى الحياة اليومية و الجمال مع الميجان تحديدا...فسيتروين تستعمل كل يوم...لكنها تتميز بالتصميم الأخاذ جدا لدرجة أن البعض قد يشعر بالخجل إذا رآه أحد بداخل سيارة تحمل كل تلك المساحات الزجاجية و الخطوط الغير مألوفة...إنما الميجان تتميز بالجمال الهادىء و الذى يستحق التأمل مرة بعد مرة لإدراكه ( ليس من أول نظرة يمكن لأحد أن يلاحظ كل مواصفات الجمال للميجان )...و الذكاء الشديد فى أدق التفاصيل كما ذكرنا سابقا لكى تناسب واقع عملى...

الفانوس لا يظهر بعلاقة مع باقى السيارة...مما اضطر المصمم لعمل هذا الخط الذى يذهب من الرفرف إلى الأرض لكى يشكل معنى ما مع منتصف الفانوس






ال C3 التى سوف تطلق فى نوفمبر القادم...بالتأكيد ليست فى هدوء الصورة التالية و لا راحتها للعين

لمزيد من النواحى الجمالية يرجى مراجعة موضوع
ســـر حب مالكى الميــــجان لهـذه السيــارة

تنوعت الأشكال الخارجية للميجان II كثيرا..من هاتشباك 3 باب إلى ال Estate
و كذلك المحركات من ال 1.4 إلى ال 2.0 بشاحن تربو قوة 225 حصان
و كذلك الحال بالنسبة ل Phase I و Phase II ...فقد حدث تغيييرات طفيفة عام 2006 من تغيير لشكل ال Brake Caliber و الشبكة و الفوانيس الأمامية و الفوانيس الخلفية و إضاءة التابلوه التى تحولت إلى الأبيض عوضا عن البرتقالى

فى الأسطر التالية سوف نستعرض أشكال الميجان II المختلفة
[CENTER]

السيدان ph1 و تظهر باللون الشامبين...لم يظهر هذا اللون غير فى موديلات ال ph2 فى مصر



من الخلف



الهاتشباك ال 3 باب و ال 5 باب


ال Estate



النسخة المكشوفة CC ..


Megane RS PhI....later named "GT" for the 5 -door version of Ph II



RS








Phase II

موضوعك حلو