مدى فاعلية performance chip

**MoMohsen** · 30-09-2009 02:57 AM

انا كنت بشوف التعديلات اللى ممكن تتعمل على النوبيرا و لقيت على النت ناس بتبيع PERFORMANCE CHIP و عمالين يقولو فيها شعر و انها بتوفر فى استهلاك البنزين و بتزود حوالى 50-75 حصان و اللى انا مش مصدقه طبعا...فهل يا ترى حد جرب PERFORMANCE CHIP فى اى عربيه و حس فعلا بفرق زى ما بيقولوا.
ودة اللينك للـ PERFORMANCE CHIP

**Moe86** · 30-09-2009 04:48 AM

ما أعرفش حد جربها فى مصر خالص.
ياريت لو فى يقولنا

**MMamdouh** · 30-09-2009 02:15 PM

مفيش حاجة فى الدنيا ممكن تزود 75 حصان و تبقى علبة 5 سنتى فى 5 سنتى... الزيادة دى ميقدرش عليها الا تربو او NOS

MMamdouh

**MoMohsen** · 30-09-2009 03:01 PM

طب هل يا ترى كل الانواع من performance chip ملهاش فايدة. ولا فيه فعلا انواع مضمونه و بتدى حتى عدد احصنه قليل مع توفير استهلاك البنزين

**MMamdouh** · 30-09-2009 04:50 PM

المشاركة الأصلية كتبت بواسطة MoMohsen

طب هل يا ترى كل الانواع من performance chip ملهاش فايدة. ولا فيه فعلا انواع مضمونه و بتدى حتى عدد احصنه قليل مع توفير استهلاك البنزين

الحاجتين دول ميركبوش على بعض خالص

الزيادة فى القدرة بتيجى من حرق وقود اكتر... بالتالى الموضوع حياثر على الاستهلاك بالسلب و العكس صحيح

عادتا كلمة performance chip بتتقال على شوية مقاومات شغلتها انها تضحك على الكونترول و تقولة ان الهوا اللى داخل للمكنة بارد جدا بالتالى الكونترول يزود كمية البنزين اللى داخلة للمكنة... الفكرة ان لما دة بيحصل حساس الشكمان بيحس ان المزيج غنى بزيادة و يقلل كمية البنزين تانى... الظريف فى القصة ان المقاومة دى بتتباع باسعار خيالية فى حين انها مقاومة بشلن من عند النخيلى... انا شوفت واحدة عند مول الفرسان ب 750 جنية

اللى بيفرق فعلا هى الecu remap او الchip اللى بتركب مكان الchip الاصلية فى الecu... و حتى دول مش حيدوا فرق 70 حصان ولا الكلام الفارغ دة كلة

MMamdouh

**MMamdouh** · 30-09-2009 05:13 PM

الدايو مينفعش فيها الكلام دة لان الchip اللى عليها الfuel maps مبتتفكش من الECU ولا يمكن تعديل الmaps اللى عليها

الحل انك تستعمل حاجة زى الSMT7 و برضةم ش حتوصللارقام الكبيرة اللى بيتقال عليها (70 او 75 حصان زيادة)

MMamdouh