انا صوت للابيزا بس صعب اوي تلاقي عربية بحالة سليمة
بس انا لو هجيب ممكن اكسنت 1300 موديل قديم شوية او اكسيل 1500 في رانج الفلوس اللي معاك و هتلاقي فيهم بسهولة حالات ممتازة و قطع الغيار رخيصة
از تزود شوية 3-4 الاف و تجيب لانوس 1 و دية احسن واحدة فيهم
انا صوت للابيزا بس صعب اوي تلاقي عربية بحالة سليمة
بس انا لو هجيب ممكن اكسنت 1300 موديل قديم شوية او اكسيل 1500 في رانج الفلوس اللي معاك و هتلاقي فيهم بسهولة حالات ممتازة و قطع الغيار رخيصة
از تزود شوية 3-4 الاف و تجيب لانوس 1 و دية احسن واحدة فيهم
ابيزا جامدة جداااا
الفوانيس قدام جديد تايواني او استيراد اصلي مستعمل = 150 جنيه
فانوس اشارة امامي تايواني = 30
تيل فرامل أسباني امامي = 120 جنيه
سير كاتينة ايطالي =60 مغيره علي 50 الف والبوش الألماني =90 وبيتغير من 60 ل 70 الف
بلي عجل خلفي الماني = 55
بلي عجل أمامي = تقريبا 65 او 75 لأني ما غيرتهوش بس كنت سألت عنه
بلية شداد كاتينة ومنها انواع ودي اللي غالية فعلا ليه مش عارف الماني = 275 و كندي =250 وصيني = 160
طقم دبرياج كامل فاليو أسباني جديد أصلي = 550
رادياتير استيراد = 200 جنيه
ربع أمامي كامل استيراد بحالة الزيرو = 1500
فانوس خلفي استيراد اسباني أصلي بحالته = 100
4 باب كاملين بزجاجهم وبمكن زجاج كهرباء و بفرشهم و بكل حاجه + زراير تشغيل الزجاج الكهرباء بالفيش كل ده أصلي استيراد بحالة ممتازة = 1100 الي 1200 حسب شطارتك في الشراء
شوف حضرتك عايز ايه تاني وانا تحت أمرك كل دي أسعار حقيقية وانا شاري بيها
والله الموفق
أخويا معاه لانوس 2 بقالها 8 سنوات وزميل ليا معاه لانوس 1 وأخر معاه أكسنت 1500 موديل 98
بصراحة وبكل وضوح السيارات الثلاثة دول لسه لم يصلو ال 200 الف كيلو وحالتهم بقت سيئة لحد ما انا معايا الإبيزا 244 الف كيلو وبفضل الله أحسنهم حالا رغم انها بتتعامل أسوء منهم من حيث الجري والشد وما الي ذلك لكن الاكسيل بقه ؟؟؟؟؟؟؟؟ كفاية كده
وربنا يوفق الجميع
عن تجربة للكورسا عربية محترمة جدا و مشاكلها قليلة موديلات 94-97
و لحد دلوات العربية ما اشتكتش منها بصراحة
هوه ليه محدش جاب سيرة السويفت اعتقد انها في الرينج ده واعتقد بردو انها حلوة ياريت ارائكم
انا بدور على هاتشباك مش سيدان
البولو افضل بكتيرررررررررررر من كل اللى مكتوب
وانا معايا بولو بسم الله ماشاء الله عليها طالما حتحافظ عليها او حتشتريها استعمال نظيف
وقطع غيارها اسعارها متوسطة وقريبة من اسعار قطع غيار الايبزا
يعنى بردو تيل فرامل اسبانى بجيبه من 110 لغاية 120 والبوجيهات ب50 وفلتر هوا 35 وفلتر بنزين 60 وجبت قبل كدا ترموستات بتاعت حرارة ب90 اسبانى وتيش بتاع عصاية الفتيس لانه كان بيهرب منى فى النقلات ب40 جنية وجبت سير دينامو ب50 يعنى قطع غيارها متوسطة ومعمرة بردوا وبتقدر تحمل عليها
وبعدين اقتصادية فى البنزين وثباتها احسن من الايبزا والكورسا
غير ان شكلها احلى