الموضوع: ارجو الافادة ضرورى ......رينو كليو 1.4 2001

بسم الله الرحمن الرحيم
كنت سافرت لمدة شهرين و رجعت وجدت سيارتى الرينو كليو 1400 سى سى موديل 2001 لا تدور فكانت المشكلة فى البطارية
فغيرت البطارية بأخرى جديدة جا
عندما كنت اسير بها شممت رائحة شياط و وجدت بعدها لمبة البطارية قد أضأت فتوقت على جانب الطريق و لم تدور بعدها تماما
فجئت بميكانيكى فقال لى ان المشكلة هى سير الكتينة و الافضل هو ان تصلحها فى التوكيل
فتوكلت على الله و اتصلت بالتوكيل فى العبور لتحديد ميعاد و حددت الميعاد بالفعل اليوم و سألت على سعر السير فكان حوالى 650 جنيه بدون مصاريف التركيب (لا حول ولا قوة إلا بالله العلى العظيم ) و ذهبت بالسيارة على ونش (خاص برينو سيرفيس لهف 220 جنيه)
و تركت السيارة عندهم فى انتظار مكالمة هاتفية ليخبرونى بتحليل المشكلة و البدء فى الاصلاح

- فكلمنى مهندس من هناك ليخبرنى ان المفتاح لا يعمل و يتطلب تغييره قبل عملية الكشف
- فقلت له انى اعلم ان المفتاح لا يعمل فى بعض الاوقات و لكن عند الضغط على مفتاح السنتر مع التدوير يعمل بدون اى مشاكل
- كلمنى مرة اخرى ليخبرنى انه لا يمكنه البدء بالكشف الا عند وجود مفتاح جديد و هو متواجد فى التوكيل و يكافنى ---------1100جنيه مصرى فقط ----------
- فكان ردى انى لا استطيع دفع هذا المبلغ مع اصلاح السيارة فى نفس الوقت نظرا لأنى كنت سأقوم بأكثر من شىء ضرورى للسيارة مثل الفرامل و الدبرياج
- و إقترحت عليه ان يقوم بفك و الاغاء الإمبوليزر من السيارة كحل حالى للمشكلة
- فأخبرنى انه سأل المهندس المختص و ان المهندس رفض هذه الفكرة و قال انها لا تصلح

فهل هناك من حل
اجيرونى اجاركم الله

بسم الله الرحمن الرحيم
دلوقتى انا كلمت التوكيل قاللى ان العربية مفيهاش كبس موتور (بيقرأ على عداد الكبس صفر)
و لازم بنسبة 90% يتعملها عمرة
و مقايسة تحديد العمرة 400 جنيه و العمرة نفسها تتراوح ما بين 6-10 الاف جنيه مصرى!!!!!!!!!!!!!!
طبعا قولتيله لأ انا هاجى اخدها
بس انا مش مقتنع بحكاية العمرة دى
لأن من 6 أشهر كانت فى مشكلة فى الرادياتير فالعربية كانت بتسخن جدا و للأسف متحلتش الا بعد فترة كبيرة
فهل ممكن تكون المشكلة بسبب السخونة المفرطة التى تعرضت لها السيارة لمسافة كبيرة على فترات كبيرة
لأنى مع وجود مشكلة السخونة مشيت بالعربية 3 أشهر الى ان حلت المشكلة
ارجوا المساعدة افادكم الله