ازاى أروح مدينة السادات من المنصورة مواصلات

**dr_baby** · 06-10-2009 03:59 AM

بجد مش عارفة أشكرك ازاى على كل دا
بص أنا فهمت قصدك رغم انى ماكنتش بحب الجغرافيا أوى
أنا أصلا من مدينة تانية فى الدقهلية مركز تانى يعنى وطبعا ماعندناش سيارات مباشرة لطنطا ف هأضطر أروح المنصورة(1/2 ساعة تقريبا أو يزيد)ومنها طنطا-شبين- السادات فلك أن تتخيل المعاناة اللى هعانيها لكن لو كان الطريق التانى دا ينفع عندنا القاهرة مباشرة يعنى مش هنزل من السيارة الا فى القاهرة(بعد أقل من 3ساعات)يعنى لاهنزل ولا أطلع وطبعا لو ينفع أخد مترو ثم تاكسى أعتقد هتكون أهون ولكن واضح ان بناء على كلامك انه مش ينفع خالص
ربنا يسهل أنا هنتظر أخر الأخبار وهروح الاسبوع الجاى ان شاء الله
جزاكم الله خيرا

**dr_baby** · 07-10-2009 01:38 AM

قالولى فيه ميكروباصات فى رمسيس بتودى اسكندرية الصحراوى ومن هناك أخد مواصلة للسادات
هل دا صحيح؟
وفيه بديل تانى انى أنزل فى عبود ومن هناك هلاقى اتوبيسات لمدينة السادات
هل هناك فعلا اتوبيسات للسادات؟
معلش على التطويل فى الموضوع لكننى مش بسافر لوحدى المسافات دى ومضطرة لكدا فعايزة الطريق الأيسر
وجزاكم الله خيرا

**pro_samir** · 07-10-2009 04:32 AM

بخصوص وجود عربيات السادات فى عبود معنديش فكرة بس انتي كنتي بتقولي انها موجودة فى المظلات ودي مش بعيدة عن عبود ، يعني ممكن تنزلي تركبي حاجة للمظلات لو هيا أكيد موجودة

بس انتي كدة بتاخدي طريق رأس الرجاء الصالح ، يعني المنصورة القاهرة لوحدها تقريبا 260 كم وبعدين من الزراعي للصحراوي وبعدين 90 كم كمان لحد السادات !

لكن المنصورة طنطا 55 كم + طنطا شبين 25 كم + شبين السادات 60 كم

طريق رأس الرجاء 330 كم ، الطريق التاني 140 كم فقط

الأسهل زي ما قلتلك تركبي المنصورة شبين علشان توفري النزول فى طنطا والتنقل بين الموقفين

وربنا يعينك

**dr_baby** · 07-10-2009 10:34 PM

اخر كلام وصلنى انى أروح من المنصورة المحلة ومن هناك أتوبيس بيروحdirect للسادات بس الساعة 7الاربع وميعاده فى العودة على 12
يعنى أصلى الفجر وأتوكل دا لو هروح من الاتجاه دا اذن الخلاصة هو أفضل طريق طريق شبين
المفروض السؤال بتاعى دا يتعمل عليه بحث ويسموه (طرق الوصول لمدينة السادات من المنصورة)
الله يمهد لك طريقك مستر محمد