أضخم سيارة إسعاف في العالم

**memoz** · 01-10-2009 06:25 AM

دبي تتسلّم أضخم و اطول سيّارة إسعاف في العالم
مركز خدمات الإسعاف في دبي قام بتنفيذ أضخم و أطول سيارة اسعاف في العالم
هذه السياره العملاقه تكفي ل 44 مصاباً وتضم غرفاً للعمليات والعناية المركزة وأسرّة طبية وصيدلية و امكانية إجراء جراحات دقيقة ومعقدة والتوليد وعلاج الكسور،
بطول 18 مترا.

وسجلت موسوعة غينيس للارقام القياسية السيارة الجديدة، بوصفها «الاضخم عالمياً»،
و الجدير بالذكر ان السيارة الجديدة استغرق تنفيذها نحو عامين،
و الصور

و عجبي

منقول بس باسلوب مختلف

**eng.octooo** · 01-10-2009 06:30 AM

بجد دبى دى تحفة فى كل حاجة حتى عربية الاسعاف ربنا يحفظهم وفكرة هايلة جدااا انهم يعملوها كبيرة كدة علشان فى الحوادث وكدة تبقى عربية بس مش 5 عربيات

**Car's Sniper** · 01-10-2009 06:48 AM

شكرا ياميموز عالموضوع الجميل ده
ومن وجهة نظرى با eng.octooo ان العربية دى مجرد منظرة وضرب رقم قياسى(ناس معاها فلوس بقى) لكن مش عملية خالص فى الحوادث خصوصا ان حجمها كبير وبالتالى هتكون بطيئة لكن لو 5 عربيات مثلا صغيرين شوف بقى السرعة والانسيابية بتاعتهم هتبقى عاملة ازاى

**memoz** · 01-10-2009 06:53 AM

العربيه ده حلوه في الازمات لانها بتشيل 44 شخص و في غرف عمليات و رعايه لحد مصلا لما يصل الاسعاف الطائر زي اوروبا و الدول المتقدمه كده

**eng.octooo** · 01-10-2009 06:53 AM

شكرا ياميموز عالموضوع الجميل ده
ومن وجهة نظرى با eng.octooo ان العربية دى مجرد منظرة وضرب رقم قياسى(ناس معاها فلوس بقى

) لكن مش عملية خالص فى الحوادث خصوصا ان حجمها كبير وبالتالى هتكون بطيئة لكن لو 5 عربيات مثلا صغيرين شوف بقى السرعة والانسيابية بتاعتهم هتبقى عاملة ازاى

انا مع حضرتك بس لو انت شفت الطرق بتاعتهم هاتلاقى الاسفلت مفيهوش خربوش وفية حارة كبيرة للشرطة والاسعاف ممنوع ان حد يمشى او يركن فيها فدى هاتخلي العربية تمشى بدون اى مشاكل اما فى مصر مش هايلاقو مستشفى اساسا