تسعير بيجو 405 موديل 98 فبريكة برة و جوة

**atamim** · 01-10-2009 01:11 PM

السلام عليكم ورحمه الله و بركاته
انا لقيت العربية دى فحبيت اشوف رايكم قبل ما اشتريها
هو قال انها كاملة فول اوبشن

صاحب الاعلان كاتب انها فبريكة برة و جوة فسالته طيب الخدوش برة كتيرة قال لى لا دى مرشوشة نظافة

سالته انت اول ايد؟
قال لا انا تانى ايد و شاريها من كام شهر بس مش محتاجها.

قبل ما اكلمة بيوم كان كاتب فى الاعلان انها عملة 228 الف كيلو و النهاردة كنت بجيب رقم تليفونه فلقيت مش مكتوب عملة كام كيلو فقولت احتمال اخطئت او هو شال الكيلومترات من الاعلان الله اعلم

انا لسة حشوفها بس حبيت اعرف رايكم هو كاتب 45 الف قابل للتفاوض

**atamim** · 04-10-2009 09:32 AM

عاينت العربية و كانت النتيجة الاتى

انا لقيت العداد عامل 242 الف كيلو و كمان الكبل مش متركب
و ازاز البرباريز مكسور و المراية الى على الجانب الايمن مكسورة

و لقيت الرفرف القدمانى الشمال مريح شوية

و الشنطة من جوة داير ما يدور قطع من البوية مبرية فيها (او بمعنى اصح اختفت من عوامل الاستعمال) فحسيت ان العربية شقيت شويتين

هية اى وقفة على حالها بس حاسس انها شقيت

**Abo.Mayyam** · 04-10-2009 10:04 AM

بص يا باشا أهم حاجة حالة الموتور والعربية متكنش عاملة حوادث جامدة.

إنت الميكانيكى بتاعك اللى بيفهم فى البيجو قالك عليها إيه؟

لو لسة مشفهاش. يا ريت تخلي يشوفها ويقوللك رأيو.

وبالمناسبة العربية دى لو صاحبها مخدش بالو منها شوية بتتبهدل أوى.

بس لو محافظ عليها أول بأول والله بتبى فلة!

والصراحة هى عربية تحفة بجد.

حاول تخليك فى الموديلات ال GLX من 98 ل 2002 تقريبا

ده هتلاقى العربية فيها أوبشنز حلوة وإن شاء الله تلاقى حاجة مناسبة.

بالمناسبة إحنا بعنا عربيتنا من يومين كدة

**atamim** · 04-10-2009 03:39 PM

المشاركة الأصلية كتبت بواسطة mayyam

حاول تخليك فى الموديلات ال glx من 98 ل 2002 تقريبا

لا انا رحت لوحدى ابص عليها حسيت انها عربية شقت مشى و شغل بس الحالة العادة كويسة بالرغم ان اثار التعذيب واضحة عليها هههه

طيب اى بقى الحلو فى glx من 98 ل 2002

**Abo.Mayyam** · 05-10-2009 12:01 AM

المشاركة الأصلية كتبت بواسطة atamim

لا انا رحت لوحدى ابص عليها حسيت انها عربية شقت مشى و شغل بس الحالة العادة كويسة بالرغم ان اثار التعذيب واضحة عليها هههه

طيب اى بقى الحلو فى glx من 98 ل 2002

هى شوية كماليات على حد علمى

اللى أعرفوا:

سنتر
زجاج كهرباء
مخادع رأس للكنبة الخلفية
حلى نيكل خارجى عالزجاج أمامى وخلفى + جرايد بيبان عريض

والأستاذ هيرو ممكن يفيدك أكتر.

ربنا يوفقك للخير

**ashraf12345** · 05-10-2009 01:57 AM

انا عربيتى فابريكة بالكامل برستيج جميع الكامليات اتوماتيك وعامل ليها اعلان هنا وعاملة 157 الف كيلو وكتير جدا شافوها وقالولى من 46 الى 48 ومش عارف بقى هو دة سعرها ولا اييييييييية

**Abo.Mayyam** · 05-10-2009 04:50 PM

المشاركة الأصلية كتبت بواسطة ashraf12345

انا عربيتى فابريكة بالكامل برستيج جميع الكامليات اتوماتيك وعامل ليها اعلان هنا وعاملة 157 الف كيلو وكتير جدا شافوها وقالولى من 46 الى 48 ومش عارف بقى هو دة سعرها ولا اييييييييية

تمام السعر معقول جدا.

ربنا يوفقك فى بيعها إن شاء الله