مياه الرديياتير

**m.aligamal** · 01-10-2009 02:29 PM

استشاره بخصوص مياه الرداييتير انا كنت عند الميكانيكى و سالته عالميه الخضرا قلى فى الاحسن من المياه الخضرا و اوفر ليك فقلتله ايه هيا قالى ميه التكييف مكنتش فاهم طبعا قلتله ازاى قلى المياه الى بتنزل من التكييف الى فى البيوت قالى دى مياه مقطره و مضمونه استغربت و مكنتش مصدق و بالفعل انا التكييف بتاعى فى خرطوم طويل قمت حاطط فيه قزازه فاضيه و نمت و صحيت الصبح لقيتها مليانه بس قلت اسال برضه اهل الخبره فى المنتدى الكلام ده سليم ولا ايه ؟؟؟؟

**mohamedway** · 01-10-2009 02:48 PM

مياه التكييف فعلا تعتبلر مياه مقطرة و خالية من الأملاح و مش هتضر العربية و أفضل من الميه اللى ناس كتير بتحطها من الحنفيه و لكنها ليست أفضل من المياه الخضراء اللى معموله خصيصا لهذا الغرض لأن الميه الخضراء عليها إضافات لتحسين خواص التبريد و حماية أجزاء الموتور من الصدأ و كمان عليها إضافات بتخليها ما تتجمدش فى الشتاء القارص حيث درجات الحرارة بتبقه تحت الصفر (وده طبعا مش بنتعرضله فى مصر) و الميه الخضرا أساسها مياه مقطره عشان تبقه خاليه من الأملاح و لكن أين الإضافات؟
ده غير ان مية التكييف إحتمال ما تكونش نضيفه أو نضيفه بالعين المجرده و لكنها مليانه بكتيريا و عطانه و لو ركنتها شويه ممكن تلاقيها عملت كتل من البكتيريا و إسودت!!!!!

**أبو_حمزة** · 01-10-2009 02:53 PM

احسن من مية الحنفية اه عشان مفيش فيها املاح
لكن احسن من سائل التبريد ده يبقى كلام مش مضبوط
الميه نفسها من غير املاح بتسبب صدأ لكن وجود الاملاح بيسرع ده بشكل كبير جدا
اما سوائل التبريد (اللى مش مضروبة) فهى اساسا ماء مقطر و زيادة علية موانع صدأ و موانع تجمد و اضافات تعلى درجة حرارة الغليان الخ

**salehgharib** · 01-10-2009 05:24 PM

إفتكاسات مصريه
الكلام ده ممكن ينفع مع سيارة قديمة مش فارقه
أما مع العربيات الحديثة ده ما ينفعش

**Ahmad** · 02-10-2009 05:40 PM

أنا بستعمل مياة التكييف في الابيزا من 3 سنين بدون أي مشاكل الحمد لله. المياة في القربة لونها نقي زي ما هي و مفيش اثار صدأ أو املاح. بس كل فترة بزود كمية بسيطة من المياة الخضراء علي مياة التكييف.