شباب خلاصه الموضوع من غير رغي العربيه بتقطع و اول ما تسخن تتظبط و استهلاك البنزين حاسه عالي تفتكروا ايه السبب ؟ l مع العلم اني لسه منضف حساس السلانسيه النهارده للتاكيد عليه بس بردو اول ما بردت العربيه بتقطع
عرض للطباعة
شباب خلاصه الموضوع من غير رغي العربيه بتقطع و اول ما تسخن تتظبط و استهلاك البنزين حاسه عالي تفتكروا ايه السبب ؟ l مع العلم اني لسه منضف حساس السلانسيه النهارده للتاكيد عليه بس بردو اول ما بردت العربيه بتقطع
ممكن تكون بوجيهات والله اعلم
يا ريت بيانات عربيتك تكون كامله يا باشا . النوع ؟ الموديل؟ علشان الرد يبقي مظبوط
فكترا 99 1600 مانيوال
طب امتا غيرت الفلاتر؟؟؟
المشكله دي اماان تكون متعلقه با لكهرباء وحضرتك تشيك علي البطاريه والموبينه لانهم يعملوا التقطيع اللي في الاول
اوتكون متعلقه بدوره الوقود وتشوف طرمبه البنزين والفلتر والبوجيهات
ودول مثلا يبان تاثير الطرمبه في غياب الدواره برده الصبح والتقطيع-الفلتر والبوجيهات يسببوا كتمه للعربيه وارتفاع استهلاك البنزين
من الأخر و من غير وجع دماغ غير الرشاش بتاع البنزين
نفس العيب و الأعراض و انا متأكد من كلامى نيبة 100%
لو مش مصدق فك بوجية هتلاقيه مهبب خالص
انا مستعد اراهن باللى انتو عايزينه عشان انا الموال ده خد منى رقات
الرشاش و هو بارد بيبقى مخنوق عشان المغناطيس بتاعه ضعف و لما يسخن بيفتح و يبقى زى الفل و هتلاقى تنتيشة و العربية بارده كأنها بتقطع لغاية ما تسخن
الموال ده غيرت فيه بوجيهات و كابلات و نضفت الترا سونيك و عملت اللى ما يعمل لغاية ما غيرت الرشاشات
احتمال وارد يا باشا . المثل بيقول صدق العليل ولا تصدق التحاليل:36_1_40[1]:
العليل اتكلف فى القصة دى الافات و اتحلت ب 200 جنيه و ربنا ستر
بالرغم ان التحاليل قالت الرشاشات كويسه و اللى عندى ماف
هو اللي كان عندي السبب كان بوجيهات و حساس كولنت.. (اللي هي مية التبريد..) بس اكيد ممكن السبب يختلف من عربية للتانية..
ربنا يوفق يا جماعه
يكشف على الرشاش عشان دى هاف انجكشن مش فل و هيلاقيه فيه حاجة
طيب يعني رايكم ايه ابتدي بالبوجيهات و الا ادخل علي الرشاشات عدل
قولولي الخطوات اللي انا لازم اتبعها علشان الموضوع دا بجد خانقني علي الاخر خصوصا ان و العربيه بارده انا بحس اني راكب توك توك مش عربيه الماني ههههههههههههههه
بص على البوجيهات بس لاقيتها مهببه افتح صدرك و خش على الرشاش عدل من غير يمين و لا شمال
طيب انا بقالي بتاع 20 الف مغيرتش بوجيهات تفتكر بعد ال 20 الف دول المفروض يطلعوا يلمعوا و الا ايه :d
ميطلوعش اساساً دول لزقوا فى الموتور
على فكره
ngk هاتها تحفة و رخيصه و اتنين شمعه يابانى
يعني حسبه كام الموضوع دا كله انا عمال اصرف بالهبل ايه دا :s:s:s:s:s
اللى اعرفه البوجيهات 65 جنيه من وسط البلد
الرشاش ده معرفش غير ان سعره جديد ب 800 او 900 جينه استيراد فى حدود 150- 200 جنيه
انت جبت الكاوتش و لا لسه
لسه و مش هجيبه الا لما اخلص من المواضيع دي اولا و لما اخد منك الفرده التانيه هركب عليهم الكاوتش اللي عندي هوا مش في الضياع يعني لحد ما المصاريف دي تخف شويه انا بجد مدمر
ربنا يعينك يا باشا
طيب الرشاشات الاستيراد دي ماهي بردو هتبقي مستعمله و مش هعرف اكشف عليها مش كدا و الا ايه
امين يا رب احنا و انت
بتاخدها على تجربة زى ما انا عملت و بتبان على طول
إديلو الحقنه بسرع :36_1_8[1]: و الله كويس انك لقيت حد مجرب فعلا و ينصحك
هههههههههههههههاقتباس:
ميطلوعش اساساً دول لزقوا فى الموتور
جمده اوى دى
اعتقد الجى ام 2 شمعه هى احسن بوجيهات للاوبلاقتباس:
ngk هاتها تحفة و رخيصه و اتنين شمعه يابانى
و اعتقد فى حدود 160 فى التوكيل
مش متذكر اوى السعر
كنت مغيرهم من حوالى 10 شهور للاسترا فى التوكيل
فك البوجيهات اللي راكبه عندك ونظفهم كويس وركبهم تاني وامشي بالعربيه يومين علي سبيل التجربه . لو الخنقه راحت الحمد لله ويبقي الموضوع كان وساخه بوجيهات ولو عاوز ساعتها تركب طقم جديد نزاهه يعني براحتك - اما لو الخنقه رجعت تاني فك البوجيهات لو لقيتها مهببه زي الاول يبقي العيب رشاش بيسيل بنزين وبيبقي البوجيه مش لاحق يحرق كميه البنزين اللي بتوصله - وعاوز اقوللك منظومه الوقود ما ينفعش تصلح فيها حاجه وتسيب الباقي علشان تحس بالتاثير الجيد بمعني انك لو غيرت الرشاش هتغير البوجيهات وفلتر البنزين وتتاكد ان التانك نظيف وربنا ما يخسركش ان شاء الله .
ان شالله تكون حاجه بسيطه
بس يا رب يرضوا يطلعوا و جرب موضوع النضافه دى و جرب
و البوجيهات اليابانى رائعه بلا مبالغه
يامسهل و شكرا يا شباب علي الاهتمام و المتابعه
انا عندى نفس العيب ده دلوقتى البوجيهات بتعد فى العربيه بالكتير اسبوع وبعد كدا بحس انى راكب جرار زراعى ولم بفك البوجيهات عند الميكانيكى بلقي 2 منهم مهببين ولنهم اسود والالتنين التنين لونهم عادى يبقا ده انجيكشن ياريت حد يرد عليا بسرعه عشان انا اتخنقت انا عربيتى فيكترا 95 ولسه مغير الطرمبه بتاعت البنزين وال فلتر كمان والبوجيهات و الاسلاك متهياءلى مش فاضل غير الانجيكشن ياريت تردو عليا بسرعه عشان لو انجيكشن اغيره على يوم الجمعه ويريت لو حد يعرف سعره جديد واستيراد انا سالت عليه فى الحرفين الى 400 جنيه بالمصطره
و على فكرة كل اللى انت عملته ملوش اى لازمه خالص
هى للعلم بتاعت الانترا 2003 1800 او 1600
و فيه بتاعت الأكسنت الأوروبى
typ lw al pogehat msh mhabeba we el 3arabya bt2at3 we hya so5na kaman
bs al at3a ele feha btb2a fel sa7b bs zay ma ykon mafesh banzen bywsal lel makna we btro7 lma t.... bnzen we tdos tane