مسند النص ...

**Mohsabrys** · 02-10-2009 05:53 AM

كنت بدور على المسند اللي في النص بتاع الأفيو ولقيته عند السجان اللي في شارع دمشق ب 175 جنيه ده كتير ولا ايه ؟؟؟؟

**egyptianmafia** · 02-10-2009 06:54 PM

I think it is too much....

shop around......go to Tawfikya and ask there too

**أشرف العدوي** · 03-10-2009 11:44 AM

أنا جايبة بـ 40 جنيه من التوفيقية و في درج لكوباية من الامام و دوزرج لكوبايتين من الخلف و شكله حلو كله جلد اسود
و واسع من جوة

**mmtronic** · 03-10-2009 02:33 PM

يا جماعة بعد اذنكم
الراجل بيسال عن مسند النص بتاع الافيو مش اى مسند - زى الموجود فى الابترا - جلد بلون فرش العربية و يكون ماشى مع فرش العربية

الموجود فى التوفيقية- انا شفتة دا بيركب على اى عربية 128 او 127 او اى عربية قديمة - حيحلى شكلها من جوة و يضيفلها - انما العربيات الجديدة مينفعش يتحط فيها لانة شكلة حيكون غريب و مش ماشى مع الفرش و خصوصا كمان لو فية نيكل تبقى طبلت

السؤال هنا علشان نقول غالى ولا لآ

هل المسند الى عند السجان فى شارع دمشق زى ما قلت فى الاول " جلد ماشى مع الفرش و بلونة زى الابترا " و لا زى بتاع التوفيقية ؟

**أشرف العدوي** · 03-10-2009 03:51 PM

الموجود فى التوفيقية- انا شفتة دا بيركب على اى عربية 128 او 127 او اى عربية قديمة - حيحلى شكلها من جوة و يضيفلها - انما العربيات الجديدة مينفعش يتحط فيها لانة شكلة حيكون غريب و مش ماشى مع الفرش و خصوصا كمان لو فية نيكل تبقى طبلت

الي قصدي عليه كله جلد في جلد و في منه كذا لون و ما فيهوش نيكل خالص و شكله حلو و ممكن يركب في اي عربية من اول 126 لحد الافيو من غير ما يبوظ شكلها
على فكرة الي فيه نيكل أغلى تقريباً بـ 55 جنيه بس شكله زبالة

**mmtronic** · 03-10-2009 09:41 PM

و الله يا جماعة انا نفسى بدور على المسند دة للافيو بتاعتى

بس يا ابو اسر لو ترفعلنا صورة الى عندك و انا انزل السجان اشوفة يبقى نقدر نقيم صح

بس سؤالى - هل القواعد بتاعتة مكسية جلد و لا على قواعد معدن مطلى

**mmtronic** · 04-10-2009 09:58 AM

المشاركة الأصلية كتبت بواسطة mohsabrys

انا جبت المسند خلاص والمسند مريح جدا ومكسي جلد ونضيف جدا وعنده اللونين البيج والاسود والصراحه هوا يستاهل واللي عايزه يروح بسرعه عشان هوا معندوش منه كتير وان شاء الله لو عرفت ارفع الصور حرفعها

معلش استسمحك تقولى القواعد بتاعتة عاملة ازاى و هوة بتثبت بمسامير من الجناب ولا مجرد بتحطة و بتحرك مع المطبات