العربيه باختصار موديل 93 تيبو وبتاكل بنزين بتعمل فى الصفيحه اخرها 140 كم جوه البلد وبره البلد 170
ومنضف كربراتير وظبط بيكات مش عارف اعمل ايه
عرض للطباعة
العربيه باختصار موديل 93 تيبو وبتاكل بنزين بتعمل فى الصفيحه اخرها 140 كم جوه البلد وبره البلد 170
ومنضف كربراتير وظبط بيكات مش عارف اعمل ايه
ماحدش عنده حل للموضوع ده
ياريت الاعضاء يفيدوك انا كنت هاقولك نظف الكربراتير وظبت البيكات بس لقيتك انت عملتهم
ممكن يكون فى تسريب فى حتة بتخلى البنزين يتبخر بس استبعد الموضوع دة
او ممكن تكون عندك الماكينة عالية
ان شاء الله تلاقى حل
لو الموتور خفيف ممكن تاكل بنزين
شيك علي الفلاتر ولو تقدر تغير البيكات ببيكات اقل من غير ما تخنق العربية
ريح دماغك وبيعها احسن لك
هو موضوع البيكات ده انا مش عارف له حل كل بتوع الكاربراتير بيقولولى بلاش العربيه حتخنق منك جامد والكهرباء انا موطيها بزياده كمان والفلاتر اللى اشيك عليها دى هواء وبنزين بس ولا فى حاجه تانى
وشكرا للاستاذ اللى بيقول بيعها احسن لك
طيب هى العربية بتطلع دخنة سوداء من الشكمان؟؟؟
انت مركب طرمبة بنزين خارجيه؟
في دخنه سودا
او
لو سبت العربيه مركونه مده لوحدها البنزين بينقص ؟؟؟؟
الحاجات اللى ممكن تاكل معاك بنزين
ضبط التكاهات
فلاتر الزيت و الهواء والبنزين
لو الاسطوانة او الديسك فى حالة مش تمام
وفى سبب انا قاصد اكتبة فى الاخر بك السرنسية عندك محروء ولا سليم؟
شيك على الحاجات دى واية المشكلة لما تغير البيكات بتاعة الكربراتير ممكن تفرق معاك جامد
سخن العربية مدة كافية قبل التحرك
سعات قلة التسخين بتخلي العربية تاكل بنزين كتيييييييييييييييير
السلام عليكم ورحمة الله وبركاته
انا معايا عربيه 98 بس عندي المكنه بتاكل زيت فبتالي بتاكل بنزين شوف لو عندك نقص في زيت المحرك هتاكل بنزين لو حضرتك مزبطش تكيهات بقيلك فتره زبها وياريت تغير البيجوهات وده عن تجربه شخصيه وربنا يوفقك وتقبل مروري
الدخنه السوداء دى مش دايما بسيطه جدا وكل فتره لما بتظهر والعربيه بركنها بس يوم واحد كامل اخرها او يومين
وطرمبة بنزين خارجيه دى انا معرفش اذا كانت راكبه ولا لا
الى الاخ tornado_5m http://www.nilemotors.net/Nile/image...er_offline.gif العربيه فعلا بتاكل زيت تقريبا علشان اخر مره غيرت زيت نزلت زيت قليل اوى اللى هو القديم يعنى نزلت حبه قليله ولما سألت بيتاع البنزينه قاللى عادى هو بيتأخر
والتاكيهات دى اظبطها عند مين
وانا فعلا مش بسخن اكتر من دقيقه
بما أن المكنه بتاكل زيت
1- أكشف على البوجيهات لو لقيت عليها أثر لمعان ومعرقه زيت
يبقى أحتمال كبير كاوتش الصباب عندك تعبان
2- أكشف على خط الفائظ (اللى رايح لعمة الكربوراتير )
لو لقيته بيجيب أبخرة زيت كتير
يبقى المكنه بدأت تخف شويه عندك
وغابا حيكون ده السبب فى خففان المكنه
السببين دول يأثروا على أستهلاك البنزين بتاع أى عربيهاقتباس:
وانا فعلا مش بسخن اكتر من دقيقه
يا بشمهندس سمير حضرتك تقصد الخرطوم بتاع الفيظ؟
والبوجيهات فعلا معرقه انا غيرتها قبل كده فى حوالى شهرين ودلوقتى برضوا محتاجه تتغير
الحل عندك بقى ...............
نعماقتباس:
يا بشمهندس سمير حضرتك تقصد الخرطوم بتاع الفيظ؟
حقولك على حاجهاقتباس:
والبوجيهات فعلا معرقه انا غيرتها قبل كده فى حوالى شهرين ودلوقتى برضوا محتاجه تتغير
الحل عندك بقى ...............
أعمل أختبار كبس للمحرك (كنوع من الأطمئنان على كفاءة الشنابر )
لقينا الوضع تمام .....يبقى الحمد لله
وكده حتحل الرأس وتغير كاوتش صباب وتعمل روديه بالمره
بكده أمورك حتبقى تمام أن شاء الله
فى نقطه طيب هسألك عليها بعد اذنك
امبارح انا غيرت قاعدة كربراتير والميكانيكى قاللى دى كانت بتخلى العربيه تبطل منك على السلانسيه وكانت بتخلى العربيه تاكل بنزين كتييير
صح الكلام ده
الحقيقه أنا غير مقتنع بكلامه
وبنسبه كبيره جدا اللى كان بيخللى العربيه تبطل منك على السلانسيه
وتاكل بنزين هو الموضوع ده
اقتباس:
والبوجيهات فعلا معرقه انا غيرتها قبل كده فى حوالى شهرين ودلوقتى برضوا محتاجه تتغير
شوف سعادتك
أى صباب بيتحرك داخل رأس سلندر بيمشى حركه تردديه على دليل للصباب (شبه الماسوره )
على آخر الدليل من فوق بيتم تركيب كاوتش الصباب
ساق الصباب بتخترق الكاوتش اللى راكب على الدليل
والكاوتش بيكون عليه سوسته بغرض الحبك على ساق الصباب أثناء حركة الفتح والقفل التردديه للصباب خلال دليله
بيفيد سيل الصباب فى منع أى زيوت من منطقة التاكيهات فى النزول الى غرف الحريق
يعنى نقدر نقول أن كاوتش الصباب ماهو الا عباره عن حابس زيت لكى يمنع نزول الزيت الى غرف الحريق .............ليه
لأن الصباب مخترق الرأس بتاعة رأس السلندر اللى فوقها زيت
هو ده دور كاوتش الصباب (أو سيل الصباب )
برضه كتوضيح أكتر
الشكل التالى عباره عن أحد رؤؤس سلندر محرك فولفو (6 سلندر )
المحرك برأسين جنب بعض على البلوك من فوق
كل رأس بتخدم على 3 غرف حريق
رقم 4 على الرسم ....دليل الصباب اللى بينشحط فى الرأس
رقم 19 على الرسم ....عباره عن سيل الصباب أو كما يطلق عليه بالعاميه (كاوتش الصباب)
http://i728.photobucket.com/albums/w...titled-102.jpg
يعنى انا اعما ايه دلوقتى الحل فين
وهل كبس المحرك ده هيفيدنى انا عملته من 3 شهور كده وكان 75 %
والمحطه كاتبين جيد
مش عارف بقى الحل فيين ياريت تساعدنى يا باشمهندس سمير
لو البوجيهات بتلاقيها لسه معرقه زيتاقتباس:
والبوجيهات فعلا معرقه انا غيرتها قبل كده فى حوالى شهرين ودلوقتى برضوا محتاجه تتغير
الحل عندك بقى ...............
أعمل روديه وغير كاوتش الصباب
مكنتك حتبقى تمام التمام
ده بيتكلف كام تقريبا وبيتعمل عند حد مخصوص ولا اى ميكانيكى
200ج تقريبا (لأنك حتغير جوان رأس السلندر والكاوتش ومصنعيه )
حتلم الدور
وعند أى ميكانيكى معقول
يعنى انا اقول للميكانيكى عايز اعمل ايه؟
اغير جوان وش سلندر
بأقولك أيه
ماتشيل الزبون اللى بيطلع لسانه تحت التوقيع بتاعك ده
علشان نعرف نتكلم ونروق كده مع بعضنا
أصل بينى وبينك كل ما أجىء أفكر معاك بيلخمنى الصراحه
:C_laugh[1]:
ok :D
تسلم يا غالى
شوف حتروح لميكانيكى كويس
وحيشوفلك خط الفائظ بيجيب زيت ولا لا
طلع خط الفائظ كويس ومبيجبش زيت
يبقى اللى بيبوظ كفاءة البوجيهات ويعرقها بالزيت أيه
كاوتش الصباب طبعا
وعلشان تغير كاوتش الصباب لازم حتحل رأس السلندر
وطالما حتحل رأس السلندر وتغير كاوتش الصبابات وتعمل روديه بالمره
يبقى لازم حتغير جوان وش السلندر
على فكره فيه ميكانيكيه بيبقوا شاطرين
ممكن يغيرلك كاوتش بدون حل الوش
بس مش حيعرف يعمل روديه
وعمليه مبتكونش بكفاءة حل الوش بره المكنه
طيب بعد اذن حضرتك اخر طلب الموضوع انا هشترى فيه ايه طقم شنبر وجوان وش سلندر وبس ولا فى حاجات تانيه عند الخراط وكده علشان انا عايز ابدأ وقلقان مش عارف اعمل ايه
بكلامك السابق دهاقتباس:
وهل كبس المحرك ده هيفيدنى انا عملته من 3 شهور كده وكان 75 %
والمحطه كاتبين جيد
مش عارف بقى الحل فيين ياريت تساعدنى يا باشمهندس سمير
أنت مش حتشترى شنبر ولا غيره
كل اللى حيتعمل
تغيير كاوتش الصبابات
علشان متفتح على نفسك فى المصاريف
كاوتش الصبابات ده اللى هو الجوان بتاع وش السلندر ولا اسمه كده كاوتش صبابابت وموضوع كبس المحرك ده كده قرب على سنه انا لسه شايف الفاتوره بتاعة المحطه من شهر 3 اللى فات
واروح للميكانيكى اقولله اكشف ولا غير كاوتش الصبابات على طول
معلش انا متقل على حضرتك جامد بس انا تاااااااايه فى الموضوع ده
متقلش نفسك
وأن شاء الله بسيطه
عموما ممكن تقيس كفاءة كبس المكنة تانى
وتشوف النسبه عامله كام
وبوجه عام
ممكن تستعين بصديق
على درايه بمثل هذه الأمور
وكاوتش الصباب ملوش دخل من قريب أو بعيد بجوان رأس السلندر
ولكن لكى تتمكن من تغيير الكاوتش
ستضطر لحل الرأس ( وبالتالى ستغير جوان رأس السلندر )
لأن مينفعش تركب القديم تانى
وأجراء عملية صيانه بسيطه للرأس وعمل روديه بالمره
وقد يولد هذا معاك رفع تانى فى كفاءة حبك غرف حريق المكنه
وتكون غير محتاج بالمره للتفكير بخصوص الشنابر
هو من ناحية الصديق مفيش والحمد لله
ومن ناحية الميكانيكيه برضوا مفيش حد ثقه بتعامل ماه غبر مركز صيانه هروحله اقوله اكشفلى على كاوتش الصباب والبوجيهات يشوفها معرقه زيت ولا لا وان شاء الله هروح اليوم على اخر النهار بعد شغلى واتابع مع حضرتك بعد اذتك صح كده ولا فى حاجه تانيه اعملها ؟
توكل على الله يا اخى
وأنا تحت أمرك
وفى أنتظارك للأطمئنان عليك
وأستعن بالله
فهو نعم المولى ونعم النصير