لماذا انتصرت هوندا سيتي 2009 علي هؤلاء !!!

**Youssef.Awad** · 20-10-2009 03:27 AM

المشاركة الأصلية كتبت بواسطة ahmed20_08nubira

انا مش فاهم الناس تقصد ايه بالخامات....هو ايه المطلوب مش فاهم...ولا يمكن الناس عايزه الماظ مرصع على التابلوه والفتيس يكون فضه....والدركسيون من الماس والفرش حرير 100 فى 100 العربيه خاماتها مش وحشه خالص على كلام ملاكها واهم حاجه انها بتستحمل ومفيش شروخ مع الشمس ولا غيره

ياسيدى الفاضل
ماتصدقش غير اللى تشوفه بعينك
ومش اى حاجة اى حد يقولها (عشان يلفت النظر وخلاص) تبقى صح
:b4_592:

دول زى اللى مالقوش فى الورد عيب قالوله يا أحمر الخدين

**abo samra** · 21-10-2009 02:21 AM

الياريس 1300 مانيوال سياره بطيئه غير ما توقعت

**cameeron** · 21-10-2009 12:46 PM

طيب يا جماعة يقوللى مشاكل العربية ايه يعنى اتحدى حد يقولنا بالمقارنة باى عربية تانية حتى ل200 الف جنية و نتحدى هل حد يا جماعة صادفته فى العربية دى اى مشاكل من اى نوع فى الاداء و يقولنا و يا مالكى السيتى ماتوضحوا لاخوانا ايه هى مشاكلها و ده اللى يقول هل تستاهل فلوسها و الا لا ؟؟؟؟ ارجو من مالكى السيتى الرد على سؤالى

**ahmed4000** · 21-10-2009 04:38 PM

المشاركة الأصلية كتبت بواسطة cameeron

طيب يا جماعة يقوللى مشاكل العربية ايه يعنى اتحدى حد يقولنا بالمقارنة باى عربية تانية حتى ل200 الف جنية و نتحدى هل حد يا جماعة صادفته فى العربية دى اى مشاكل من اى نوع فى الاداء و يقولنا و يا مالكى السيتى ماتوضحوا لاخوانا ايه هى مشاكلها و ده اللى يقول هل تستاهل فلوسها و الا لا ؟؟؟؟ ارجو من مالكى السيتى الرد على سؤالى

انا ناوى اعمل موضوع عنها بس لما اطلع بيها على الطريق شوية لانها مخنوقة جوا البلد من الزحمة

لكن انا شايف عيوبها حاجات تافهة لغاية دلقوتى واتقالت فى كذا موضوع

- الكرسى اللى قدام الىل جنب السواق ضيق ومبيتحركش بسهولة علشان تحتيه تنك البنزين زى مبيقولوا

- الرؤية من الخلف مش حلو اوى لان كمان فى اللمبة بتاعة

- حتى الان مفيش امكانية نركب اوبشنز اكتر (يعنى انا ميهمنيش اوى باستثناء ريموت وانذار)

-بالنسبة للشد والحرق وبتعرف تطلع مع العربية الفلانية ومبتعرفش تجيب ال200 فى كام ثانية والحاجات دى معرفش فيها ومتهمنيش لانى مش شارى عربية سباق

ده تقييم مبدئى والحقيقة مقدرش ازود عن كده لا فى مزايا ولا فى عيوب لانى لسه مستلمها بقالى شهر ونص تقريبا

**cameeron** · 21-10-2009 04:58 PM

المشاركة الأصلية كتبت بواسطة ahmed4000

انا ناوى اعمل موضوع عنها بس لما اطلع بيها على الطريق شوية لانها مخنوقة جوا البلد من الزحمة

لكن انا شايف عيوبها حاجات تافهة لغاية دلقوتى واتقالت فى كذا موضوع

- الكرسى اللى قدام الىل جنب السواق ضيق ومبيتحركش بسهولة علشان تحتيه تنك البنزين زى مبيقولوا

- الرؤية من الخلف مش حلو اوى لان كمان فى اللمبة بتاعة

- حتى الان مفيش امكانية نركب اوبشنز اكتر (يعنى انا ميهمنيش اوى باستثناء ريموت وانذار)

-بالنسبة للشد والحرق وبتعرف تطلع مع العربية الفلانية ومبتعرفش تجيب ال200 فى كام ثانية والحاجات دى معرفش فيها ومتهمنيش لانى مش شارى عربية سباق

ده تقييم مبدئى والحقيقة مقدرش ازود عن كده لا فى مزايا ولا فى عيوب لانى لسه مستلمها بقالى شهر ونص تقريبا

و الله جميل يا ابو حميد كلامك جدا و شكرا على الراى المهم جدا ده و مش هاعلق عليه دلوقتى عاوز حد تانى جرب العربية يعنى ساقها او عنده بقالها فترة (مش سامع عنها و خلاص) يقولنا العيوب من وجهة نظره لو سمحتم و على فكرة انا عندى العربية دى بقالها خمس سنين بس عاوزين ناس تانية تقولنا عيوب مشهورة للعربية دى ها مين تانى عنده حاجات جديدة؟؟؟

**monmonmon** · 22-10-2009 01:41 AM

المشاركة الأصلية كتبت بواسطة y2y1500

ياسيدى الفاضل
ماتصدقش غير اللى تشوفه بعينك
ومش اى حاجة اى حد يقولها (عشان يلفت النظر وخلاص) تبقى صح
:b4_592:

دول زى اللى مالقوش فى الورد عيب قالوله يا أحمر الخدين

لو تقصد شخص محدد خلى كلامك صريح.. احنا هنا بنفيد بعض و انا سألت الناس رأيهم ايه و مش عاملين احزاب.. و هعمل نفسى مخدتش بالى اوك

**sa3dawy** · 22-10-2009 06:00 PM

المشاركة الأصلية كتبت بواسطة monmonmon

لو تقصد شخص محدد خلى كلامك صريح.. احنا هنا بنفيد بعض و انا سألت الناس رأيهم ايه و مش عاملين احزاب.. و هعمل نفسى مخدتش بالى اوك

معتقدتش انوكان يقصدك

**monmonmon** · 22-10-2009 06:08 PM

المشاركة الأصلية كتبت بواسطة sa3dawy

معتقدتش انوكان يقصدك

كبر دماغك يا كبييييير

دا انا بقول خامة التابلوه تشبه ال i10 بس و لاحظت الكلام ده بأنى ركبت السيتى فى المعرض و كنت رايح بال i10 و حسيت ان خامات التابلوه فعلا قريبه اوى.. الاقى اللى داخل يقولى موتور و عربية هى خامة التابلوه دى مش مفهومه؟؟؟

اللى يقول احمر الخدين او الشفتين ده فكك منه و خليه فى الزمن الجميل بتاعه

**spiderbaz** · 23-10-2009 05:22 AM

اية يا جمااااعة كل الحوارات دي انا معدتش عارف ارد علي مين و لا مين

من الاخر :

انا معايا السيتي بقالها3 شهور و مشيت تقريبا 3000 كيلو

و العربية زي مانا قلت و هفضل اعيد و ازيد و الله ما عشان دي عربيتي

العربية بجد تحفة
الحمدلله لم اواجه اي مشكلة في العربية ككل حتي الان
العربية مريحاني جدا و وجهة نظري برضه للمرة المليون انها احسن من السيراتو لان انا اختي جوزها جابلها سيراتو و بجد شفت الفرق و بركب السيراتو كتيييييييييييير و شايف فرق جامد لمصلحة السيتي

بالنسبة للاخ اللي بيسال عن العيوب حتي الان
لم تواجهني كما قلت اي مشاكل في السيارة و لكن لو قصدك عيوب العربية او الحاجات اللي ناقصاها فهي كماليات ( فوج و ريموت و مالتي فانكشن )
و طبعا ده كله مقدور عليه
اهم حاجة بجد مريحاني هو سحب العربية ما شاء الله و العفشة الناعمة و الشكل الانسيابي الرائع و كفاية ان لحد دلوقتي الناس لسة بتبص علي العربية في الشارع وانا ماشي بيها

كلمة اخيرة :
ياريت ملاك السيتي يخشوا و يردوا و يعملوا تقييم للسيارة عشان الناس تتطمن لان كل واحد مركبش العربية و سمع كلمتين معلش في اللفظ حمضانين قاعد يقول كلام غريب و غير منطقي
النقد بتاع حضراتكم علي دماغي و لكن بجد اللي مركبش العربية و ساقها و لف بيها مينفعش يحكم عليها الوحيدين القادرين علي الحكم عليها هم ملاكها و الحمدلله مفيش مالك للسيارة هنا في المنتدي قال عليها كلمة مش كويسة

ملحوظة عشان محدش يقوللي انها عشان عربيتي لازم اشكر فيها : انا قبل السيتي كان معايا النترا و كنت اكتر واحد عالمنتديات بنقد يها ساعة ما كانت معايا لاني بقول كلمة حق مسؤول عنها امام ربنا و امامكم لان اللي بيقرا الكلام ده اكيد هيفكر يشتري العربية
العربية تحفة تحفة تحفة و ربنا يوفقكم في اختياركم
ياريت محدش يزعل مني ابدا