لماذا انتصرت هوندا سيتي 2009 علي هؤلاء !!!

**Ghost2** · 05-10-2009 07:53 PM

بالنسبة لموضوع الموتور المسأله مش بالشكل ولا التوقعات .. دي حسابات .. القدرة الحصانية ليها حسابات .. اما الكلام عن موتور السيفيك وصافي او مش صافي .. مينفعش تركب موتور السيتي على السيفيك وده عشان وزن العربية زيادة .. غير اختلاف الايرو دايناميك لان المقاومة في السيفيك زيادة شوية ..لكن الميزة هنا ان الموتور مع المقاومة دي والسي سي العالي بيديك استهلاك قليل للبنزين .. فا مش عشان بنقول ان موتور السيتي صافي 120 حصان يبقى كان المفروض يركبوه على السيفيك .. وعلى فكرة .. السيتي واللينيا لو ليهم تسويق كويس ودعايا محترمه .. هتفرق كتير اوي .. والاعتماد على الكوري هيقل شوية .. هو بس المطلوب ان ثقافة الناس تتغير شوية .. يعني مش معنى ان جاري جايب الانترا وبيشكر فيها يبقى مفيش احسن من الانترا وهكذا .. مع احترامي للسيارة ولملاكها .. وياريت لو محدش جرب العربية ميحكمش عليها عشان ميظلمهاش .. اما عن موضوع التقفيل انه تايلاندي .. فا عايز اقولكو ان بي ام ليها مصنع في الصين .. ومرسيدس ليها مصنع في مصر .. العربيات صناعة بلادها بس التقفيل بيختلف من مكان لاخر .. طبقا للخريطه الصناعيه لتغذية مناطق معينه بسيارات معينة .. و لانخفاض اسعار العمالة في هذه البلاد ... عفوا .. هوندا سيتي الافضل في فئتها

**nab!l** · 06-10-2009 12:29 AM

ارجع لكلامك تانى
هتلاقيك قلت ايه اللى تقدمه مازدا 3 وسيراتو وكورولا اكثر من السيتى وحتى هوندا سيفيك؟
يعنى حضرتك تقصد انها احسن منهم كلهم

**Ghost2** · 06-10-2009 03:49 AM

المشاركة الأصلية كتبت بواسطة yah

ارجع لكلامك تانى
هتلاقيك قلت ايه اللى تقدمه مازدا 3 وسيراتو وكورولا اكثر من السيتى وحتى هوندا سيفيك؟
يعنى حضرتك تقصد انها احسن منهم كلهم

يا استاذي العزيز ... احنا مش بنفاضل ولا ده قسم المقارنات .. اولا السيفيك والمازدا والسيراتو دول فئة .. والسيتي فئة تانية اللي هي فئة عربيات زي الياريس subcompactcars وشرحناها قبل كده .. كل العملية ان احنا بنقول ان دي عربية هوندا مميزاتها كذا وكذا وكذا واداءها يكاد يكون قريب من اداء السيفيك لولا صغر حجم المحرك .. وده لا يعيبها في شئ ... وبعدين العربيه قبل ما بيتم طرحها في الاسواق بيتم عمل اختبارات كاملة وشاملة للعربية من مختلف الجوانب زي الثبات والتسارع ومقاومة الهواء والراحة الداخليه للراكب .. غير الكماليات اللي بتكون موجوده كلها وبعد كده الوكلاء المستوردين بيحددوا اللي هما عايزينه على حسب ما يناسب بلادهم ... فا مش احنا اللي هنيجي نقول على هوندا وحشه او قليله امام الصناعه الكورية بعد هذه الرحلة الطويله في مجال تصنيع السيارات ..يا شباب خلي النقد بتاعنا هادف .. مش حاجه تانيه .. وتقلبو فائق احترامي وتقديري

**abo samra** · 06-10-2009 05:23 AM

المشاركة الأصلية كتبت بواسطة حماده المصري

ايوه يا جوست خليينا في فئه ساب كومبكت

انا بدون ما اركب السيتي تماما ابصملك بالعشره والمليوون انها افضل عربيه في فئتها كمجمل لا تتقارن لا بيارس ولا نيو اكسنت ولا اي حاجه فيهم هي انضف وحده فيهم بدون مقارنه

انما اكتر من كده مينفعش اساسا المازدا 3 متصدره الفئه بتاعتها بجداره من ناحيه الثبات مقابل الراحل مقابل القياده الرياضيه

مفيش عربيه حققت المعادله دي نهاااااائي

حتى الالماني كله من جولف لجيتا ل اوكتافيا ل ليون ثابتييين جداااا بس عفشه ناشفه

مين قال ان ثبات الماذدا 3 زى الجيتا والليون؟؟؟؟؟؟؟؟؟؟

**nab!l** · 06-10-2009 10:57 AM

المشاركة الأصلية كتبت بواسطة ghost2

يا استاذي العزيز ... احنا مش بنفاضل ولا ده قسم المقارنات .. اولا السيفيك والمازدا والسيراتو دول فئة .. والسيتي فئة تانية اللي هي فئة عربيات زي الياريس subcompactcars وشرحناها قبل كده .. كل العملية ان احنا بنقول ان دي عربية هوندا مميزاتها كذا وكذا وكذا واداءها يكاد يكون قريب من اداء السيفيك لولا صغر حجم المحرك .. وده لا يعيبها في شئ ... وبعدين العربيه قبل ما بيتم طرحها في الاسواق بيتم عمل اختبارات كاملة وشاملة للعربية من مختلف الجوانب زي الثبات والتسارع ومقاومة الهواء والراحة الداخليه للراكب .. غير الكماليات اللي بتكون موجوده كلها وبعد كده الوكلاء المستوردين بيحددوا اللي هما عايزينه على حسب ما يناسب بلادهم ... فا مش احنا اللي هنيجي نقول على هوندا وحشه او قليله امام الصناعه الكورية بعد هذه الرحلة الطويله في مجال تصنيع السيارات ..يا شباب خلي النقد بتاعنا هادف .. مش حاجه تانيه .. وتقلبو فائق احترامي وتقديري

هو اللى قال انها احسن من كورولا ومازدا3 و سيفيك
مش انااااااااااااااااااااا

**wael_107** · 06-10-2009 02:42 PM

المشاركة الأصلية كتبت بواسطة ahmed4000

معلش انا لسه جايب هوندا سيتى ومش بتحيز لاى حاجة
بس الخامات من جوا تفرق عن عربيات فى فئتها وفى فئات اكبر بكتير (مش عايز اقول علشان متحصلش خناقات) وطبعا انا بتكلم على عربيات فى مصر مش فى الخليج

- شنطة مفيش اكبر منها فى الفئات الاعلى لا كرولا ولا سفك ولا مازدا (شوفوها الاول)

-استهلاك الوقود (ماشاء الله على الصحراوى كنت بعمل 4.4 لتر) وعلى اكتوبر وزحمة كنت عامل 5.5 تقريبا

- عزل ممتاز وصوت موتور لا يسمع (شغلتها وهى دايرة)

-التسارع والحاجات دى مليش فيها اوى (بس انا معترض على ان موتور 1600 حيبقى فارق اوى عن 1500 معتقدش 100 سي سي تعمل فرق وخاصة لما نتكلم على تكنولوجيا احدث)

- الشكل مش اد كده وتخسر فيه طبعا قدام كل العربيات التانية (بس دى ازواق)

-عيبها السعر طبعا وواضح ان التوكيل مش عارف ينزل سعرها اكتر من كده

انا شايف ان الموضوع محسوم لصالح الهوندا السيتى وإن شاء الله هشتريها أول 2010 بشرط
1) الا يزيد سعرها
2) وتكون كامله (جنوط - فوج- فتحه سقف- دريكسيون مالتى فنكشن)

وإلا فلا

بس عاوز أعقب عليها من ناحيه الكلام عن شكلها الخارجى
انا شايغ انها اكثر من رائئئئئئئئئئئئئئئئئئئئئئئ ئئئئئئئئئئئئئئئعه

**spiderbaz** · 06-10-2009 05:30 PM

المشاركة الأصلية كتبت بواسطة yah

هو اللى قال انها احسن من كورولا ومازدا3 و سيفيك
مش انااااااااااااااااااااا

يا سيدي الفاضل انت مش فاهم انا قصدت ايه
انا عملت شبه مفارنة
يعني قلت ان السيتي احسن من الكورولا في موضوع العزل الحراري و شكل التابلوه
يعني مش قلت انها احسن ككل و لكن فيها مميزات عن الحاجات التانية و لكن ككل السيفيك و المازدا 3 يتفوقوا بمراحل لان دول فئة اعلي
انا جيبت مميزات السيتي و الحاجات اللي تتفوق بها عن الحاجات التانية
انا هقولك مثال بسيط عشان تفهمني اكتر
لو في طالب في جامعة ذكي و عنده معلومة او اتنين اكتر من دكتوره الجامعي اللي عنده معلومات تانية و حقائق اكثر من التلميذ هل يعقل ان نقول علي الطالب انه احسن من استاذه لمجرد انه عرف معلومة ازيد من الدكتور لا طبعا لان معلومات الطبيب ككل اعلي بكثير من الطالب

ياريت تكون فهمت انا قصدي ايه لاني بدات اتعب