ممكن أعرف من أهل الخبره سير الكاتينة وفلتر البنزين بيتغيرو على كام كيلو
عربيتي عاملة 25000ك ويريت أسعارهم لو سمحتو
عرض للطباعة
ممكن أعرف من أهل الخبره سير الكاتينة وفلتر البنزين بيتغيرو على كام كيلو
عربيتي عاملة 25000ك ويريت أسعارهم لو سمحتو
انا طالب من حضرتك طلب واسف لو دخلت فى الموضوع وانا معرفش الاسعار لكن عايز اعرف بس حاله العربيه معاك بعد 25000 وربنا يباركلك فيها
معلش دي أول مشاركة ليا
و جبت لك الرد ده من موضوع تاني اسمه ( اسعار قطع الغيار الاسبرنزا A516 )
بس أعتقد إنه هيكون أرخص في الـ 113
أو ممكن لأ لأني مش بفهم في العربيات جامد ، بس أكيد مش هيكون أغلى
أنا كنت عايز أسألك نفس السؤال بتاع الأستاذ ميدو
العربية عاملة معاك إيه بعد الـ 25000 كيلو
و شكراً يا باشا
العربية كويسه بس مش a1 يعني فيها شوية هفوات بس بتتصلح
يعني في الصليبه بتاعت الدركسيون بعد ما العربية مشية شويه وهي جديدة من المطبات حصل فيها بوش واحد عفشجي قاللي انو ممكن يغيرها بصليبه بتاعت اي عربية تانية بس بيخرطها بنفس شكل القديمة واضح انها الصلبيبه بتاعتها صيني صيني يعني وكمان الفتيس بتحصل فيه أحياناً عضه في الثالث والعفشه بتاعتها نشفه زياده عن اللزوم بس دا لأن المساعدين بتعها ناشفين وفي واحد في المنتدى قال ممكن يتغيرو بمساعدين بتوع نوع تاني بس مش فاكر ايه هو تكلفتاه 1500ج
لكن مطور كويس وباقي العربية كويسه
طيب إيه ؟؟؟
انت عملت إيه في موضوع البوش و الصليبة ده ؟؟
و للا مش فارق معاك أوي في السواقة ؟؟
كل اللي بيحصل صوت تخبيط في الدركسيون لما بدوس على ظلط او أرض غير ممهده
سألت العفشجي على الموضوع ده قللي مفيهاش خطوره ولما ابقا فاضي ابقى اعملها لأنو بيستعين بكهربائي في الموضوع ده علشان هو اللي بيفك الدركسيون وفبرة الكنتكت