اسعار قطع الغيار الاسبرنزا A516

**tamer_elbaz** · 24-06-2009 02:58 PM

[frame="2 80"]
[marq="3;right;3;alternate"]
النهارده الاسعار اتغيرت يعنى
[/marq] الفانوس الامامى النهارده بالموتور 300 جنيه بدون الموتور 220 جنيه
الفانوس الخلفى 150
الشبكه الاماميه 100 وفيه نوع تانى ب 280
التيل الامامى الاصلى 65
فلتر الزيت الاصلى انا جايبه بصراحه ب 35 مش عارف انا جبته غالى ولا سعره كده
بس هيه دى الحاجات اللى انا جبتها وعارف سعرها
[/frame]

**arc_sherif_81** · 07-07-2009 10:21 AM

سير الكاتينه بيتغير عند 30 الف كيلو و تكلفه التغيير و الصيانه 1700 جنيه

**arc_sherif_81** · 07-07-2009 10:24 AM

صندوق البيئه 1200 جنيه من غير المصنعيه و هو عيب متكرر و لا يصلح في الضمان
مشاكل التكييف و الكاسيت كثيره

**nitron** · 17-07-2009 02:51 AM

السلام عليكم ورحمة الله وبركاته يا اخ نادر احب اعرف حضرتك ان الاسبرانزا ال1600 ccعربيه ممتازه بكل القاييس انا الصراحه هيه مش عندى بس انا من الاشخاص المختصين فى نقد العربيات اولا هيه محركها قوى جدا 117 حصان مقارنه بالفرنا 106او حتى الماتركس ثانيا الاداء على الطريق جيد جدا العفشه جيده و محدش اشتكى منها طبعا الكماليات انا رأيى انها احسن من المتسوبيشى الى عندك ثانيا فيها نظام فرامل متطور جدا 4disk break فى الاربع عجلات +الabs+ebdيعنى انتا عاوز ايه اكتر من كده و بالنسبه للاخ الى مستغلى تمن الكشاف الامامى هوه مشفش حجم الكشاف ولا الخامات و لا العدسات بتاعت توزيع الضوء انا رأيى اشتريه و ادعيلى

**HISHO** · 25-07-2009 10:17 PM

بسم الله الرحمن الرحيم
دى أول مرة أشارك هنا وياريت ماكونش ضيف تقيل عليكم
أنا عايز أجيب عربية فى حدود 70000 وبعد الفحص والمحص والتمحيص إقتنعت إقتناع تام باللانوس الشيفورليه
بس اليومين دول تفاجأت إن الإسبيرانزا نزلت تاكسى وتفاجأت إنها منتشرة بشكل كبير جدا ولما سألت عنها سواقين التاكسى لاقيتهم بيقولو عنها كلام كويس جدا
الموتور ألمانى والعفشة يابانى ومش عارف ايه وايه
أولا هل الكلام ده صحيح
ثانيا هلى الإسبيرانزا 516 a أحسن من اللانوس
أفيدونى أفادكم الله

**arc_sherif_81** · 18-08-2009 02:08 PM

عليه البيئه و التكيف و الكاسيت مشاكل متكرره

اسعار الصيانات الدوريه غاليه

قطع الغيار غير معمره

عربيه مش بتاعت شغل

غير ان التوكيل زحمه ومقرف و لما تروح فيه هتستني العربيه 7 او 8 ساعات

التوكيل فرع واحد في ابو رواش و الباقي مراكز معتمده و اي مشكله في الضمان لازم تروح الفرع الرئيسي و إلا تصلح علي حسابك

الفرع الرئيسي مفوش حجز يعني تروح من الفجر علشان تحجز دور بدري

صيانه ال 30 الف هتكلف 1700 جنيه

صندوق البيئه ثمنه 1000 جنيه غير المصنعيه

نصيحه العايز يشتريها يروح يوم التوكيل الرئيسي في ابو رواش و يعد الخناقات الهناك بسبب مشاكل العربيه و خلو بالكم في توكيل و في مركز معتمد في ابو رواش و الهيدفع 67 او 68 الف مش خساره ان يضيع يوم هناك علشان يتاكيد و ميندمش بعد كده خصوصا ان لو اشتراها هيضيع بعد كده ايام كتير هناك ده كان في ناس بتيجي لنفس العيب 7 مرات و مبتصلحش بردو

**hossam_elwani** · 23-08-2009 02:33 AM

سعر قطع الغيار مناسبه جدا ما عدا الفوانيس اكيد الصينيين المنافسين حيقلدوه زى اى حاجه تانية وحيبقى ارخص

**youssefmustang** · 03-09-2009 03:06 AM

المشاركة الأصلية كتبت بواسطة eng_mkhalaf

يا جماعة لية الرد بيكون دائما بالذم طب ما فية اهوة حاجات أسعارها حلوة لية محدش علق عليها - شى غريب يعنى هية جت على الفانوس

كلام صح والله العربية دى هتضرب 128 والشاهين والفيرنا والدايو بس مسألة وقت ياراجل دا انا كل ما امشى فى حته الاقى مش اقل من10 او 15 عربية اسبرانزا بجميع انواعها ده بدليل انها عملت سمعة كويسة وغير كل ده ماكنوش عملوها تاكسى يعنى معنى كده انها بتستحمل ... بس مسألة وقت
اخوكم يوسف

**active** · 01-10-2009 12:17 PM

[justify]
فى يا جماعة موزع معتمد من ابو الفتوح لقطع الغيار موجود فى بين السرايات جنب المرور اسمه ابو الحسن عند كل قطع غيار الاسبرانزا انا اشتريت من عنده الجنط بـ 450 جنيه والمقص الامامى كامل بـ 200 جنيه وطقم المساعدين بـ 650 جنيه الامامى والفانوس الخلفى بـ 125 جنيه والتيل الامامى بـ 85 جنيه والخلفى بـ 95 جنيه وطقم البوجيهات بوش المانى بـ 50 جنيه وفلتر الزيت بـ 40 جنيه وفلتر الهواء بـ 35 جنيه وفلتر البنزين بـ 25 جنيه وان شاء الله لما اعرف بقيت الاسعار هاقولهالكم
[/justify]

**astra** · 03-10-2009 11:16 PM

الاعضاء الافاضل انا شايف انى الاسعار دى ماضى لانى اشتريت الفانوس الخلفى ب130 جنيه من التوفيقيةولقيت الوش بتاعة فقط ب 35 جنيه والفانوس الامامى ب 250 جنيه والشبكة الامامية ب 100 جنيه والاكصدام الامامى ب 100 برضه والفلتر ب25 جنيه والكلام ده من 10 ايام فقط انا شايف انى من يوم ما اتعملت تاكسى واسعار قطع الغيار فى النازل وبتكتر فى السوق