الsms الدولي غلي يا رجاااااااااااالة !!!! يللاااا يعني جت عليه

**member** · 03-10-2009 01:36 AM

المشاركة الأصلية كتبت بواسطة taotao

تكلفة إرسال sms تدور حول الصفر، يعني ال30 قرش كلهم مكسب صافي حلالاً بلالاً .. ليه بقى يخلوها بـ 80 قرش؟!!! حار ونار في جتتهم وحسبنا الله ونعم الوكيل

بالنسبة لخدمات الموبايل، نسبة من تمن المكالمة (الخدمة عموما) بتروح للشبكة المستقبلة،
مثال لما ببعت رسالة دولي جزء من تمنها بيروح للشبكة بتاعتي وجزء للشبكة اللي عليها مستلم الرسالة، ده غير أن فيه لينكات دولية بتتأجر وبيتدفع عليها فلوس

**theking2690** · 03-10-2009 02:19 AM

المشاركة الأصلية كتبت بواسطة hacker5

انا برضو امبارح اتفاجئت لما لقيت كنز البيبسى بقت بـ 2 جنيه و ربع

على فكره لتى الازايز برضو غلى بقى ب 2.75

**أحمد كمال** · 03-10-2009 02:24 AM

المشاركة الأصلية كتبت بواسطة M.Mekawy

المادة الخام اللى بيستخرجوا منها ال sms غليت أكيد
عالم ولاد.....

المشاركة الأصلية كتبت بواسطة TaoTao

تكلفة إرسال sms تدور حول الصفر، يعني ال30 قرش كلهم مكسب صافي حلالاً بلالاً .. ليه بقى يخلوها بـ 80 قرش؟!!! حار ونار في جتتهم وحسبنا الله ونعم الوكيل

الكلام غلط و الكلام الصح لسه هاقوله لقيت الزميل member قاله

المشاركة الأصلية كتبت بواسطة member

بالنسبة لخدمات الموبايل، نسبة من تمن المكالمة (الخدمة عموما) بتروح للشبكة المستقبلة،
مثال لما ببعت رسالة دولي جزء من تمنها بيروح للشبكة بتاعتي وجزء للشبكة اللي عليها مستلم الرسالة، ده غير أن فيه لينكات دولية بتتأجر وبيتدفع عليها فلوس

بالظبط ..... اي مكالمة او اي رسالة على نفس الشبكة تكلفتها المباشرة صفر

و تكلفة مباشرة يعني out of pocket cost يعني تمن مباشر مدفوع

يعني حضرتك التكلفة المباشرة للموبايل بالنسبة لك تمنه + تمن الخط + تمن الكروت او الفاتورة

بس مثلا الكهربا اللي بتشحنه بيها تكلفة غير مباشرة

الخ

طبعا الشركات بتصرف مليارات على البنية التحتية و الانظمة و التشغيل

يعني المحطات دي بتحتاج صيانة و تجديد مستمر

و ليها فواتير كهربا بالالافات

و تصاريح

و ايجار و كل سنة المالك بتاع العمارة بيطمع و بيغلي

و مرتب مهندسين و فنيين بيصونوها

الخ

نيجي بقى للمكالمات و الرسائل بين الشبكات المختلفة

ساعتها فيه interconnect charge

يعني تكلفة توصيل الخدمة

يعني لو انا مشترك في شبكة x و حضرتك مشترك في شبكة y

و انا كلمتك

شبكتي هتحاسبني عالمكالمة و حضرتك هتستقبل مجانا

بس شبكة حضرتك جزء منها انشغل بالمكالمة و اتكلفت عليهم

فالنتيجة انهم بياخدوا جزء من تمن المكالمة و ده بيبقى بالاتفاق عند التوصيل

في ال interconnect agreement

بيبقى فيه اتفاق عالسعر ........

و طبعا في الرسائل الدولية بيبقى فيه كمان مشكلتين تانيين

و هما التكلفة اللي بتاخدها الشبكة المستقبلة

و تكلفة الخطوط الدولية

و كمان فيه ساعات ما بيبقاش فيه اتصال مباشر بين شبكتين

يعني لو حضرتك بتبعت دولي لشبكة مفيش معاها اتفاقية اتصال

ارسال الرسالة بيبقى عن طريق طرف تالت في نص gateway

و ده بيكلف اكتر لانه هو بياخد جزء و المستقبل بياخد جزء (و ده بيبقى غير ظاهر للشبكة المرسلة لان الوسيط بياخد الاتنين و يحاسب الطرف الاخير)

فمفيش حاجة اسمها تكلفة ال SMS صفر و بالذات الدولية لان دي الشركة بتدفع فيها فلوس بشكل مباشر كمان

**damasry** · 03-10-2009 02:28 AM

استاذ احمد، حضرتك ما رديتش عليا في الرسالة الخاصة اللي بعتها ليك!!

**أحمد كمال** · 03-10-2009 02:58 AM

المشاركة الأصلية كتبت بواسطة damasry

استاذ احمد، حضرتك ما رديتش عليا في الرسالة الخاصة اللي بعتها ليك!!

رديت يا باشا و قلت هاتاكد و ارجع لك يوم الاحد ان شاء الله

المشاركة الأصلية كتبت بواسطة pro-drive

طيب لو كان ان شركه او دوله برا هي اللي غلت فلوس الاستقبال !

كان يبقي الثمن الزياده علي الدوله دي ! مش علي كله

سيدي الفاضل اغلب الدول غلت بالاضافة الى صعوبة تسعير الرسائل بالدولة من الناحية التسويقية و خدمة العملاء. تخيل لو عندك 200 سعر مختلف للرسالة لا و ايه كمان مش الدولة اللي بتغلي لأ دي شبكة من الشبكات في الدولة يعني ممكن ببساطة يبقى فيه 1000 سغر للرسالة حسب الشبكة المستقبلة و شكاوى بسبب فهم خاطئ من العملاء لاسلوب التسعير المعقد جدا و من المتعارف عليه في كل شبكات المحمول بمصر و العالم ان سعر الرسالة عادة هو سعرين محلي و دولي فقط ....