فى حد يعرف سعر الاوبل دى

**ENG\AHMED** · 04-10-2009 04:11 PM

المشاركة الأصلية كتبت بواسطة tamertamer

بص يا بشموهندس انت لو هتجيب عربية وحدة بس هتدخلها استخدام شخصى وهتقدم رخصة العربية بتعتك لثبات نيتك بعدم المتجرة وهتدفع جمرك مش كبير هى بتدخل على اساس انها قطع غيار مستعملة

هممم طيب والجمارك بتتحسب على اساس اية يعنى هتفرق حسب الكماليات اللى فيها ولا اية والاسعار لحد لما توصل هنا يعنى سعر العربية بالشحن بالجمارك بكل حاجة؟؟
انا بفكر اجيب واحدة نصين واجمعها

**tamertamer** · 04-10-2009 09:36 PM

المشاركة الأصلية كتبت بواسطة eng\ahmed

هممم طيب والجمارك بتتحسب على اساس اية يعنى هتفرق حسب الكماليات اللى فيها ولا اية والاسعار لحد لما توصل هنا يعنى سعر العربية بالشحن بالجمارك بكل حاجة؟؟
انا بفكر اجيب واحدة نصين واجمعها

بص الجمارك حسب الكمليات دة صحيح بس كلة تظبيط لو اتفقت او تعرف مخلص جمركى حرك وبيفهم هيخلصهالك باقل حاجة لانها وحدة بس ومينفعش تجمعها هنا هتمشى بيهاء ازاى من غير ملف اوعة تقلى حكايت تغير ارقام الشسية وبتاع بص انا منصحكش حكايت تجمعها انت ممكن تستخدمها زى مجيبها قطع غيار بس اما بخصوص السعر دة حسب قلى برة لان مصريفك كلها تكمن فى النقل برة مصر لانة مكلف جدا المصريف كالاتى
1- ثمن العربية (ودة حسب سعر السيارة المباعة ممكن نقول )400 يورو يعنى بالمصرى 3000
2- ثمن تقطعها ودة حسب المكان قلى برة مصر
3- ثمن نقل العربية بعد التقطيع
4- ثمن البوالص والشحن 150 دولار للمتر ونص ارتفاع 3 متر النصين فوق بعض يعنى بالمصرى 825 جنية مصرى
5- ثمن الجمارك ودة حسب شطارت المخلص الجمركى
6- نقل العربية وخرجها من والى القاهرة
7- تاجير ونش صغير لتنزيل النص او بالطريقة قلى تعجبك
ادى الحكاية كلها
ارجو ملحظة النقاط الاتية

1- يجب وجود شخص تثق فية خارج مصر ويكون بيفهم عشان يجبلك افضل سعر ممكن ولقلة الكليف
2- يجب وجود مكان مناسب جراج او اى مكان لتخزين السيارة المقطعة

**ENG\AHMED** · 04-10-2009 10:03 PM

المشاركة الأصلية كتبت بواسطة tamertamer

بس ومينفعش تجمعها هنا هتمشى بيهاء ازاى من غير ملف اوعة تقلى حكايت تغير ارقام الشسية وبتاع بص انا منصحكش حكايت تجمعها

لية؟؟
اى عربية حادثة ومش نافعة او عربية متهانة ومفهاش امل ويتنقل رقم الشاسية من عليها ويركب على دى .. فى ناس كتير بتعمل الحركة دى

**tamertamer** · 04-10-2009 10:35 PM

المشاركة الأصلية كتبت بواسطة eng\ahmed

لية؟؟
اى عربية حادثة ومش نافعة او عربية متهانة ومفهاش امل ويتنقل رقم الشاسية من عليها ويركب على دى .. فى ناس كتير بتعمل الحركة دى

انا عارف بس هل انت تقبل انك تعمل حاجة زى كدة دية تعتبر سرقة

**ENG\AHMED** · 04-10-2009 11:18 PM

المشاركة الأصلية كتبت بواسطة tamertamer

انا عارف بس هل انت تقبل انك تعمل حاجة زى كدة دية تعتبر سرقة

سرقة فى اية .. انا حتى لو بعتها هقول للى هيشتريها فيها اية بالظبط بغض النظر هو عرف لوحدة ولا لأ

**tananybasha** · 04-10-2009 11:26 PM

حوار جامد و اعرف بتاع مرسيدس عامله

**tamertamer** · 05-10-2009 04:36 AM

طبعا دة اسمها سرقة وقل مشترى يكون حتى لو عارف مشترك فيها لعدة اسباب اهمها
1- بتاخد حق غير حقك
2- بتتحايل على الدولة ودة فى حد ذاتة تهرب من المجتمع لسداد الرسوم الواجب دفعها
3- فلوس حرام 100 فى 100
4- هيبقا دميرك مرتاح وانت عامل حاجة زى كدة
5- مخالفة لشرع ربنا
6- هتفرق اة عن اصحاب النفوس الضعيفة

**lancerevolution** · 05-10-2009 09:06 AM

المشاركة الأصلية كتبت بواسطة tamertamer

طبعا دة اسمها سرقة وقل مشترى يكون حتى لو عارف مشترك فيها لعدة اسباب اهمها
1- بتاخد حق غير حقك
2- بتتحايل على الدولة ودة فى حد ذاتة تهرب من المجتمع لسداد الرسوم الواجب دفعها
3- فلوس حرام 100 فى 100
4- هيبقا دميرك مرتاح وانت عامل حاجة زى كدة
5- مخالفة لشرع ربنا
6- هتفرق اة عن اصحاب النفوس الضعيفة

كلام صح

**ENG\AHMED** · 05-10-2009 02:40 PM

المشاركة الأصلية كتبت بواسطة tamertamer

طبعا دة اسمها سرقة وقل مشترى يكون حتى لو عارف مشترك فيها لعدة اسباب اهمها
1- بتاخد حق غير حقك
2- بتتحايل على الدولة ودة فى حد ذاتة تهرب من المجتمع لسداد الرسوم الواجب دفعها
3- فلوس حرام 100 فى 100
4- هيبقا دميرك مرتاح وانت عامل حاجة زى كدة
5- مخالفة لشرع ربنا
6- هتفرق اة عن اصحاب النفوس الضعيفة

بالراحة بس ياعم تامر

1- العربيتين ملكى سواء اللى جاية من برة او التانية اللى هشتريها من هنا الاتنين بفلوسى
2- بالنسبة للعربية اللى جاية من برة انا دافع تمنها بالكامل وتمن جمركها اللى قررتة الدولة ومش استوردت مخدرات او اى حاجة غير مشروعة
3- مفيش طريقة لاستيراد عربية من برة غير على انها قطع غيار
4- الدولة بتسمح باستيراد العربيات على انها قطع غيار يعنى دة مفهوش حاجة غير قانونية
5- معنى ان دة حرام وغير قانونى يبقى تغيير الانصاص والاربع والقوايم لعربية عاملة حادثة حرام .. وتغيير المواتير كمان يبقى مش مظبوط او تعديل فى العربية باضافة كماليات او اى حاجة مش موجودة فيها وقت نزولها مصر باعتبار ان الجمارك بتتحسب على اساس السعة اللترية والكماليات
6- العربيتين فى الاخر هيصفصفوا على عربية واحد يعنى انت معملتش حاجة كل الموضوع انك بتاخد الحاجة الاحسن من العربيتين يعنى لو شاسية العربية التانية سليم خلاص ركب حاجة العربية النصين على الشاسية التانى .. وحتى لو نقلت رقم الشاسية على العربية النصين هتفضل العربية الكاملة قطع غيار
7- مادام دة اهدار لحق الدولة لية الحكومة بتسمح باستيراد هياكل السيارات بمعنى لية بتسمح باستيراد اجزاء الشاسية كانت سمحت باستيراد قطع الغيار منفصلة والصاج الخارجى للعربيات زى الابواب والرفارف ... الخ
8- اية معنى رقم الشاسية؟؟ .. مش هو رقم مسلسل بيوضح بيانات العربية من بلد الصنع والموديل ... الخ , يعنى وسيلة متابعة للجزء دة او تسمية لية بحيث يسهل متابعتة راح فين وجة منين ومصنوع فين ومصنع لأنهى منطقة او بلد .. هيفرق اية الرقم دة على الهيكل دة او غيرة لنفس موديل السيارة مادام الرقم مظبوط ومش متفبرك ولا مضروب وفى الاخر هو لسيارة واحدة
9- الحاجة الوحيدة اللى شايفها حرام فى الموضوع دة لو لبستها لحد بمعنى انك لازم توضحلة حالة العربية سواء عرف او معرفش ودة ينطبق على اى عربية سواء متجمعة او لأ ان لازم يبقى فى امانة فى البيع والشراء

الموضوع: فى حد يعرف سعر الاوبل دى

LinkBack

أدوات الموضوع

عرض

-

-

-

-

-

المواضيع المتشابهه

حد يعرف ايه الى بيتغير فى صيانه100 الف الاوبل استرا 2007 انجوى

فى حد يعرف سعر فوانيس خلفى معدله لتويوتا ياريس؟او يعرف نمره محل فى بورسعيد او القاهره

سؤال غريب شوية . مش برضوا الاوبل الاتوماتيك المفروض انها تسخن عن الاوبل المانيوال ؟

العربية الاوبل دي تسوا كام نرجو الرد من خبراء الاوبل ولكم جزيل الشكر ؟؟؟

يا جماعه حد يعرف ميكانيكي جامد جدا لكربراتير الاوبل 94 1200 سيسي

الكلمات الدلالية لهذا الموضوع

المفضلات

المفضلات

ضوابط المشاركة