حضـــــــــرتك والله جبـــــــــت من الاخر وتسلم إيدك على الموضوع
حضـــــــــرتك والله جبـــــــــت من الاخر وتسلم إيدك على الموضوع
الله يبارك فيك وجزاك الله خيرا
العفو وجزاك الله خير
انت اللي جميل
فعلا ده بيكافئ الصاروخ بتاع الدوكو فعلا
ولكن الصاروخ اغلى بكثير
يعني الصاروخ لازم يكون سرعات يعني يشتغل بسرعات مختلفة حسب الضغط على زر التشغيل بتاعه وده غالبا بيبقى اغلى من 600 جنيه وانت طالع
ده غير ان الجهاز ده افضل في ماسكته
وده في الأول وفي الأخر استخدام منزلي للناس اللي زي حالتنا كده
فالصاروخ للشغل الكثير والكثيف اكيد
اما الجهاز بتاع بلاك اند ديكر استخدام منزلي يعني معمول اداة منزلية
الله يسلمك وجزاك الله كل خير
مبروك يا معلم
ممكن استاذنك من على شهادة الضمان تجيب لي نمرة توكيل بلاك اند ديكر
فى غيارات للفرشاة بتاعتة؟؟
مبروك يا اخى الفاضل وياريت بعد اذنك ..ممكن شرح لطريقه استخدام الجهاز
الموضوع ده يتثبت
انا اسف يا احمد مشوفتش المشاركات الا دلوقتي
وعالعموم انا قولتلك خلاص في التليفون ان الضمان على هايبر نفسه
ولو عاوز برضه اشوفلك الأرقام مفيش مشكلة
والله يبارك فيك
زي ما موجود في الصورة في اربع قطع مع الجهاز
واحده اسفنج للواكس وثلاثة للبولش حسب النعومة والخشونة اللي انت عاوزها
ودول يعتبروا عرض على الجهاز
طريقة الأستخدام سهلة جدا
انك بتركب القطعه اللي انت هتشتغل بها اذا كان واكس فقط يبقى قطعة الأسفنج
واذا كان بولش هيبقى القطع الأخرى حسب النعومة اللي انت عاوزها
وبعدين تحط عليها كمية صغيرة من البولش او الواكس ايهما
وبعد كده تشغل الجهاز على العربيه وتشتغل في خطوط رأسية او افقية
مش اي حاجه لا كده لا كده
وهنا الصورة ممكن توضح شوية
شكرا على مرورك الكريم
واي ملاحظات ممكن تعمل بها تقرير للادارة بدل ما تبقى في مشاركة
وتقبل تحياتي
جزاك الله خير ودايما كدا موضعاتك حلوة باذن الله
الاخ ابو عبد الله شكرا لك على الموضوع
البوليش simoniz انا بستخدمه اللون الاسود من اكتر من 7 شهور واكثر من رائع وكنت بلمع العربيه كل شهر وكانت بتبقى علقه محترمه وكمان لو فى خدش ظاهر كنت باخد منه واحطه غلى الخدش وامسحه تانى يوم بيبقى شبه مش موجود
وانا شفت الجهاز من اكتر من شهرين فى الهيبر وكنت بخاف اشتريه الا لما اسئل حد وكمان انا كنت بشوف السعر بتاعه 375 مش 275 جم
المهم النهارد بعد ما قريت موضوعك رحت اشتريته (كده فاضل واحد بس الباده بتاعته مش مضبوطه) ولمعت على السريع الكبوت والرفارف اللى قدام طبعا بيفرش البوليش افضل بكتير مجهود اقل فى فرش البوليش والتلميع لكن برضه بتبقى تاخد تلميعه خفيفه بالفوطه الميكرو فايبر
وانا لا استخدم اى فوطه زفره ولا بشيل التراب بأى حاجه بس التلميع مره كل شهر وعندى ماكينه ضغط مياه زى اللى فى البنزينه اسمها كأرشر وهى صغيره الحجم ولها مدفع مياه بضغط عالى بعمل بيها مره او مرتين فى الاسبوع والتنشيف بفوطه جلد غزال
وده من ساعت ما أشتريت العربيه